Loading
follow | sami nawasreh

ادخل ايميلك لتصلك اخر مواضيعنا

اسمع القران الكريم
جديد المواضيع

العودة   منتديات النواصرة > الواحـــة الادبيـــــه > واحـــة الــروايــات > واحـــة الــروايــات الكاملة
الرسائل الخاصه رسائل الزوار طلبات صداقه جديدة تعليقات على الصور
واحـــة الــروايــات الكاملة قســـم يختـــص بالـــروايــات الكاملة فقط


إضافة رد

قديم 12-06-12, 03:06 PM رقم المشاركة : 11
الملف الشخصي
إحصائية العضو







سامي est déconnecté

علم الدولة male_jordan

افتراضي رد: رواية بردان ياحضن الدفا عطشان واظماني الجفا

بالرياض عند العنود وخلود بالجناح
خلود تطالع لكل زاوية بالجناح وابتسامه حزينه على وجهها / كانه كان حاس بقرب موتها علشان كذا اهداكم جناحه
العنود طالعت خلود وبحزن مماثل/ الله يرحمه لولا هالجناح كان الله يعلم بحالنا
خلود بضعف / انا سمعت ابوي يتكلم مع شريفة ويحدد معاها يوم زواجك انتي وعبدالله
العنود بخنقه / ويش تبيني اسوي لا ابوي قادر يقول لا ولا نايف وراكان مو داري عن شي يا دوب يخلص من جدي ومشاكله بالشركة ونايف خالتي مو مخليته لحاله تبي تدبر له مصيبه وهو صغير بالعمر و خايفه عليه
خلود حست بالخنقه ومي قادره تسوي شي تبي تهرب من الوضع وقفت / انا رايحة غرفتي
العنود توقف وتمسك يدها / خلود شنو فيها الغرفة حتى تقعدين فيها
خلود تسحب يدها من يد العنود / احس نفسي تعبانه ابي اروح ارتاح ... تركتها وراحت لغرفتها المقابله لجناح العنود وقفلتها على نفسها... خلود فتحت علبة الادوية واخذت الحبوب المنومه وبلعت لها حبة وتوجهة على سريرها ما تبي تعرف شي ولا تبي تفكر بشي تبي تبعد عن الكل تبي تكون وحيده مع خيال احبابها امها واخوها .. دخلت في نوم عميق وهادي بسبب تأثير المنوم

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ

نايف جاء له اتصال من صديقة ماجد وقرروا يتقابلون بالمكان المعتاد في احد الاماكن البعيدة عن الاصوات والتكيف المركزي فيحبون الاماكن اللي يتنفسون بها هواء طبيعي .. زياد تارك سيارته مع نايف
نايف يوقف السيارة جنب سيارة ماجد ونزل التفت وشاف ماجد على الرصيف وفارش مفرش صغير وقباله ترمس شاهي وحافظه صغيره فيها فطاير .. ويلعب بسبحة اللي معاه وهو سرحان وما انتبه لنايف
نايف عاقد حواجبه ومستغرب حال صاحبة / احم احم ... السلام عليكم
ماجد التفت لنايف وابتسم / هلا وعليكم السلام
((ماجد اسمر الون 21 سنه مملوح جسمه رياضي اطول واضخم من نايف يلعبون بنادي واحد لرياضة بس نايف مو منتظم بممارسة الرياضه هو يعرف نايف من لمن كانوا صغار وعيال حارة وحده ومدرسة وحده ماجد تاخر بالدراسة لانه كان مريض وهو صغير يحب نايف كثير ويعتبرة اخوة وكل اسرار نايف عنده واسراره عند نايف يعرف قصة نايف والعنود مع عبدالله وامه ويحاول يساعدة له اخت اكبر منه بسنتين مشيرة هي صديقة العنود راح نتعرف عليها بالوقت المناسب))
بعد السلام والسؤال عن الاحوال نايف / خير لية وجهك متضايق
ماجد بضيقة وياشر على قلبة/ القلب ياخوك القلب
نايف / لساتها رافضة
ماجد / ياليت على كذا وبس
نايف / اجل ؟
ماجد / قالتها بوجهي ما احبك اكرهك
نايف بعصبية / هذي متحتشم وينها فيه احبك وما احبك وشهي تحسب عمرها تتزوج واحد عن قصة حب هي محسبتن عمرها برا السعودية
ماجد بابتسامه / غنوجججججججج غنوووووووج يا اخوي غنووووج
نايف بعصبية / والله لو هي بنت عمي احجر عليها واخليها تعفن في البيت واعرس وحده تسواها مية مره
ماجد يطالع نايف ويعضي على شفايفه السفليه / بلاك ما تعرفها تستأهل تامر وتدلع وتستأهل اللي يطيعها
نايف / والله بلاك من اللي بوسط ضلوعك هالمهايط انت ما تعرف للبنات
ماجد بضحكة / عدال ياللي خبير بالبنات ما تعرف غير العنود وحنان
نايف بقرف / هييه هييه انت لاتقارن عنودي بحنانوه
ماجد يعتدل بالقعدة بعد ماكان متكي على التكاية / الا ما عرفت بيت ام سعيد وين؟
نايف بقهر / لا والله .. للحين ما عرفت وكل من سالت قالوا ما سمعنا عنها ولا نعرفها
ماجد / انا كلمت لي وحدة من عماتي تسال عن المطوعه ام سعيد وان شاء الله نلقاء لها اثر هذا اذا كان صدق موجودة وحدة بذا الاسم
نايف بعقدة حاجب / كيف يعني اذا موجودة بذا الاسم
ماجد / انت كيف عرفت ان اسمها ام سعيد
نايف / العنود قالت لي سمعت خالتي تتكلم وقالت لي
ماجد / مادام العنود قالت فا يمكن تكون موجودة .. الا كيف ابوك وامك
نايف بحزن / والله يا اخوي حالة ابوي وامي كل مالها تزيد سوا ابيه يروح معي للمسجد يصارخ علية ويتعب وقتها الين ما عدت اطلب منه
ماجد بألم لحال صديق عمره / والشيخ مطلق ويش سوالكم
نايف / سالت عنه قالوا انه مسافر للعلاج وما يدرون متى يرجع
ماجد / طيب ما دورت عن شيخ ثاني يساعدك
نايف / ومن الي يساعدني ويفهمني مثل الشيخ طلق الله يشافيه ويرجعه بسلامه
سكت ماجد لفترة معدوده .. نايف / اختي ودها تكلم اختك عارف صداقتهم ولهم مده ماتكلموا مع بعض
ماجد ابتسم/ تصدق حتى اختي تقول لقابلت نايف اسأله عن اخته وقول له ابي احكي معاها .. الا وين عبيد ؟
نايف بقرف / راح مصر جعلة ما يرد ... المهم قوم نروح الحلاق قرفت من هالشعر
ماجد يضحك / وهذا شعرك ناعم كيف لو كان مثل شعري خشن ... قم قم مشينا

ــــــــــــــــــــــــــــــــــــــــــــــــــ
بتال وسند لحقوا على رعد وقبل ما يركب سيارته ( طبعا الكبار ما ينادون رعد بخال او عم لتقارب العمر بينهم)
سند يمسك يد خاله ويوقفة / يا رعد وش فيك هدي شوي
رعد بعصبية / اتركني انت واياه انا رايح وماني براجع ابد
بتال / انت بعقلك هدي شوي وين تروح وجدتي وعماتي ما فكرت فيهم
رعد سكت ثواني اخذ نفس / انت ما سمعت جدك وايش يقول
سند مسك رعد وسحبة لطاولة خشب مستطيله وحولها كرسي خشب مستطيل كأنه جذع شجرة مقسوم بين النص/ اجلس وهذي الامور ما تنحل بالهروب
رعد بعد ما جلس حط يدينه على راسه وبألم / ما راح تفهموني ولا تحسون فيني
بتال يحط يده على كتف رعد / ومن قال هالحكي
رعد بحزن / شايفه بعيني الا تبون تفرحون على حسابي ما تدرون قد ايش عبير ساكنه قلبي وعقلي ..
سند بحده / انت اللي سكنتها وانت اللي تبي تعذبها وتعذبنا طول عمرك
يا رعد تبي الكل يهتم فيك ويداريك ويراعيك من كنت صغير لازم تكبر يا رعد
شنو اللي ما تحسون فيني لا تقول اعشق واحب انت مؤمن بربك لازم ترضى بقدرة انت منت بزر...
تركة سند وهو ماشي شاف ( نوال ورنيم) قباله ما كانوا بعيد يعني يسمعون كل الكلام
ما طاحت عينه الا بعينها دق قلبه لها ااااه من عيونها اللي تذبحني واااااااااه من عشقي لها
ما لومك يا رعد والله ما لومك بس لازم تفوق لعمرك صد عنهم وتعداهم

رنيم بعد ما تعدا سند من جنبهم وبعد عنهم / بارد عديم احساس ما يعرف للعشق ودروبه
نوال / حرام عليك ليش حاقده عليه وبعدين سند اكثر واحد حساس من شباب العايله
رنيم تطالع فيها / ايه واضح .. واضح ما سمعتي كلامه لرعد
نوال / وهو ما غلط تعالي نروح لرعد!!
رنيم / وبتال؟؟
نوال بابتسامه خبيثه / ما عليه تعالي بس
قربت نوال ورنيم من رعد وبتال .. نوال / مسافر يا رعد .. اوههه قصدي بتنحاش
بتال التفت عليها وهو معصب / انتي واياها ضفو وجهكم وايش اللي جابكم هنا
نوال برغم من توترها من بتال الا انها طنشته ورنيم مستغربه منها / هاا يا الرعد
ما ظنتي ان كلامك اللي بسيارة نسيته والا ليه لا .. انت مثلك مثل غيرك
روح روح يالرجال >>> قالتها بسخرية مما استفز رعد
رعد بعصبية/ثمني كلامك يا بنت
نوال ببرود / ليه اخطيت ... لا والله ما اشوفني اخطيت بشي
انا اعرف الرجال يواجه مصيبته ويؤمن بربه وبالقضاء والقدر
والا ليه ربك قال الرجال قوامون على النساء
مو علشان يكونون قد تحمل المسؤولية والمصايب مو يهرب وينحاش
رعد بعصبية اكثر / نوال والله ان ما انقلعتي من وجهي لتشوفين شي ما يرضيك
بتال كان في البداية مو راضي بحكي نوال لكن لمن فهم مغز كلامها
وشاف انفعال رعد حب يشجعها .. تكلم بهدوء / ليه تبيها تروح لانها ما اخطت في حكيها
رعد التفت لبتال بصدمة ... نوال تزيد / تبي تثبت انك رجال ورنا مراجلك والاااااا .......
سكتت بكف من رعد اسقطها بالأرض وهو بقمة عصبيته / رجال وبغصبن عنك
والله طالت وشمخت يا نويل عطيتك وجهه وقمتي تتمادين بالكلام كأني اصغر عيالك ماني بعمك
رنيم ساعدت نوال على الوقوف ... نوال عطت رعد نظرة ومشت عنهم لحقتها رنيم
بتال بعصبية / لا والله ما طبتك المراجل اجل تمد يدك على بنت وتقول انك رجال
رعد بعصبية/ بتال ماني بناقصك اذلف عني
بتال تركة وراح .. رجع وجلس رعد على الكرسي وحط يديه على راسة
يفكر بالحكي واكثر كلمه "ما انت برجال .. مؤمن بقضاء ربك" الكل يقول له هالكلام
رعد " رجال رجال وبغصب عنكم ومؤمن بربي وبقاضة وقدرة "

رنيم تمسك يد نوال / لقافتك هي اللي خلتك تنطقين
نوال بابتسامه / بس استعدي لعرس رعد راح يتزوج قريب
رنيم / ما اظنه يخون عبير
نوال وقفت ووقفت معاها رنيم / ويش يخونها انتي خبله والا المسلسلات التركية اللي تتابعينها اثرت على عقلك
رنيم برومانسية / لبى العشق والهواء يا ناس ولبى الاتراك اللي يفهمون لهالعشق
نوال تهز راسها / لا والله ما انتي بصاحية الله يعين اللي بيأخذك
شافوا البنات قاعدين حول المسبح الخارجي اللي بشكل الدمعة واتجهوا لهم
رنيم ونوال / سلام
البنات / وعليكم السلام
نوال تطالع الجلسة وشافت الطاولات عليها مشروبات غازية وسلطات ومتبلات يعني مجهزة للعشاء
نوال / بتتعشون هينا
غرام / الكل يتعشى هينا
رنيم / احسن تغيير جو "شافت سمر مستنده بحضن ريهام " وكلمت غرام .. كيف جوها
غرام بقهر / حسبي الله عليها هالعنيد جعلها ...
ريما تحط يدها على فم غرام بعد ما جاءتهم من الداخل / حرام
لا تدعين عليها قولي حسبي الله ونعم الوكيل وخلاص
شجون / بس والله ما اخليها لها لا اقهرها زود
سمر كانت تطالعهم والعبرة خانقتها وشلون تقولهم ما عاد ابي اتزوج خلاص ما ابي ابعد ...
نزلت دمعه منها وحست بيد رنا تمسحها قبل ما تنتبه لها شجون او غرام وتقوم حرب
.. وبهمس / سمر لا تحطين ببالك طنشيها هي مقهورة منك يا روحي
سمر ابتسمت / جعلني ما بكيكم ولا اذوق حرت فرقاكم
بعده الكل صار يتكلموا ويضحكون وتجمعوا الامهات وجابوا الخدم العشاء من جهت الرجال وقعدوا يتعشون

ــــــــــــــــــــــــــــــــــــــــــــــــــ ــــــــــــــــ

على العشاء عند البنات في طاوله لوحدهم ويتكلمون بهمس
غرام / اه يا الي ما بوجهها حياء ولا مستحاء شوفوا وش لابسه
نوال / يمكن ما فكرت ان احد من الشباب ممكن يمر
شجون / لا تبررين لها هي ما شافت وش لبسين
(البنات لبسين العبايات والافين الشيله على روسهم والغطاء كل وحده بيدها تحسبن من دخول الشباب..
وساره كذألك لابسه عباتها اما مها وحنان فعباياتهم مخصره ومطرزة كأنها فستان وشيله مرميه على اكتافهم
اما منار كانت بس حاطه الشيله وعلى اكتافها والحريم الكبار بجلالاتهم )
ابرار / بس انا مستغربه ان بنات خالتها وهي متفسخات بالعبي وطريقة غطاهم وكلامهم
وساره لا متستره وما يطلع منها صوت واذا جات عينك بعينها تخجل وتنزل راسه مع ابتسامه خجوله
رهام / عندي احساس غريب ان سارة عندها مرض نفسي او عقده لانها رافضة الاختلاط بنا
روان/ لالا والله تكلمنا معاها عند الحمامات " اكرمكم الله " تكلمت عادي مثلنا وتضحك كمان
اماني / لا والله انا احس انها مجنونه تتلفت كل بعد شوي كأنها خايفه
غرام بستهبال / ايش رايكم اسحبها لكم واخليها تتكلم معانا ونوال دكتورة تكشف عليها
نوال وبتكشيره / لا والله جايبه الذيب من ذيله ما شاء الله عليك يعننك ذكيه اكيد ما راح تجيك لوحدها
اكيد معاها عنيد والا مهويه ولا هالمفعوصة الثانية حنانوه وبعدين ايش دخلني في النفسية انا دكتورة اسنننننننان افهمي
غرام كشت بيدينها على نوال وطالعت سمر اللي تلعب بحبات الرز اللي بصحنها ولا تأكل منها شي
ريما / دخيلكم كلوا هالاكل المحلل وتركوكم من اكل لحوم البشر بهالغيبة
كملوا اكلهم وبعدها بعض البنات حسوا بتعب والارهاق وطلعوا ينامون والبعض جلس يكمل السهره
والامهات بعد العشاء دخلوا داخل وراح ينامون الكل بدون استثناء

ــــــــــــــــــــــــــــــــــــــــــــــــــ ـــــــــــــــــــــ

عند الرجال الكل تعشاء بصمت بعد اللي صار مع رعد
راكان ما كان عنده علم هو وزياد كانوا عند الشوي وصقر يساعدهم
راكان بهمس لعناد / ويش اللي صاير
عناد بهمس / بعد العشاء تعرف خلك ساكت لتطيح براسك
راكان سكت وبعد العشاء الرجال توجهوا للفله ينامون فيها والشباب قرروا يسهرون بالخيمة وينامون فيها مالهم حيل يرحون لفلتهم المخصصة لهم
راكان وهو يشرب من بياله الشاهي ويتكي على التكاية / ويش العلم ورعد وينه اختفاء
بتال/ ما تدري ويش اللي صار لرعد
راكان عقد حواجبه / لا لو ادري ما سألت .. لية ويش صار له؟
عناد / جدي قرر يزوجه وخطب له وحددوا عرسة وهو اخر من يعلم
عصب ونافخ وخذله كف من جدي محترررررررررررم
راكان عدل جلسته وبعدم تصديق / تمزززززززززح
سند / لا والله ما يمزح والله صوت الكف لساته باذني يالله من زمان عن شوفت جدي بهالحاله
بتال / ايوه الله انك صادق
راكان يطالعهم يبيهم يكملون السالفه .... بدر / والله ما اذكر واشلون دخلنا بسالفة عرس رعد
اذكر اني انا ابي اتزوج وانقلبت السالفة ليه وشلون ما ادري
ياسر بضحكة / الله يستر منك يا بدير هذا انت بس قلت رغبتك رعد اخذله كف
وهو المدلل عند الجميع اجل اذا تم التنفيذ ويش بيصير
سعود يكمل / لا عاد تتكلم بسالفه لا تجيب لنا مصيبه كبيره
بدر بنص عين / تلايط انت واياه مسوين خفيفين دم مالت عليكم
عناد وهو منسدح / لا هم صادقين لا عاد تفتح هالسيرة ابد الا بعد ما انا اتزوج هذاك الوقت افتح فمك
بدر بمزحه/ يعني انت فيك امل حتى تتزوج
عناد بعصبية تحرك بسرعة واتكاء على يده / لية ما انت شايفني رجال والا طايح من عينك حتى مقدر اتزوج
بدر يقوم بسرعة ويسلم على راس اخوة / والله ما قصد اللي فهمت والله اني توقعت انك كاره الحريم وما تبي تتزوج
عناد بغضب / انقلع من وجهي تبي تتزوج وما تعرف تثمن كلامك قبل ما تقوله
بدر بيتكلم بس صراخ عناد له اسكته وطلع من المجلس وهو معصب لحقة ياسر وصقر
وسامر كان نايم رفع راسه وطالعهم شافه بتال / كمل نومك كمله ما فيه شي ...
رجع سامر يكمل نومه وزياد حاط يده على راسة ومغمض عيونه ومطنش الكل يحس بضيقة
ووحده هو دايم حول عيال عمه بس وجوده زي عدمه ان غاب عنهم ما فقدوة مثل راكان
يتمنى يكون مثل فارس وسيف ما خذين راحتهم ومطنشين الكل قام من مكانه واخذ جواله وطلع
رايح للفلة عند سيف وفارس ومحد انتبه لزياد وكملوا الشباب سواليفهم
راكان / ويش صار لرعد بعد الكف وين راح
بتال / قرر يسافر يهج من الديره واهله
راكان عقد حواجبه / بعقلة ذا .. الحين وينه؟
سند / بالفلة اللي وراء النخل
سعود / يعني ما طلع من المزرعة ... انا فكرت انه على طول يروح المطار واول طيارة يركب فيها وباي باي لندن
بتال ابتسم لمن تذكر كلام نوال وعجبه كثير / لالا ما ضنيت انه ينفذ كلامه بانه يهج راح يسمع كلام جدي ويعرس
عناد رفع راسة لبتال / من صدقك تتكلم
بتال هز راسة وابتسامه على شفاته وسكت ... نام عناد وراكان وسعود
وبعد ما رجع صقر وترك بدر وياسر حط راسة جنب سامر ونام اما بتال مجافيه النوم
وهو كل ما غمض عيونه يتذكر سمر وسوات العنود فيها وينحرق قلبه ويغتاض
قام وقرر انه يروح يتمشى بالمزرعة شوي وسند كان مغمض عيونه ويتذكر عيون محبوبته وعشقة لها
سند بنفسة " يارب اغفرلي خطاي والله نيتي خير وانت اعلم بالنوايا يارب تجعلها من نصيب اذا كان
فيه خير لي ولها واذا كان شر ابعدها عني وانزعها من قلبي " سمع صوت جوال يرن رفع راسة
والتفت شافه جنب صقر قرب منه ورفعة شاف " الحنونه " يتصل بك عرف انها خالته الماسة
"يالله يا خاله للحين تخافين علية " فتح الخط وسمع صوتها وهي متلهفة علية وتبي تتطمن
ام صقر / يمه صقر ما نمت يمه
سند بابتسامه / الا يمه نايم
ام صقر / من انت ؟
سند / انا ولدك سند يا الغالية
ام صقر بحب لها الولد بذات غير عن كل عيال اخوانها كلهم تحبهم بس ذا غير / يا حلو ها الصوت ويشلونك يمه
سند / بخير عساك بخير ... وتطمني على صقر هذا هو نايم بين اخوانه ومرتاح لا تخافين علية
ام صقر بحنان / فديتك يمه متغطي عدل مرتاح بنومتها عسى محد ازعله اليوم او تكدر خاطره
سند بضحكة / متغطي عدل ومرتاح ومحد يقدر يزعله او يضايقة حطي راسك يا الغالية وارتاحي ونامي وانتي متطمنه
ام صقر / ربي لا يحرمني منكم جميع يالله يمه بحفظ الله ورعايته ونام يمه لا تطول بسهر
هذا الليل تناصف يمه وبكره جدك وعمامك راح يصحونكم من غبشه .. تصبح على خير
سند كاتم ضحكته / وانتي من اهله

ــــــــــــــــــــــــــــــــــــــــــــــــــ ــــــــــــــ

طلع يبي يريح عمره وينسى العنود وحكيها لسمر خاطره يكلم سمر بس خايف تكون نايمه ارسل عليها رساله
"اذكريني كل ما وقتك قسى ... واذكريني لا مالت عليك الظروف "
وقف فجاه كانه سمع صوت ركز شوي سمع صوت ناعم قرب من جهة الصوت
شافها قاعده وراء شجرت الورد وتلعب بغصن منها وهي مو لابسه عباية رجع خطوة لور وقعد يسمع الحديث
منار / حياتي اشتقتلك موووووت .... ههههههه .... لا تخجلني..... حبببببببي ..
.. خلاص عاد ... اول ما ارجع الرياض اتصل عليك ونتقابل ... ايه حياتي ... ههههههه ...
.. ههههههه ... يالله باي لازم اسكر... حبي والله تعبانه... وانا احبك مووووت ... شنو مكالمة فيديو ..
.. لالالالا ... ماني لابسه عدل ... ادري انك شايفني بس ابي اكون كاشخه ومو تعبانه..
.. حبيبي الله يخليك والله حدي نعسانه ... هههه ... اممممممم بالا مشتاقه لحضنك ..
.. باي .. باااااااي ... سكرت الجوال وراحت لداخل الفلة وهي تركض بين الورود وتدور
وما شافت البركان اللي وراها لو ما قامت وراحت عنه كان ذبحها بارضها
بتال بعصبية / والله والله يا العنود لا خليك تعرفين الرباه والحياء قريب يا قليلة الادب
راح على جهة الفلة تبع الشباب يبي يرتاح هناك ... توجه للمسبح فسخ ملابسه ولبس الشورت
ورمى حاله بالمسبح يسبح ... اعصابه معادة تتحمل يكرها ويقرف منها
بتال في نفسه " من اللي تكلمه.. اشلون اعرف ... انا لازم اعرف ... اذا قلت لراكان انتبه لها..
يمكن ينشغل عنها هو يتحمل مسئولية الشركة والا الزواج والا ايش يتحمل ..
.. ااااااااه يا سمر هالعقربه بتكون جنبك .. ويش السواه يا بتال ويش السواه ..
.. يصير خير يا عنيد بعد عرس راكان ورعد يصير خير"

ــــــــــــــ انتهى البارت ـــــــــــــــــ




 




عرض البوم صور سامي رد مع اقتباس

قديم 12-06-12, 03:07 PM رقم المشاركة : 12
الملف الشخصي
إحصائية العضو







سامي est déconnecté

علم الدولة male_jordan

افتراضي رد: رواية بردان ياحضن الدفا عطشان واظماني الجفا

اضغط على الصورة لرؤيتها بالحجم الطبيعي
البارت 4

عجزت القى لأحلامي فضاء عمري يحققها
عجزت انظر الى جيبي واشوفه دايما خاوي
وعجزت القى لي آمالا واشوف الدهر يسحقها
ذبل عمري كما ورد على ذاك الغصن ذاوي
ورغم الحزن والغربه وعيني الدمع حرقها
بتبقى هامتي نجما رغم ليل الحزن ضاوي
فلا تخضع ولا تركع لغير الله خالقها
واذا شحت دواي انسان رجاى ربي مداوي


عند البنات السهرة ...
ابرار / نوال كان خاطرك متكدر
نوال تتنهد وبسخرية/ لا ابد بس تدرون خلصت دراسة وانتظر الحكم وافكر اشلون ابروز الشهادة واعلقها بجدار غرفتي
هيفاء باستغراب / وليه تعلقينها بغرفتك انتي مو دكتورة
نوال بتنهيده / ايه دكتوره >>> قالتها بسخرية مخلوطة بألم
ابرار تلتفت على هيفاء / بس العادات اللي عندنا درسي و انثبري بالبيت مالك طلعه من البيت الا لزوجك او قبرك
هيفاء رافعة حاجب / لا انتم تمزحون
سمر تضحك / هههههههههه اللي يسمعك يقول انتي تختلفين عنا
هيفاء بثقة/ وليه ان شاء الله ادرس هالعمر كله واخر شيء اقعد بالبيت لا حبيبتي ابي اشتغل وافيد مجتمعي به الشهادة
سمر برفعة حاجب/ اهااا اللي قبالك ماتعرف ام عزام ابد
هيفاء / اذا عزام وغيث موافقين فتأكدي ان امي راح توافق وتشوفين >> هيفاء لو تكبر عنهم ب7 سنين او 6 الا ان ملامحها طفوليه ماتبين عمرها الحقيقي
نوال/ ما شاء الله اخوانك موافقين وامك رافضة عكسنا تماما
البنات / هههههههههه
رهام بسخرية / شر البلية ما يضحك
سمر بنعسان/ اممم بدا تأثير النوم عندي انا لاحقة حبيباتي ابي انام تصبحون على خير
الكل / وانتي من اهلة .. هيفاء توقف / وانا بعد اسمحوا لي ..
اشرو لها البنات براسهم وطلعت
بقيت ( نوال وريما وابرار وريهام ورنيم )
ريهام / ويش صار بسيارة رعد قلبتكم لها الدرجة
ريما تتنهد بصوت مسموع / ابد بس رنيم خبصتها مع رعد
رنيم بعصبية وتوقف / ما خبصتها ولا شي هو اناني ومغرور وما يفكر بأحد ..
.. وايش تبين اقول بعد اللي قاله ما يعرفنا ويشكك فينا ..
ابرار بهدوء تمسك يد رنيم / اهدي واجلسي صحيت الكل ..
رنيم نفضت يد ابرار بعصبية وتجهه للفلة/ انا انام ابرك لي من جلستكم و انهزامكم ..
نوال وريما وابرار وريهام التفتوا لبعض وبعدها الكل سكت ويطالعون لسماء ..
نوال تردد بداخلها كلمت انهزام "انهزامكم انهزامكم صادقة رنيم دايم نقول ..
هي اللي رومانسية بزيادة ودايم تحلم .. وغامضة .. ومعقدة .. والله ما غيرنا اللي يحلم ومعقد وبعد تافهين "
ريما " الله عليك يا رنيم لازم تسببين لانا مشكله اكيد رعد بيقول لامي
لالالا رعد دايم يكتم اسرارنا ما ننسى لمن قالنا عن حبه لعبير ويبي مساعدتنا ليتها ترجع ذيك الايام "
ريهام تطالع لنجوم " ليتني اقدر اطلع اللي بداخلي ابي اطلع كل لوحاتي برا ..
وشلون لازم تنشهر هالوحات انا ماتعبت فيها علشان تنحط بالمخزن ..
واصلن المخزن امتلاء كيف اتواصل مع استاذتي واكيد اهي اللي بتساعدني "
ابرار " يارب ارحمنا من عندك يارب .. الفراغ يذبحنا صديقاتي تزوجوا واللي معاها ولد واللي متوظفه الا انا ..
يارب بوسط صدري فراغ يالمني ابي شخص يحسسني بان لي فايدة بهالوجود .. يارب ارحمني "..
تنحنحت علشان تعدل صوتها .. / بنات تأخر الوقت لازم نروح ننام بكره ورانا قومه من صباح الله خير ..
قاموا البنات وتوجهوا على جناحهم لنوم وكل وحدة مشغول بالها بفكر وهم ..

ــــــــــــــــــــــــــــــــــــــــــــــــــ ـ

بالرياض .. نايف عند باب غرفة العنود بس ما سمع صوت عرف انها نايمه استودعها الله ودخل غرفته
دخل الحمام "اكرمكم الله " بيأخذ له دش سريع .. بعد ما خلص ونشف جسمه ..
لبس له بجامه سوداء بينت عضلاته الضعيفة نشف شعره اللي قصرة حيل ..
مشط شعره وتعطر ورمى جسمه على السرير يفكر " متى صار هالشي متى ..
.. عمري ما اكلت شي من يد عبيدوه .. اذا قدر يوصلها لي اكيد يقدر يوصلها لخواتي ..
.. قعد بسرعة من خوفه انها تكون وصلت لخواته .. لالا خواتي نادرنا ما يطبخون تحت ..
.. دايم يطبخون بجناحهم وانا ما لحظت أي شيء على خواتي .. بكره لازم اتكلم مع العنود وانبهها ..
.. و ابي اعرف من وين يجيب عبدالله هالمخدرات .. ابتسم لفكرة خطرت في باله ..
.. والله ما ينكسر ظهر شريفة الا عن طريق عبدالله " زادت ابتسامته " والله وطحت يا عبيد انت وامك "
انسدح وغمض عيونه وهو يتخيل حياته هو وخواته واخوانه وابوه وامه بدون خالته شريفة ..
.. كيف تكون .. ودخل بنومه .. واحلام سعيدة ....^^

ــــــــــــــــــــــــــــــــــــــــــــــــــ ــــــــ

يوم جديد .. بأحداث جديدة .. وهموم جديده .. وامال جديده ..

بالمزرعة ..
سيف وفارس بالجلسة الصباحية اللي جدهم يحب يفطر فيها .. قبال النخل وسقيت الماء ..
ابو محمد توه فتح مجر الماء .. وريحة الماء مع الخضرة ونسيم الهواء المنعش تشرح الصدر ..
سيف / استعد يافويرس للعصاء من جدك
فارس معاه الانفلونزا توها باديه فيه / والله مالنا الا انه نقول ارتفعت حرارتي وانت ساعدتني ..كح كح
سيف بضحكة / اللهم لا شماته ليت كل ما انحاشنا منهم تجيئك الأنفلونزا
فارس / جعلها فيك موب فيني
سيف / هههههههههه لهدرجه متعبتك
فارس / جربها وشوف .."وبمزح " تعال خلني اعطس بوجهك ..
سيف متقرف / ييييييييييع .. الله لا يقوله ..
زياد جايهم وهو لابس بنطلون بني غامق وتيشيرت بيج نص كم وفيه رسمة بالبني الغامق
ولبس كاب بني غامق ونظاراته الشمسية ... بابتسامه / صباح الخير
سيف وفارس / صباح النور
فارس يطالع لبسة وبضحكة/ ويش ذي الشياكة ياهووو الله يعين قلوب البنات ..
زياد ابتسم / اذا انا جنبك محد شايفني
فارس لابس جينز رمادي غامق وتيشيرت فيروزي وفيه كتابه بالإنجليزي رمادي
مع نظارات بوليسية ومحدد السكسوكه ... ابتسم / البارح نايم جنبنا خير ويش صار
زياد عقد حواجبه .. وسيف مبتسم / شكلك انخرشت " غمز له " كنت نايم وشكلك متضايق ..
زياد ارتجف وفهم مقصدهم غلط وتذكر احداث البارح ..

بعد ما طلع من بيت الشعر متوجه للفلة كانت الأضواء موضحة كل شي حوله كان يمشي بخطى سريعة وكانه يركض
فجاءة انطفت الإضاءة وسمع صوت قريب منه رجف جسمه وما قدر يتحرك ..
رجعت له ذكر قديمة ومؤلمه وجارحة بالنسبة له .. همس / راكان
ابو محمد / من هناك
زياد يحاول يتمالك نفسة / ز ز زياد
ابو محمد / اهاا وانا ابوك وطيته السلك وانفصل .. اهه شبكته
زياد اول ما رجعت الإضاءة راح يجري للفلة .. ابو محمد باستغراب / ويش بلاه

رجع للواقع بعد ما سمع صوت جدهم وجدتهم وابو بتال
ابو سطام / صباحكم الله بالخير يا عيال
الشباب / صبحك الله بالنور وقربوا منه وسلم على راسة ويده وسلموا على ام سطام وابو بتال
ابو بتال / وينكم البارح ما شفناكم >> يقصد سيف وفارس
سيف / البارح كان فارس محموم وما حبينا نزعجكم طلبت من ميري تسوي شوربة وما تخبر احد ..
واخذته ووديته للفلة يرتاح وعطيته علاج اخذنه من الصيدلية وبالكمادات الباردة الين خفت الحراره ..
فارس يطالعه متفاجأ منه كان يبي يقول كذاب انا اللي طلبت من ميري وانا اللي راعيت نفسي ..
وهو ولا اعطاني أي اعتبار ويشوف الفيلم بس يوم شاف الجدة والجد وعمه مصدقين مشاها ..
ام سطام / وكيف سويت الحين عسى الحمى خفت عنك
فارس يبتسم / الحمدلله اشوا يومه وما قصر سيف معاي ابد ... كح كح كح ..
ابو طلال وابو راكان وابو صقر وابو عناد وابو سند وبتال وسعود وسند وراكان وعناد متوجهين للجلسه ..
وكلن يسولف مع اللي جنبه .. ابو طلال ماسك يد اخوه ويسولف معه ويحاول يفهم اخوه ..
الكل وبصوات متتالية / السلام عليكم
الجالسين / وعليكم السلام
ابو سند شاف وجهة فارس تعبان وهو يسلم علية وحس بحرارة جسمة عالية / فارس ويش فيك انت تعبان
فارس طالع ابوة بابتسامه / مو مهم يوبه بس شوية انفلونزا
ابو سند بخوف/ ولية ما قالت لي او قلت لاخوك سند نوديك للمستشفى
فارس ابتسم / لا يبه اخذت لي من الصيدلية والحمدلله تحسنت
ابو سند بحزم / رح لجناح امك خلها تراعيك بدال قعدتك بهالبرد لا تزيد عليك وتتعب زود قوم الله يصلحك
فارس يقبل يد والدة / الله يخليك لي انا بخير ولا تقول لامي شي خلها تستانس
ابو سند / اهااا بصرك .. ويا ويلك ان زادت عليك ودرت امك وعصبت اياك تقولها ابوي يدري مانيب ناقص تزعل علية
الكل / هههههههههههههه
ابو بتال بضحكة / والله ماهي بهينه اختي مخوفتك
ابو سند / فديت بنت سعود قلبي ما يطوعني على زعلها
ابو سطام / الله يخليها لك ويباركلك فيها ....
...../ صباحكم بالخير
التفتت ام سطام بشوق / هلا هلا وغلا صباحك ربي بالرضا والنور والسرور هلا برعدي هلا
رعد يقبل راس ابوه وامه ويقبل راس ابو راكان وابو بتال القريبين من والديه ..
.. ابو سطام فرح ان ولده ماطلع من المزرعة معناته هذي بشارة خير التفت على ابو بتال
وهزله راسه معناته سارت الامور بخير ابتسم ابو بتال
ام سطام تسحب يده وتجلسة بقربها / ها يمه اشلونك امس كله ماشفتك ولا طليت علية
ابو طلال يطلع جواله ويتصل وبهمس / تعالي بسرعة ليفوتك رعد بحضن امي ..
.. وسكر الخط التفت شاف الشباب يطالعون رعد وهم كاتمين ضحكتهم انبسط زود ان الصباحية بتكون مونسه حيل
رعد خجلان من ابوه / تطمني يمه بخير وانا كبرت وبكره اعرس
وربي ان شاء الله يرزقني عيال وانتي للحين معتبرتني صغير>>رسالة مبطنه لابوة بالموافقة
ام سطام / متى ياوليد متى اشوف عيالك يحومون حولي ويتهوشون ونت تراعي ذا وترضي ذا
رعد نزل راسة مايبي يبين الضيقة اللي بعيونه / قريب ان شاء الله يمه .. وبنفسة ..
" سامحيني يا عبير سامحيني بتبقين بقلبي الا اخر العمر ومحد يقدر ياخذ مكانك "
ام سطام بفرحة / وعروستك عندي لمن نرجع لرياض اقولك من هي ان شاء الله
رعد التفت على ابوة وشافة ياخذ فنجان القهوة من يد سامر اللي جاء هو وصقر ومعاهم القهوة والتمر
ومطنش الموضوع امه تمسح على شعره وتقراء الاذكار علية وتحصنه
وهو ماسك اعصابه ليثور يعرف امه اذا ما سوت ذا شي ما ترتاح ما رفع عينه لشباب بس يسمع همس خفيف
وما يميز الكلام بس هو متاكد انه يعنية امه للحين تعتبره طفل
...... بصوت فيه عبره/ اييييييييييييه بس اريعيد اللي تدلعونه وتخافون علية كانه هو اللي ولدكم الوحيد وانا لا
الكل التفت ... وابو طلال وابو بتال وابو سند وابو عناد فكوها ضحكة /هههههههههههههههههههه
ابو صقر بضحكة/ فديييييييييييييت الغيور انا يابعد عمري تعالي جنبي هناء وماعليك من رعيد
مياسة ناسيه حاله .. حطت عيونها بعيون ابو صقر وبنظره فهمها .. وتناست وجوده مثل قبل
رعد مشتاق لغيره اخته فحب يزيدها انسدح وحط راسه على فخذ امه / جعلني مفقد هالحضن وخلي غيري يموت قهر
الهنوف والعنود جايبين الفطور ومعاهم بدر وياسر ... العنود / وانا اقول ويش جاها ... طلع رعد بحضن امي
الهنوف بنبرة مقصودة / ياربي متى تكبرين عقلك ذا بزر >> تقصد رعد
رعد انتفض وقعد جالس / انا بزر يالعجوز
الهنوف حطت الصينية على طرف الجلسة ولمن سمعت كلمة عجوز التفتت على ابو عناد
وشافته يبتسم والغيرة قبت في قلبها / انا عجوز يالعانس مالت عليك انا اتحد بنت ال14
العنود / هههههههه عانس هو مو بنت قولي يالاعزب ... الهنوف كشت بيدها
رعد يجلس بين امه وابوة / روح روح يالعجايز مابكم الا الغيرة وبعيدين ويش هالعانس لمن ذي
الماسة راحت تغلي من الغيرة / يممممممممممممه يوووووووووووبه ولدكم ذابحته ذابحته
واتجهت على رعد اللي ما قدر يكتم ضحكته وقام ابو صقر حتى يمسك الماسة ويقعده بجنبه
والشباب مو مصدقين شي مغير فاتحين فمهم كانهم مهبل ..
راكان التفت على عناد وبهمس / هههههه وتبي بنات عمك عاقلات اغسل يدك هههههه
عناد بعصبية / كل تبن وانطم ..
العنود غارت من الماسة وراشد / فهيد ما عندك شي منا والا منا >>> قالته بشويه عصبية
سند اللي كان جالس جنب ابوه قام قبل ما ياخذ له لطشه / حياك يمه تعالي مكاني
ابو سند بمرح / يااااااااااوييييييييييييييييل قلبي... "يمسك يد سند ويسحبه" ... انثبر مكانك ..
.. "وقف واتجه للعنود ومسك يدها والتفت على الجالسين" .. والله خاطر اجلس معاكم ..
.. بس اسف مرتبط مع عنودي .. مع السلامه ... "سحب العنود وراحوا يمشون لجلسة وراء النخل "
ابو بتال / والفطور ... ما سمعوه لانهم يمشون بخطاوي سريعه مضحكة
الكل / ههههههههههههههههه
ابو طلال يلتفت على ابو بتال / اقول يا سلطان
ابو بتال / سم
ابو طلال / سم الله عدوك ... مو كان انا وانت اللي بقين بدون حريمنا
ابو بتال / والله من لقافتك جبتهم تحسبني ما شفت اتصالك
ابوطلال بضحكة / ابي استانس ابي اضحك من زمان عن هالجمعه الكاملة
ابو بتال / هااا هي خذ الحين قاعد بالحالك يا رجل الثنتين
ابو سطام/ هههههههههه الله لا يحرمني منكم للحين ماكبرتوا على المناقر ..
والتفت على ولده سطام شافه ساكت ويدور بعيونه على الفراغ كانه ضايع او يفكر بشي ..
.. حزن على حال ولده اللي مو بعارف كيف يعدله .. واللي سمعه البارح زاد من حرقة قلبه
ابو بتال التفت لابوه وهو مبتسم ولمن شاف نظرات ابوة على اخوه سطام زم شفايفة وسكت بألم
الماسة والهنوف رجعوا عند الحريم وام سطام حلفوا عليها عيالها الا تفطر معاهم وافطروا الرجال والشباب كلهم مع بعض

ــــــــــــــــــــــــــــــــــــــــــــــــــ
عند الحريم البنات توهم صاحين شافوا الجو مره حلو للقعده برا
فاصروا يفطرون بالجلسة الارضية اللي خلف الفلة قباله حديقة الورد

غرام تكلم البنات / شرايكم بعد الفطور نروح جهة الخيل
سمر / ايه انا ضايق خلقي وابي اركب الخيل
شجون / حضكم انتم تقدرون تركبون بس انا عنادوه محرم علية
غرام / انا ابي اركبك واعلمك ركوبه واتحداه يفتح فمه
ابرار تضحك/ لا تكذب عليكم اصلن هي تخاف من الخيل وشلون تركب .. التفتت على شجون .. وبعدين لا تحطينها براس عناد ماهو بقايل لك شي
شجون بعصبية / انا مااخاف انتي اتحداك تركبينه
ابرار بتحدي / ماشي راح اركب اليوم وتشوفين ان عناد ماراح يقولنا شي
غرام تكلم بنات الماسة / وانتم يالرقيقات
ريما / انا راح اطالعكم وبس
رنيم / انا ابي اركب بس ما اعرف
غرام بفزعه / انا اخت سند ان اعلمك
نوال / بالعدال لا يطق لك عرق ... رنوم انا اللي بعلمها
ريهام / اما انا بصف ريما ما اقدر اقرب جنب الحصان ابد
رنا وروان كذالك مايدين ريهام وريما
غرام / الله من الرقه الماااااااااااسخة
رنا / احسن منك يالمرجوجه
اماني بدلع مو لايق / نوال نونو حبيبت اختها الوحيده
نوال عارفة مقصدها / خير حبيبة اختها ويش تبي
اماني بفرحة طفوليه / ابي اركب معاك الخيل
نوال بابتسامه لاختها اشرت على عيونها .. قامت اماني وباستها بقوه على خدها / فديتك والله
شجون بقرف / يالله صباح خير شوفوا من شرف ... التفتوا البنات وشافوا منار ومها وحنان
لبسين عباياتهم اللي كانها فستان مطرزه ومخصره مبينه مفاتن جسمهم
والثمة اللي تغطي ربع الوجه >>> تعبانين فيها >> وريحت العطر تفوح منهم لبعد كيلو
غرام بقرف / استغفر الله هذيلا وين رايحين
ابرار / سمعتهم يبون يتمشون بالمزرعة
شجون / عساهم يضيعون ولا يلاقونهم
سمر بسخرية / هاا مفكره بيروحون لوحدهم لازم دليل سياحي >> وحطت قطعة خبز في فمها بقهر
غرام / والله لرجع لهم وانا ذابحتهم
نوال تفكر / اقول قوموا بسرعه وجهزوا عمركم واطلعوا من الباب الخلفي قبل ماحد يشوفنا وينشبنا بهم
البنات بسرعه قاموا ودخلوا الفله وجهزوا نفسهم واخذوا شناطهم معاهم تتعلق بالظهر
وحطوا فيها من الشبسات والشوكلاتات وكل وحده علبة مويه والكل لبس ..
.. لبس يليق بالخيل يعني بنطلون و بوت وطلعوا كل البنات وتوجهوا على اسطبلات الخيل

ــــــــــــــــــــــــــــــــــــــــــــــــــ ـــــــــــــــــــــ

عند الشباب الجو رايق ويشربون الشاهي والشياب راحوا يشوفون النخل وباقي محصول المزرعه
هم مقسمين محصول المزرعه جزء يتوزع على بيوت العائلة
والجزء الثاني يتوزع على الفقراء اللي في القرئ اللي حوالين المزرعه

سند يتكلم مع عشاق الخيل راكان وعناد وبتال وسعود ورعد والباقي يحب يركب الخيل
لكن مو مثل شغف هالسداسي ومهارتهم بالركوب "وطبعا طلال معاهم"
سعود يركب الخيل ومتمرس بها لكن مو مثل اللي اكبر منه تربايت ابو سطام

سند / ماودكم نتسابق مع هالجو الحلو << الجو ليس بحار ولا بارد معتدل منعش لروح خاصة مع ريحة الزرع
بتال / الا والله خاطري اشوف "كساب" لي حول الاسبوعين ماشفته
رعد / انا البارحه شفت "الرعد" بس ماركبت عليه والحين رايح له
راكان / يالله خلينا نتوكل
عناد / بس مانبي سباق اول شي نفحصها ونشوفها والعصر يصير خير وحتى الشياب يكونون موجودين وهم اللي يحكمون
سعود بابتسامه / ويش ناوي عليه ياعناد
عناد يبتسم / على كل خير
سند وهو يوقف ويلتفت للبقيه / محد مخاوينا للخيل
بدر / انا والشباب اتفاقنا نلعب بلياردو في الفله والعصر نسير على الخيل
عناد / يعني بتجلسون بالفله الثانيه
صقر / واحتمال ناخذلنا غفوة للاسترخاء
بتال / اهااا براحتكم
وتوجه رعد وبتال وسند وسعود وعناد وراكان وكل اثنين يتحدثون بأمر يشغله

ياسر يتكلم مع فارس / فويرس معاد فيه تراجع
فارس / مافيه يالله نبداء
سيف / انا ماني مع التراهن حرام
زياد / وانا بعد مثل سيف
صقر وسامر / هاااااا عليش اتفقتوا
ياسر / خلاص اللي يفوز ياخذ سيارة الثاني رسمي وحنا نشهد
زياد / اعذروني انا ابي اتمشى بالمزرعه
سيف / وانا ابي اخاوي زياد
الكل توجه الى ما يريد زياد وسيف راحوا جهة الحيوانات وفارس وبدر وياسر وسامر وصقر الى الفله لإقامة التحدي المتفق علية

ــــــــــــــــــــــــــــــــــــــــــــــــــ ــــــــــــــــــــــــــــــــــ

شريفه " ام عبدالله "/ يا ام عناد البنات خاطرهم يشوفون المزرعه بدال الخنقه
ام عناد/ ايه خليهم يروحون مع بنات عمهم هذا هم رايحين
مها بميوعه/ مافيه احد كلهم راحوا وتركونا
ام عناد تلتفت على جهة البنات وماشافت احد
ام سند / وانتي يا ام راكان وخواتك مو خاطركم تتمشون معانا هذا احن نبي نمشي تعالوا معانا تشوفون...
منار تقاطعها / بس حنا نبي نمشي مع البنات ونسولف سوالف بنات
ويش لنا بسوالف العجايز مغير تجيب الهم >> قالتها وهي متقرفه وتقصد شريفة
الجوهره ما اعجبها اسلوب منار اللي تعتقد مثل الجميع بانها العنود ..
.. / ويش ذا الحكي يابنت احشمي الجالسات كلهم كبر امك
منار برفعة حاجب / على ما اعتقد تكلمت معاك وبعدين احشم ماحشم كيفي >>> قالتها وهي تضع اصبعها على راسها
مها / ماما احنا رايحين نمشي لوحدنا مو صاير شي علينا
العنود "ام سند" بغضب / ويش اللي تمشون لحالكم وانتم ما تعرفون شي بالمزرعه والمزرعه كبيره وفيها عمال ليصير عليكم شي
منار بصوت عالي / اوههههههههههههههههههوووه انتم ليه ما قلتوا لبناتكم ذا الحكي
ليه ما منعتوهم والا هم على راسهم ريشه >>> التفتت على بنات خالتها
>> انا ماشيه اللي بتمشي معاي اوكيه واللي خايفه تجلس مع العجايز
ساره تضايقه من طريقة كلام منار ما تبي صورة العنود تتشوه ولاهي قادره تتكلم خايفه من شريفه
وتتذكر وصية العنود لها " ايش ما يصير ما تنطقين بحرف وعماتي ما يهموني ابد انتي ومنار اللي تهموني "
الجوهره والعنود تضايقوا حيل ووضح هالشي بملامح وجهها اما ام سند فاكتفت بالاستغفار والدعاء بالهداية
ام عبدالله اتسعت ابتسامه وهي تشوف وجه العنود والجوهرة متغير وواضح فيه الضيقة والبقي ما يهمها

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ

عند الشياب

ابو سطام يجلس في العريشه في وسط الارض المخصصة لزراعة الطماطم والذرة والمحاصيل الاخرى
البعيده عن الفلل والشباب يبي يتكلم مع ابو محمد في شيء قد طلبه منه من حوالي يومين
ابو سطام/ هاا يا ابو محمد جبته
ابو محمد / ايه ياعم جبته وهو يحتريكم في هذيك الغرفة انا نظفتها وزينتها مثل ما طلبت
ابو سطام / زين زين .. ومثل ما قلت ما ابي احد يدري بالعلم
ابو محمد / ابشر طال عمرك
ابو سطام / نادي لي على سلطان وسطام
ابو محمد يقف / تامر ... واتجه الى سلطان وبلغه بالامر
سلطان كان عنده خبر بالي يبه ابوه .. سحب سطام معاه وتجهوا الى والدهما ومعاهم ابو محمد ..
سطام كان يمشي معهم وكانه غائب عن العالم .. عبدالعزيز واولاد عمه وقفوا في مكانهم ..
ما يدرون باللي يصير بس عندهم احساس بان ما اجتمع سلطان وابوة الا والعلم كايد ..
عبدالعزيز بتوجس / عسى العلم خير
راشد بتوقع / يخص سطام
خالد وفهد هزوا راسهم يأكدون الموضوع والتهوا بعدها بجمع المحاصيل اللي حولهم

ــــــــــــــــــــــــــــــــــــــــــــــــــ ــــــــــــــــــــــــــــــــ

عند البنات

ابرار تمسح على احد الخيول وتتكلم مع شجون التي تتصنع عدم الخوف وهي ترجف بداخلها
ابرار / شوجي تعالي مسحي على جبهتها ورقبته صدقيني ما راح يضرك وماله داعي الخوف
شجون بعصبيه / قلت ماني خايفه بس متقرفه
غرام وسمر/ هههههههههههههههههههههههههههه
شجون بعصبيه تلتفت لهم / على ايش تضحكون انتي واياها
سمر ومعاها خيلتها " غياهيب " / ما انتي خايفه الا مرعوبه والله ما هقيتها منك يا شوجي انتي تخافين
غرام وخيلتها " الغلا "/ وحاطة الحجة على عناد ... حجة البليد كمليها >>> قالتها وهي تضبط سرج خيلتها

سمر وغرام هما الوحيدتين اللي يمتلكون خيول خاصة بهم من بين البنات ..
وهي مهداه من جدهم سعود ابو سطام لهم لانهم يعشقون الخيل ومتمرسين بركوبها ..
نوال طلعت خيل اخوها طلال " طلق " وطلبت من غرام تشوف السرج ..
وهل هو ثابت وما يأذي الخيل بما ان غرام وسمر خبيرات بالخيل وامورها ..
نوال واماني وابرار ورنيم وسمر وغرام هم اللي يبون يركبون الخيل ..
واما البقيه فقرروا الجلوس قريب من الاسطبل ينتظرونهم ..
نوال على خيل اخوها طلال " طلق " وخلفها اماني
وابرار ورنيم اخذوا من الخيول الموجودة بالإسطبلات ويملكها جدهم " جدهم من عشاق الخيل "
غرام على خيلها "الغلا" .. سمر على خيلها " غياهيب " ..
كانوا لابسين العبي ورافعينها لنص بطنهم ورابطينها ولافين الشيله ومتلثمين بها بطريقة محتشمة ..
ومثبته عليهم بطريقه رائعة ولابسين النظارات الشمسية ونفس الشي ابرار ونوال ورنيم واماني ..
خرجوا من الاسطبل وتفاجأوه بدخول الشباب من البوابة الاخرى ..




 




عرض البوم صور سامي رد مع اقتباس

قديم 12-06-12, 03:09 PM رقم المشاركة : 13
الملف الشخصي
إحصائية العضو







سامي est déconnecté

علم الدولة male_jordan

افتراضي رد: رواية بردان ياحضن الدفا عطشان واظماني الجفا

عند الحريم

الجوهره تهمس للعنود/ هالبنت ما شفت اوقح منها
العنود / والله ما دري وشلون تغيرت تذكرين المره الاولى ما كانت كذا تغيرت علينا
الجوهر وهي تحس بالم بمعدتها وهاذي الالم ما يجيها الا اذا تضايقة مره / انا ابي اطلع اريح معدتي تألمني شوي
العنود بحنية / تبيني اسوي لك نعناع باليمون او يانسون تهدي اعصابك ومعدتك
الجوهره بشكر / لالا تسلمين انام واصير زينه مع السلامه .. وتركت العنود وصعدت لجناحها
العنود / بحفظ الله ورعايته
الهنوف والماسة يجلسان بجوار العنود ... الهنوف/ استغفر الله ... والحمدلله أني ما كلمت ابو سند عنها
العنود عاقده حواجبها / تقصدين من؟
الهنوف/ اقصد بنت اخونا العنود .. كنت ابي اكلم ابو سند اقوله يخطبها لسند زين وعقل
بس بعد اللي شفته لا والله ما ني بمرميتن ولدي على هالبنت الغثيثه
الماسة / انا والله اني اشك في امرها البنت متغيره حيل
العنود بضيق/ سكروا السالفة مالنا ومالهم الله يستر علينا وعليها
الهنوف / ويش اللي مالنا ومالهم انتي ناسيه انها بنت اخونا يعني اللي يضرها بيضرنا
العنود صدت وسكتت " كانت تفكر انها تكلم بنت اخوها عن حال ابوها وامها بس بعد اللي شافتها ابد ما تفكر تكلمها "
سكتت الهنوف والماسه عن الموضوع وهم يطالعون ام راكان اللي جلست جنبها خديجة ..
وكل بعد شوي تقلها سالفه وام راكان تدور بعيونها بضياع .. ام عبدالله تطالع بالمزرعة وتتحسر ..

ــــــــــــــــــــــــــــــــــــــــــــ

عند شريفة واخواته بجناحهم ..

شريفه فرحانه / ويش رايك باللي سوته منار .. ما نكدت على الجوهره والعنود
خديجة بغباء / هاا الا الا
شريفة / الامور تمشي مثل ماني مخططه لها واحسن
خديجة / وشو
شريفة طنشتها .. ام راكان تجلس ساكته تحس بأرهاق شديد وتعب ..
حطت راسها على طرف الكنبه اللي تجلس عليها وغطت في نوم عميق ..
يظهر للبعض ولكن هي تصارع الاحلام والكوابيس التي تزورها كل ليله

ــــــــــــــــــــــــــــــــــــــــــــــــ

عند منار وساره ومها وحنان وهم يتجولون بالمزرعة

منار بتأفف / خلونا نرجع انا تعبت
سار شافت البنات جالسين قريب من الاسطبلات وبصوت وفرحه طفوليه / شوفوا البنات
التفتت منار ومها وحنان للجهة اللي تأشر عليها ساره.. مها / ويش رايك نروح لهم
ساره فرحة بس تذكرت وصية العنود " لاتخلين امي ابد .. وانتبهي من زعل شريفه "
منار تحس بضيقة مي عارفة سببها من الصباح الباكر / لا خلينا نرجع ماني فايقة لهم
ساره / ايه صدق وبعد هم ما يحبونا
توجهوا للفله وساره تسير خطوه وتلتفت الى جهة البنات وتبتسم اذا شافتهم يضحكون حتى غابوا عن عينيها ..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ

بماليزيا .. بأحد المنتجعات ..
طلال واقف قريب من دورات المياه لنساء ينتظر مرام لفت انتباهه شابه محجبه يبدوا عليها انها عربيه
ممكن تكون من بلاد الشام ومعها طفله صغيرة بحوالي الاربع سنوات ويشوفها تلعب حولين الشابه ..
طلال " هذي بنتها والا اختها .. ابتسم .. ما شاء الله عليها اللي يحفظها " مكان يطالع لشابة ..
كان كل تركيزه على الطفلة البريئة وكيف تلعب وتركض حولين هذه الفتاه وضحكته البريئة ..
ويتعجب كيف الشابة تفهم كل تحركات الطفله .. وما انتبه لخروج مرام ووقوفها جانبه ..
كان يبتسم بنفس الوقت اللي تبتسم فيه الطفلة ابتسامته جميله ..
ومن يشوفه يعتقد بانه معجب بالفتاة ويبتسم لها او يستظرف ..
مرام بصوت غاضب وعالي شوي / ليش واقف ليه ما تروح لها وتتعرف
طلال انتبه لمرام والتفت وعقد حواجبه باستغراب / ويش تقولين .. ما فهمت عليك ؟
مرام بنرفزه / الحرمه شكلها متزوجه وهذي هي تلعب بنتها وانت عيونك اكلتها اكل ..
وهذا احنا مالنا الا يومين متزوجين وعيونك زايغه على الحريم .. اجل كيف بعد سنه تخوني ..
طلال بغضب / انطمي .. وسدي حلقك .. الناس حولنا قاعدين يطالعونا .. وبعدين الكلام اللي قلتيه ..
راح نتفاهم علية بالفندق .. امشي قدامي الحين احسن لك .. عكرتي علي
مرام بحده وصوتها يعلو اكثر/ عكرت عليك .. الحين اللي يقول الحقيقة يعكر على ا..
قاطعها طلال بحده وصوت منخفض / الحقيقة ... ناظري البنت علشان تعرفين الحقيقة
مرام التفتت لشابه بكره وغضب واستحقار وتبدلت كل نظرات الغضب والاستحقار بسرعه لنظرات عطف وحزن
انفشلت وخجلت من اللي قالته لطلال عضت شفايفها ونزلت راسها
طلال بصوت غاضب منخفض / خلينا نرجع للفندق تعكر الجو والشمس قربت تغيب .. امشي
مرام التفتت لطلال وشافت نظرات الغضب ونزلت راسه بسرعة ومشيت وراه بدون اعتراض
طلال وهو يمشي بدون ما يطالعها / تدرين ان العمى عمى البصيرة مو البصر
مرام انجرحت من الكلمة " بس معاه حق معاه حق ,, تستأهلين ازود"

ــــــــــــــــــــــــــــــــــــــــــــــــــ ــــــــــــــــــــــــــــ

في الرياض .. غرفة نايف .. كان يدور في غرفته خلاص مو قادر يستحمل الم راسه
نايف بالم / الله يحرقك ياعبيد الله يحرقك دمرتني الحين وشلون اجيب الحبوب معاد اقدر اتحمل
سمع صوت طرقات على الباب ما فيه غيرها العنود " مو وقتك يالعنود تكفين مو الحين "
العنود من خلف الباب / نايف اذا صاحي تعال نتقهوا تحت في الحديقة ما فيه احد بالبيت
نايف سكت وحاول يسيطر على الالم لكن ما قدر .. سمع خطوات ابتعاد العنود عن الباب
رفع جواله واتصل على .....

ــــــــــــــــــــــــــــــــــــــــــــــــــ
بالمزرعة وعند اسطبلات الخيل

غرام بابتسامه من تحت لثمتها / سبقناكم هالمره
رعد يبتسم / الناس تسلم تقول صباح الخير
غرام / انت لا تكلمني انا زعلانه منك
رعد / افااا ياذا العلم غرامي زعلانه علي تبشر باللي يرضيها
غرام بدلع / ليه اخذت البنات معاك وما اخذتني تحبهم وما تحبنا
رعد بابتسامه / باااااسس ابشري بمشوار خاص اول ما نرجع الخبر ها رضيتي
غرام بابتسامه / ايه رضيت والحين اقولك صباح الخير
رعد بضحكه / صباح الرضاء
سند بعتب / من لقى احبابه نسى اصحابه ... وكان يسترق النظر الى معشوقته من تحت نظاراته الشمسية
غرام بمحبه / انت الخير كله حبيبي لو الكون كله يوقف حواليك ما يقدرون ينسوني وجودك
رنيم ياللي كانت مرعوبه بس ما اتبي تبين وبصوت هامس بظنها .. مسموع للكل ..
.. / غرام انتي رابطة الكرسي على الحصان عدل
غرام والكل التفت عليها باستغراب .. غرام / أي كرسي
رنيم ببراءة وبنفس همسها / اللي جالسه علية
الكل /هههههههههههههههههههههههههههههههه
رنيم تفأجات من ضحكهم كل ظنها انها تكلمت بصوت ما يسمعه الا غرام بس من الرعب ما انتبهت انها رافعة صوتها
غرام بضحكه / ايش رايك ههههه تنزلين وتصفين جنب خواتك الرقيقات هههههه حتى لا تنفشلين اكثر ههههه
رنيم منحرجه ومعصبه وبهمس / مالك دخل بس تعالي شوفي الكرسي مثبت ..
.. اخاف اطيح وبكره ورانا عرس تبيني اروح مكسورة ..
غرام ضحكت وفجاه تذكرت شي والتفتت ناحية سمر اللي كانت منحرجه ..
.. من وجود راكان وكانت صاده على الجهة الثانية ..
غرام التفتت لراكان اللي كان ناسي اللي حوله ومبتسم لسمر وهو يشوفها تفرك اصابيعها محرجه ..
وما فاق اللى على صرخة غرام / هههههيه انت صك حلقك ليطيح واستح الى الحين ما صارت مرتك علشان تطالعها
.. واخوانها اثنين حولك ما قدرتهم .. لمن تصير حلالك هذاك الوقت طالع فيها واشبع ..
راكان اللي وده يسحب غرام من شعرها ويبرد حرته / وانتي ويش خصك خطيبتي مالك دخل بها
غرام برفعة حاجب / بس للحين ما تحل لك لسه ما ملكت هي الحين حصريه لي انا وبس ..
.. وانت اقلب وجهك مالك دخل فيها انت مناك يالله يااااالله .. فارق اشوف ..
عناد بعصبيه / وطي صوتك والا ما انتي شايفتنا يعني
غرام بهدواء علشان تعصب عناد زياده / وانت من حضرتك علشان تحاسبني او تكلمني ..
ما انت شايف اخوي وعمي والا مو مالين عينك
عناد سكت احتراما لسند ورعد
سند بحزم / غرام خلاص ويالله توكل وانتبهوا لنفسكم
رنيم بصوت اعلى اول ماشفتها بتتحرك وهي متوتره حيل/ غرررررررررررررررررام تعالي شوفي الكرسي
غرام التفتت عليه / يالرقيقه اول شي هذا مو اسمه كرسي هذا سرج ثاني انا ماني بفاضية لك ...
.. التفتت لسمر .. سمور مشينا ..
وانطلقوا تاركين وراهم نوال اللي كانت ما ترفع عينها حتى لا تلتقي بعيون سعود ..
ياللي حاسه بلهيب نظراته وهو يطالعها من تحت النظارات الشمسيه ..
وابرار اللي خايفه من عناد يعصب عليها ويفشلها قدام بنات عمها وعيال عمها ..
ورنيم ياللي قلبها بيوقف خوف من سقوطها من على ظهر الخيل ..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ

في الغرفة اللي تقع باخر المزرعة بعيد جدا عن الشباب والبنات والحريم

ابو سطام وسطام وسلطان وابو محمد والشيخ اللي كان ماسك سطام ويقراء عليه وهو ينتفض من بين يديه
وسلطان وابو محمد يحاولون الامساك به قام ابو سطام بعد ما شاف التعب المبين على وجه الشيخ ..
.. وابو محمد وسلطان بعد .. راح جهة الباب ينادي باقي اولاده لمساعدته ..
دخل ابو عناد وابو صقر الذين يستطيعون تقوية قلوبهم لمشاهدة سطام وهو يصارع تعبه ..
بعد وقت من الزمن وبذل مجهود كبير وبعد روية ما احتواه معدة سطام من السحر وغيابه عن الوعي
الشيخ مسفر بحزن / لاحول ولا قوة الا بالله حسبي الله ونعم الوكيل .. حسبي الله ونعم الوكيل ..
ابو سطام ياللي كان يمثل القوة وهو يشوف فلذت كبده يصارع الاوجاع ..
بصوت مرهق .. وغير مصدق / ويش فيه يا شيخ
الشيخ مسفر/ اللي واضح انه سحر .. كفانا الله شره .. ومو واحد الا اكثر من واحد .. هذا سقوا ..
..اما الثاني اللي به سحر مربوط وان شاء الله نعرف مكانه .. سحر يذهب العقل والصحة والإرادة ..
.. اللي شفتوه هذا سحر مسقي في اكله والله العالم انه به سحر ثاني
سلطان بحزن / يا شيخ ما تقدر تعرف من اللي سحره
الشيخ مسفر / استغفر الله ياولدي ولا تقنط من رحمة الله اذا الله اراد هالشي يوضح ..
الكل / استغفر الله استغفر الله استغفر الله .. حسبي الله ونعم الوكيل .. حسبي الله ونعم الوكيل

ــــــــــــــــــــــــــــــــــــــــــــــــــ ــــــــــــــــــــــــــ

عند اسطبل الخيل ..
بعد انطلاق غرام وسمر بخيولهم ..
رنيم بخوف وبهمس / ياجعلك ياغريم تطيحين على راسك .. الشرهة مو عليك ..
.. الشرهة عليه انا الخبلة اللي طوعتك وركبت هالحمار لو قعدت عند اخواتي مو احسن ..
.. صهل الخيل وبدا يتحرك ...رنيم صرخت ... اااااااااااااااااااااااااااه امسكوه امسكوه خلاص ابي انزل ..
نوال تقرب منها وهي كاتمه ضحكتها / خلاص رنيم .. ههه .. هدي والخيل تهدا .. اذا صرختي راح يزيد الحركة
اماني تضحك / قالت لك غرام ما يصلح لك هالمجازفه يا رقيقة روحي صفي جنب الرقيقات خواتك
رنيم بخوف / خلاص خلاص توببببببه ابي انزل توبه توبه ابي امييييييييييييي
الشباب انفجروا ضحك وبعدوا عنها ..رعد توجهه لها وهو يضحك ..
.. / هههههههه رنوم حبيبتي ههههههه هدي وانا اعلمك كيف تركبين هههههه
رعد بدا يعلم رنيم اول الخطوات في ركوب الخيل .. ورنيم ساكته بس تهز راسها " زعلانه " ..
.. علمها رعد اساسيات مسكت الرسن .. وكيف توجهه الخيل على الجهة اللي تبيها ..
رعد اخذ رنيم والخيل وراح لميدان تدريب الخيل .. نوال لحقت غرام وسمر معاها اماني وابرار ..

ــــــــــــــــــــــــــــــــــــــــــــــــــ ــــــــــــــــــــــــــــــــــــ

عند ابوسطام الجالس بالعريشة وسلطان وعبدالعزيز وخالد وفهد وراشد وابو محمد والشيخ
ابو سطام بحزن وماسك عصاته / لاحول ولاقوة الا بالله والسواه يا مطوع
الشيخ / يا ابو سطام السحر انواع فيه اللي يننسقى بشرب وفيه اللي ينحط بالاكل ..
وفيه اللي ينربط وينعقد وفية اللي يتثبت .. وفية اللي يرمي بالبحر .. هاللي طلع من بطن سطام ..
محطوط بشربه وبأكله .. ويبيله اكثر من جلسة حتى يطلع اللي فيه .. والله الشافي المعافي ..
واذا اراد له يعيش يعيش.. واذا اراد انه يظهر ويبان محل السحر الثاني يبان.. كلها بمشيئة الله ..
الكل / والنعم بالله
سلطان وهو رامي شماغه على كتفه ولعقال بيده .. وقلبه يعتصر الم على حال اخوه ..
/ يعني اللي فيه من الاكل والشرب بس..
الشيخ / الله اعلم يمكن فيه سحر ثاني ما يندرا بس اللي فيه قوي والله يعينه ويعنيكم
الكل / امين
سلطان سرح بفكرة وظنونه .. يطالع الغرفة اللي نايم بها اخوه .. وبهمس لأبوه / نعلم ركان
ابو سطام يهز راسه بلا .. وبصوت جهور / هالعلم لا يطلع لحد واللي شفتوه ادفنوه ..
الكل التزم الصمت .. ودفنوا اللي شافوه ..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ

عند غرام وسمر .. بمزرعة الليمون .. يحبون هالمكان .. و خاص فيهم ..
امامهم مجرى الماء يسقي الشجر .. غرام وهي جالسة تحت وحدة من شجرة الليمون ..
.. / هاا سمور شنو اللي مضيق خلقك
سمر واقفه وتمسح على رقبة " غياهيب " / ولا شي
غرام التفتت على سمر / حلفي .. يعني انا ما اعرفك الحين .. طيب صدقتك ..
.. وماراح اقولك وش صار بيني وبين عناد ..
سمر ابتسمت / زي المعتاد تخانقتوا وهو عصب وقال مقولة الشهيرة "قليلة ادب"
غرام تضحك / هههههههه لا ماقالها هالمره قال شيء اقوى واخطر ومضحك
سمر عقدت حواجبها ..قربت من غرام وجلست جنبها / اقوى واخطر وتضحكين .. وما قلتي لاحد ..
غرام / لا .. وبعدين كيف تبين اقول لاخواني .. عناد يقول لي قليلة ادب .. ويتضاربون معاه ..
.. وتكبر الهرجة وتصير فتنه .."وبضيق " .. اصلا انا حاسه انهم يدرون .. لان سند قالي اكثر من مره انتبهي ..
.. وبعدين ما يصير أي شي يضايقك من احد تجرين وتعلمين به اخوانك .. بعض الاشياء تصير معاك فلحظة غضب ..
.. او عصبية لا تخذينه على محمل الجد .. كذا تتعبين وتجيبين المشاكل لنفسك .. وهذا الشيء لازم تخلينه ببالك ..
.. وخاصة وانتي على وجهة زواج وتحمل مسؤولية .. يعني لو سمعتي هرجة او شفتي تصرف من اهل زوجك ..
.. طنشيه ما دام زوجك يحبك ويحترمك وفاهم .. فطنشي يا عمري وريحي دماغك ..
.. وخلي دايم شعارك "مدام معايه القمر مالي ومال النجوم " >>>كانت تقولها وهي تغنيها وتضحك
سمر تبتسم / جعلك دايم بهالروقان
غرام تبتسم / يالله قولي لي شنو مضايقك ولا تكذبين
سمر تتنهد / هالي اسمها العنود بنت عمي غثتني بهرجها .. بليلة العرس ..
.. قالت ان راكان يبي يتزوجني علشان فلوس ومنصب ابوي .. وان راكان يحب مها ..
.. طول الاسبوع معاه وانتي حتى ما يشوفك .. ونهاية كل اسبوع يجي و ما يشوفك ..
.. متوقعه انه يحبك .. هو يكذب عليك ... جرحني هالكلام يا غرام ولو تفكرين فيه .. تشوفينه صح ..
غرام كاتمه غضبه حتى لا تنفجر بسمر/ وانتي صدقتي
سمر امتلت عيونها دموع / هي صادقة ا..
غرام توقف وبصوت عالي / هي صادقه والا انتي اللي ما عندك ثقة بنفسك .. سمر لازم تحطين شي في بالك ..
.. راكان ما يحبك بس راكان يموت عليك .. لكن بسبب الخوف اللي عندك وعدم الثقة راح تخسرينه..
.. " جلست قبالتها على ركبته وبهدوء " .. اسمعيني سمر ان سمحتي لاحد أي كان يتدخل بحياتك ..
.. او يشكك بحب راكان لك .. انت راح تكونين الخاسرة الكبرى وراح تتعبين .. راكان يحبك ..
.. ويعزك وخلي هالشي هنا >> حط اصبعها على راس سمر << .. وبعدين اللي يبي يتقرب من نسب سلطان ..
.. هذا الغريب .. لكن راكان مايحتاج لاسم سلطان حتى ينجح .. اسم ابوه اقوى .. هذا ولد سطام الفارس ..
تعرفين من سطام الفارس .. اذكاء مهندس واغرب و رجل اعمال ينخاف منه بالسوق .. واذا ما انتي مصدقة ..
اسالي بتال .. او قوقل .. وراح تشوفين انجازاته وغرابة تصاميمه .. يعني كلامها فاضي مو صحيح ابد ..
سمر بعبرة / بس انا خايفه حيل .. ما تتصورين قد ايش .. اول مره راح ابعد عن اهلي وعنكم ..
وما قدرت تكمل ودخلت بنوبة بكاء .. غرام ضمتها وهي تتحسب على العنود ... بعد ما هديت سمر شوي ..
.. غرام حبت تغير الموضوع وبابتسامه / ما تبين تعرفين عناد ويش قال
سمر تمسح وجهه من اثر الدموع / ويش قال هالغول
غرام تضحك / هههههههه عجبتني غول ذي تطابقة .. المهم حضرت الغول بعد ما خرجت من القاعة ..
.. الا اقابله بوجهي كان واقف ينتظر خالتي الهنوف لانها دايخه .. طبعا انا كنت لابسه ملثم ..
ورافعه الشيلة عن عيوني .. لاني ابي اشوف سند وين موقف سيارته ..
.. توني طالعة والا اسمع صوته البايخ يقولي غطي عيونك و...
قاطعتها سمر باستغراب / بس غطي عيونك بدون شي
غرام تضحك / هههههههه طبعا لا .. غطي عيونك عساك العمى << تقلد صوته
سمر بابتسامه / ايه كذا تأكدت ان عناد اللي مكلمك .. اهاا
غرام وهي تحرك يدينها يمين وشمال/ المهم انا تناشبت معاه .. رفع ضغطي واقول له انت ويش خصك ..
اغطي ولا لا انت زوجي .. والا ابوي .. والا اخوي .. وهو رد بابتسامه .." تحرك يدينها وكانها تهوي على نفسها "
.. اول مره بحياتي اعرف ان عناد يعرف يبتسم .. قل بروقان .. عجبتني الاول .. وانا عادتي الشينه كانت موجوده ..
واللي هي لا عصبت انسى ويش قلت .. هو بس شافني مفهيه وماني فاهمه ضحك ..
وانا طول الليل قعدت افكر ويش اللي قلته .. ونمت وانا ما عرفته .. وسبحان الله قمت من النوم ..
.. ابي الحق اصلي الفجر والا اتذكر كاااااال اللي قلته .. بغى قلبي يوقف ...
سمر فاتحة فمها مستغربة / تتكلمين من جد والا تمزحين
غرام تبتسم / لا والله اتكلم جد
سمر مسكتها من كتوفها / غررررررررررررام تعرفين ويش يعني .. يعني ان عناد ناوي يتزوجك ..
غرام تهز راسها / ايه هذا الظاهر لكن فالباطن .. يبي يلعب علية بس انا لها ..
سمر شهقت بخوف / غرااااااااااام هذا زواج مو لعب
غرام / ادري وانا له
سمر / غرام توك تعطيني نصايح .. ومدري شنو
غرام / راكان غير عن عناد .. راكان يحبك ومو مخلي احد يضايقك .. اما عناد يفكر اني قليلة ادب ..
سمر / بصراحة غرم .. معاه حق .. انت تتكلمين مع اخواني .. وعيال عمي عادي .. وكانهم اخوان لك
غرام ببرائة / وهم كذا .. اخواني
سمر / حبيهم مثل اخوانك .. بس فيه مو تتكلمين معاهم مثل ما تتكلمين مع اخوانك .. صوتك عورة عندهم ..وحرام ..
غرام / بس امي وابي وحتى عمامي وخوالي وجدي ما قالو لي هالشي عيب
سمر / على ما اعتقد درستي الدين وتعرفين الحلال من الحرام
غرام تفكر بالكلام / صح .. امي وابوي دايم يقلون عني صغيره .. حتى شجون ..
سمر / وانا بعد .. بس خالتي هيفاء نبهتني .. تدرين لمن سافروا كنا صغار مانغطي .. ولمن رجعوا تغطينا ..
كنت مشتاقة العب مع راكان .. بس خالتي هيفاء قالت لي .. انتي كبرتي وفعلن كم شهر وخطبني ..
.. كنت مقهور .. ابي العب معاه ..
غرام بخبث / بسيطة كلها كم اسبوع وتلعبين معاه اللي تبين
سمر محمر وجهها من الاحراج / وجع لبليسك .. قليلة ادب ..
غرام / ههههههههههههههه

ــــــــــــــــــــــــــــــــــــــــــــــــــ
عند منار ومها وحنان بالغرفة ... منار منسدحه على السرير جنب ساره النائمة ..
.. وتفكر بالمكالمة اللي تلقتها من بنت عمها .. وتخبرها بسوى حالة عمها المريض ..
واحتمال وفاته باي لحضة .. خاطرها تسافر لجدة .. بس كيف .. " يارب افرجها من عندك "
مها /يووه يهبل يهبل يهبل خوقاق وااااااااااااااااااو ماكنت اتوقع انوه فيه احد بهالجمال
حنان / مو بس بتال حتى عيال عمه مره حلوين ما شفتي العريس
مها / لا تذكرين والا هذيك العروس تستأهله انا احلا منها مو منوره
منار ليعه كبدها منهم اعطتهم قفاها وتركتها .. مها رفعة حاجب .. وطلعت البلاك بيري وبدت تطقطق
ساره فتحت عيونها وشافت منار تعضي شفتها قربت منها وبهمس / ويش صار
منار بهمس / عمي خضر مره تعبان لازم اروح جدة حالتوه مره خطيرة .. بزورتوو مره صوغار ..
ساره / بكره نرجع الرياض ان شاء الله .. وكلمي نايف يحجز لك لجدة .. وتروحين تتطمنين عليهم ..
لاتخافين .. ان شاء الله ربي يقومه بالسلامة .. و يشافيه ويخليه لعياله
منار تقرب وتحط راسها على كتف ساره وبهمس / ان شاء الله ... ساره صارت تمسح على شعرها الا ان نامت منار ..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ

عند الشباب بإسطبل الخيل كلن بخيله

عناد وخيله " العناد " / العناد يبيله فحص ما هو بعاجبني
راكان مع خيله " برق " بابتسامه .. ونبرة مقصودة / يمكن ضايق خلقة ويبيله ونيس !
عناد يمسح على خيله وبابتسامه مخفيه وبنبرة مقصودة / امممم يمكن قريب يكون عنده ونيس
بتال على خيله " كساب " رافع حاجب / من صدق
عناد يلتفت على بتال وبحدة / انتم ويش شايفيني .. ماني برجال .. يوم اجيب طاري اني ابي اتزوج تستغربون ..
.. ولا شايفيني ماني بكفو اتحمل مسؤوليه ..
راكان وبتال فاهمين حساسية هالموضوع عند عناد وهم كانوا معاه بأحداث سالفته .. بتال يحاول يهديه ..
بتال بابتسامة / الا كفو وكفو وكفو .. بس نستغرب لان ظانين انك مانت بمفكر تتزوج الحين ..
.. وان كنت تبي تتزوج يكون بعد مية وسيلة اللي ينفك عنادك ..
راكان يضحك / ما قول الا الله يعينك ويعينها ما اعند منك الا هي
عناد يلتفت بسرعة لراكان / من ذي وانا تزوجت والا خطبت حتى تقول كذا
راكان كاتم ضحكته و يهز راسه بلا وهو يمشي "برق " الى جهة الميدان لفحصه وتدريبه ...
سند مشغول مع خيله " العزم " وفكرة مشغول ... بتال التفت على عناد بابتسامه لها معنى وعناد صد عنه ..
سند / يالله مشينا .. اخذوا خيولهم واتجهوا للميدان

ــــــــــــــــــــــــــــــــــــــــــــــــــ ـــــــــــــــ

عند رنيم ورعد بالميدان ...
رنيم بضيق / خلاص رعد .. ابي انزل تعبت
رعد بابتسامه / مدي يدك خليني اساعدك
رنيم مدت يده اللي قبل يومي فكت الجبيرة عنها .. رعد مسك يدها وسحبها بقوة شوي ..
رنيم بعد ما نزلت صرخة بألم / اااااااااه .. مسكت يده ... ااااااي وجعتني
رعد بهتم / ويش صار
رنيم تحاول تكتم وجعها / لا ولا شيء خلاص ..
رعد يقاطعها بحدة / شنو لا ولا شيء خلاص .. وشفيها يدك
رنيم تحاول تبلع عبرتها ../ قبل اسبوعين وشوي طحت عليها وتعورت والحين اوجعتني شوي
رعد / عندك الادوية
رنيم / رنيم ايه الحين اروح واخذها
رعد / بس الادوية مو كافيه لازم تهتمين بأكلك انتي شايفه عمرك بس سحبتك عادي ..
.. من فوق ظهر الحصان طرتي بالجو .. وزن وزن ريشه يامعصقل ..
رنيم رفعت حاجب / الحين كل اللي حولي ما شفتني الا انا تقولي معصقل
رعد يضحك / كلكم معصقلات ولا يهمك بس لا تزعلين يكفي اللي صار امس
رنيم شافت الشباب داخلين الميدان ... نزلت عبايتها وضبطت لثمتها / انا ابي اروح للبنات الشباب وصلوا ..
رعد بابتسامه / فمان الله .. بس لا تكونين زعلانه
رنيم / لا تطمن ماني زعلانه لو زعلانه كان ما خليتك تقرب جنبي .. يالله باي
رعد بابتسامه / باي

راكان يلتفت جهة الاسطبل المبني قريب من الميدان بشكله الغريب / بتال
بتال يلتفت عليه / هلا
راكان يأشر على الاسطبل / للحين ما روضته
بتال يتنهد / كاسر .. لا للحين ما تروض جبت اكثر من سايس له .. وما قدروا يروضونه ..
سند / يقولون ان صاحبه الاصلي معلمه على حركة يهديه فيها
عناد / وصاحبة ليه ماقل لك بالحركة
بتال / قصة طويلة
راكان / اللي هي
بتال / يقولون ذا الخيل من خيل اصيله .. وابوه كثير من مولاك الخيول يبونها .. او يبون شي من نسله ..
.. وحاولوا كثير يوصلون له ... او يوصلون لخصوبته .. بس الصاحب الاساسي لها النسل رفض ..
وخذا الخيل واخفاه .. حتى عن اهله .. وبعد سنين .. شافوه عند واحد شاب صغير .. يقولون انه حفيدة ولد بنته ..
راكان / وكيف وصله
بتال / خلني اكملك .. وما كان احد يقدر يركبه غيره .. من كثر ما يحب هالخيل ويغليه ..
.. بناله مزرعة خاصة فيه لوحده .. ومحد يرعاه غيره .. وبعدها بفترة توفى الولد .. والورثة باعوا المزرعة ..
.. وهالخيل كانت من ضمن البيعه .. لان تعب معاه اللي اشترا المزرعة .. وما قدر علية لانه كسر كل اللي حوله ..
.. ان كان من عمال والا الاسطبل اللي هو فيه .. وخوف الخيول الموجودة معاه .. فقال يبي يتخلص منه ..
.. وانا شفته عنده مره فطلبت منه اشتريه .. واشتريته فالبداية فكرت اني اقدر اسيطر علية .. لكن ما قدرت ..
وبعد ما نكسر كتفي بسببه حلفت امي ان ركبته مره ثانية لتغضب علية .. وابوي طلب اني أبيعه ..
بس انا رفضت بعد ما شفته مستحيل اتخيل ان احد يركبه غيري .. فبنيت له اسطبل لحاله وبشكل يريحه ..
والميدان اللي خلفة بعد له .. خاطري اوريه جدي بس كل مره يصير شي وينشغل عنه ..
سند / ما شاء الله اللي يشوفه ما يمل منه
راكان / خلينا نشوفه ونشوف اسطبله
رعد بعد ما رجع الخيل اللي كانت راكبه علية رنيم وجاب خيلة " الرعد " / للحين ما بدأتوا
بتال / بنشوف الكاسر
رعد باستغراب / من الكاسر ؟
بتال / تعال وتشوفه
وتوجهوا للإسطبل الغريب (الاسطبل كان شكله مستطيل كبير ومرتفع طوله والميدان بشكل دائرة ملاصق للإسطبل والشبك الحديدي بطول الاسطبل مرتفع ... الغريب فيه ارتفاعه )
بعد قربهم من الاسطبل .. رعد باستغراب / ويش ذا
سند / اسطبل خاص بكاسر
فتح باب الاسطبل بتال .. سند / ما شاء الله تبارك الخالق
رعد / ما شاء الله تبارك الرحمن من وين جبت هالزين
بتال بابتسامة / صدفة
كان " كاسر يركض فالإسطبل بخفه ورشاقة ولونه الاسود مع اشعة الشمس الداخلة مع نوافذ التهوية للإسطبل ..
.. كان زايد جمل .. وصوت صهيله اللي يدل على اصالته يشعرك بشعور غريب ولذيذ ..
كان يصهل ويصهل كانه يحس بوجع وفقدان لصاحبه ..
رعد / تسمح لي يا بتال ابي اشوف نفسي عليه
بتال بجمود / ما انصحك
رعد التفت عليه / ليه ويش فيه
سند / له سنه وزود عندنا .. وكل ما حولنا نقرب منه هاج .. واي احد يكون قريب منه ينصاب ..
.. مو مروض ولا احد قدر يروضه .. بتال كان موجهة نظره لعيون كاسر للي كانه يتحداه ..
وكان بينهم معرفة سابقة .. بتال في نفسة " ليه احس ان فيه شي يربطني بك اغار عليك ..
.. حتى الحين لمن طلب رعد يمتطيك .. غرت بس من مجرد الفكرة وشلون لو يتنفذ .. ويش السر ومن صاحبك .. "
بتال بحده / خلينا نطلع خيولنا برا
الكل التفت على بتال مستغربين من نبرة صوته محد فهم بتال الا سند اللي عارف بقصة كاسر ..
.. و ايش احساس بتال كل ما شافه ... ابتسم سند ولف بخيله بسهوله وطلع .. ووراه الشباب ..

ـــــــــــــــــــــــــــــــــــــــ

نوال واماني وابرار على الخيل بين الاشجار

ابرار بزهق / لمتى بنقعد على هذا الحال والله طقت روحي
نوال بغباء / اي حال ؟
ابرار بعصبيه / نوال لا تسوين نفسك مو فاهمه .. وانتي عارفة قصدي .. عاجبك حالنا قاعدين مقابلين جدران غرفنا ..
وان تقابلنا ما عندنا شي نسوية حتى السوالف خلصت ..
اماني بلقافه / علشانكم ما تقعدوني معاكم واقل لكم ويش سويت بالمدرسة مقالب وكـ...
قاطعتها نوال / امون اذا ما سكتي وقعدتي عاقلة والله لأنزلك عن الخيل
اماني تعض على شفتها السفلية / انتم الحين مو تقلون الكبار ما يعطونا متنفس ليه انتم ما تعطوني ها
ابرار كاتمه ضحكتها ونوال مبتسمه بس مغطيتها بلثمتها/ امون اسكتي احسن لك ..
والا كل قصصك اللي مساويتها بالمدرسة توصل لطلال ..
اماني تضحك / طلال الحين مو فاضي لي مرومه عنده يعني ما يهمني
نوال بخبث / اذا طلال ما يهمك ايش رايك بسيف
اماني بشهقة رعب / هئئئئئئ لالا الله يخليك نونو حبيبتي والله ما اسوي شيء يغثك خلاص توبة وهذا انا اسكت ..
ابرار بابتسامه / امون وغرامي وشجوي بس اقعد معاهم شوي يضحكوني بحركاتهم وهبالهم ..
نوال بابتسامه / قلتيها مهبل
اماني كانت تبي تتكلمن بس تذكرت تهديد نوال وسكتت
ابرار بهمس / خليهم يعيشون .. " تعدل نبرة صوتها " الا سمعتي باخر هبال غرام مع مين
نوال / مع مين
ابرار / مع جدي وقدام عناد وراكان ورعد
نوال تضحك / هههههههه مو اول مره تطلع هبالها قدام جدي و على فكره جدي يحب هبالها ..
.. بس قدام عناد ورعد وراكان لا قويه .. ويش سوت هالخبله ..
ابرار بحماس تحاول تغلب عبرتها / طلبت من جدي الملحق الخلفي اللي وارء القصر هذاك اللي مو بعيد عن صالتهم الرياضية ..
نوال تجاريها عارفه بلي بقلب ابرار بس ما بيدها حيلة اللي يطولها من الحكي يطولهم / ويش تبي فيه ..
ابرار بنفس الحماس / استراحة للبنات ..
نوال متفاجأه صدق / تمزززززززحييين .. ما اصدق ..
ابرار تضحك / والله شجون جاتني وهي ميته رعب .. قالت لي وهي تبكي .. وتقول عناد راح يذبحني وما ادري ايش ..
نوال / وهذا متى صار ...
ابرار / قبل عرس طلال ومرام .. امممممم لمن جاء رعد من السفر .. وهم راحوا يسلمون على جدي ..
.. وهرجة تجر هرجة وطلبت منه .. بس المفاجاه وين .. ان جدي وافق ..
نوال / ياسلام راح تكون ونااااسة وفله على كيفك .. راح نطلع جناننا كله ..
وراح نمنع دخول الرجال .. ولا يشوفونه بعد .. ونأثثها على كيفنا ..
ابرار بحماس / اهم شي بالموضوع اني راح القالي شيء اطلع كل اللي درسته فيه ..
.. راح اصمم الديكور .. وراح اخلي جو الاستراحة جو فرح .. و راح اطلع كل الابداعات اللي عندي ..
.. وراح .. راح ... واااااااااااي نوال متحمسه .. متحمسة ما تدرين قد ايش .. فيه شي راح يشغللني ..
نوال بفرحة / موفقين ان شاء الله ... اممم .. بس انا مارح اكون معاكم دائما
ابرار / ليه
نوال / لان طلال وعدني انه يكلم ابوي بخصوص شغلي .. وانتي تدرين ان كلمت طلال ما تطيح الارض ..
.. ان كان عند ابوي والا العايلة كلها .. يعني راح اصير الدكتورة نوال صدق ..
ابرار / الحمدلله .. الله يتمم لك على خير .. ويوفقك ..
اماني ترفع يدينه لفوق كأنها تدعي وهي ساكته.... نوال وابرار ضحكوا عليها وكملوا مشوارهم ..

ــــــــــــــــــــــــــــــــــــــــــــــــــ ــــــــــــــــــــــــــ

بعد الظهر .. بالمزرعة .. الكل رجع للفلة .. تغدوا ..

بعد الغداء

شريفه تشوف الجوهره والهنوف والعنود يضحكون على مياسة اللي يعلقون عليها وعلى موقفها من رعد ..
وام سطام استأذنت تبي تروح تنام .. شريفه مقهوره .. ام راكان خذتها بنتها ساره لغرفتها ..
وخديجة ما تعرف تسولف مفهيه .. ومها تطقطق بجواله و تتبوسم .. حبت تخرب الجلسة وتقلبها لمصلحتها ..

شريفه دقت منار بكوعها .. ومنار سرحانه تفكر .. وبهمس / ويش فيك ما تتحركين وما تشوفين هالعجايز يتضاحكون ..
.. ما تغثينهم يا حضي .. وخاصة ها الجوهره .. شافت الجوهرة توقف وتروح .. اخخخخ يالقهر .. تقرص منار ..
.. انا ما قلت لك تغثينهم كل شوي .. انا قلبي يشب نار وانتي حطه رجل على رجل .. اوريك يا مانير ان ما فضحتك ..
منار مو ناقصة هم بالها مع الاتصال اللي جاها .. بدون شي متضايقة وبتنفجر .. وكان بصالح شريفة ..
.. وقفت بعصبيه وبصراخ / اووووووه وبعدين معاك انتي .. مو ناقصني غيرك ..
.. اووووووف .. قرفتيني .. عيفتيني حياتي .. الله ياخذك الله ياخذك .. ويفكنا منك ..
مشت بسرعة وما انتبهت لدخول الجوهره ضربت بكتفها / وخري انتي بعد ..
ومشيت .. سمعت صوت صراخ وطنشته ..
الجوهره تنفض يدها وملابسها من اثار الشاي الاخضر اللي مسويته ..
.. لانها تنافست مع العنود واللي يخسر يسوي الشاي وكسبت العنود / آآآآآآآآآآآآآه يدي
العنود / قومي قومي خليني اكلم احد يوديك للمستشفى
الهنوف / لا ان شاء الله ما تحتاج مستشفى .. فيه كريم حروق بصيدليه ادهني يدك وان شاء الله تخف
شريفة فرحانه باللي صار برغم انها مقهورة من كلام منار.. حاولت قد ما تقدر تكسب الموقف لصالحها ..
.. بحزن كذاب / هذي هي .. العنود لا تحشم ولا تقدر .. مدري وشلون يعيش معها اللي بيتزوجها
العنود كارهه شريفه وتصرفات العنود / امشي امشي يالجوهره لجناحك ترتاحين فيه ..
ساعدت العنود الجوهرة على الوقوف .. والهنوف ومياسة توجوا لأجنحتهم يريحون فيها
شريفة ابتسمت بخبث .. والتفتت لمها / وايش رايك فيني
مها تبتسم لامها / ممتازة " وبداخلها .. يوووووه يا يمه ما توقعتك تكرهين العنود هالكثر ..
.. اصلا طول عمرك تكرهين خالتي شيخة وبناتها وتغارين منهم برغم ما شوف ناقصك شي ..
.. بسبب غيرتك الزايدة واحقادك .. خليتي ابوي يكره حبك .. ابوي اللي يغيب بشهور عنك ..
.. ويجيك مشتاق .. ومن يشوف صراخك ودعويك .. يهج من البيت .. وينك يبه اشتقت لحنانك "
رجعت لواقعها على صراخ امها / وجع يوجعك يالخبله الحين كل اللي صار وانتي نايمه
خديجة تمسح عيونها من اثار انوم / غافت عيني شوي .. ويش صار ..
شريفة انقهرت منها وطنشتها شافت وحدة من الخدم ونادتها / هي انتي جيبي لي حلا وقهوة
الخدمة اشارت براسها وراحت .. مها وقفت وراحت لجناح منار واختها حنان ..

بجناح ام راكان .. دخلت منار معصبه ..
ساره اللي توها نيمت امها / خير ويش صار
منار والعبرة خانقتها / ما ادري بس صار شي ما ادري .. اهئ اهئ
ساره تضمها / ايش فيك ..!
منار تبكي / عمتي فوزيه تعبانه دخلوها العناية يقولو حالتها خطيرة .. انا لازم اروح جده ..
ساره تبعدها شوي وتمسح دموعها ../ خلاص حبيبتي بكره نرجع لرياض ونايف يوصلك للمطار ..

بجناح الجوهرة ..
العنود / الحين لو رحتي المستشفى ونظفوه لك وعالجوه مو احسن
الجوهرة ويدها ملفوفه / لا مو احسن .. هذا انا نظفته ودهنت .. ما يحتاج مستشفى ..
العنود باستغراب / وليه لا
الجوهرة / كذا بتكبر السالفة .. ويدرون عنها عيالي .. وانتي تدرين عن بتال .. بارود ما يتفاهم معه ..
العنود / اهااا .. وبنبرة مقصودة .. وسلطان
الجوهرة ما فهمة القصد / سلطان يتفاهم اقول له ما شافتني و يتاسفت وانتهاء الموضوع
العنود تمسك يد الجوهرة وتذكر الله / لا اله الا الله والله اخوي ما يلام بجنانه عليك اجل ذي يد كنها قطنه
الجوهرة بخجل سحبت يدها وغطتها بكم جلابيتها / الحين بس سلطان المتجنن على مرته ..
واللي فصخ عقلة وراح يترقص معاها قدم خلق الله ويش يكون .. هااا ..
العنود تقرصها / اذكري الله لا تطخينا بعين ويصير رجلي نسخة ابوه ..
الجوهر بضحكة / لا اله الا الله ما شاء الله تبارك الله .. وااااي يالعنود تخيلي يرجع عمي سند
العنود بجمود / الله يرحمه ويسامحه ..
الجوهرة سكتت شوي / كان انا وانتي جدات من زمان ويمكن نزوج عيال عيالنا ..
العنود / الله يرحمه ما شفت بحياتي ولا سمعت عن رجل مثله .. تدرين ان بعض الاحيان اخاف من ولدي سند ..
الجوهرة باستغراب / ليه بس علشان اسمه سند ..
العنود / مو بس اسمه حتى ملامح وجهه وحدتها ونظرته بس فديته حنين ..
الجوهرة / وبتال ماخذ نبرة صوته واذا زعل ما يسمع ولا يفكر يحكم على طول وينفذ الحكم ..
.. والله بعض الاحيان اخاف يطلع مثله .. بس اشوف حنيته على اخته اقول لا ..
العنود / مره سمعت امي تقول ان عمي سند كان حنون بالحيل بس صارت له سالفه وغيرته ..
الجوهرة باستغراب / ويش سالفته .. اول مرة اسمع بذا الشي ..
العنود / مدري حاولت استفسر من امي بس قالت اذا تبين رضاي صكي على السالفه ولا عاد تطرينها ..

ــــــــــــــــــــــ انتهى البارت 4 ــــــــــــ




 




عرض البوم صور سامي رد مع اقتباس

قديم 12-06-12, 03:10 PM رقم المشاركة : 14
الملف الشخصي
إحصائية العضو







سامي est déconnecté

علم الدولة male_jordan

افتراضي رد: رواية بردان ياحضن الدفا عطشان واظماني الجفا

اضغط على الصورة لرؤيتها بالحجم الطبيعي
البارت 5

انا اليا منـي تضايقـت واحزنـت
من ضيقتي تحزن لحزن جماعـه
لذا أكابر لأنـي ادركـت وايقنـت
انـي حريـق وخايفيـن اندلاعـه
بك يألهي عن عطا غيرك اعتنـت
يلي خلقت من الصناعـه صناعـه
لاضاق بي حالي توضيت واذنـت
وصليت لك يارب سمعن وطاعـه
مدامني عبـدك وبقـدارك امنـت
اكيـد ابصبـر لانفقدلـي طماعـه
لا يارفيقي ليت لازنـت ماشنـت
امرضتني وانـا ماعنـدي مناعـه
كنت احسب انك لاتبينـت بينـت
واثرك مع البشعين تدرس بشاعـه
قسيت بي وانـا لقربـك تهاونـت
وكسبت ضيقت خاطري واتساعـه
اللي على امال تزويجهـا ادمنـت
اخذتها فـي قـرب جـد ولكاعـه
ماوقفت دنيا بكبرهـا علـى بنـت
اللى يوقفهـا الرفيـق وضياعـه
يابن العمومه لاتحسبونـي شنـت
لا والذي تصبح بذكـره الاذاعـه
ماهوب هو لكن انـي كمـا كنت
لا اخون فالصاحب ولا الوي ذراعه
على العموم اشكرك جدأ ولاهنـت
اقنعتني في شي واصبـح قناعـه
من سخريت الاقدار اني انا وأنـت
يضمنـا جـد ونتسمـى جماعـه

" سعد علوش "


ــــــــــــــــــــــــ


عند الشباب .. بالمجلس الخارجي

راكان و رعد و بتال و عناد و سند .. ملتفين على بعض و يسولفون ..
سيف وفارس وزياد .. على الاب توب .. ويشوفون مقاطع شعرية على اليوتيوب
سامر وصقر معاهم الاي فون يدردشون على الواتس اب .. بدر وياسر وسعود يقيلون ..

عناد مبتسم / الحين سند ايش دخله
راكان بقهر / اخته رفعة ضغطي وبما اني ماني قادر اوصل لها احطها براس اخوها ..
سند بابتسامه وهدوء / اختي ما غلطت بكلامها
عناد بنبرة مقصودة وبهمس سمعه بتال اللي على يمينه وسند اللي على يساره / ..
.. بس غلطت بشي ثاني .. ولا ما شفته ..
راكان بعصبية / وايش لها دخل تطابني .. كل كلمة واثانية نطت لي ..
.. تراها ناشبه لي هنا " واشر على بلعومه " .. ما تنبلع ..
بتال شاف تغير وجهه سند وحب يقفل السالفه / وهي صادقة .. لا ملكت طالعها ..
.. راكان لا تخلي صورتك تصغر بعينا .. واثقل وسكر السالفة خلونا نغير الموضوع ..
رعد بعد دقايق / البنات يبون يشتغلون .. " قاطعة عناد " .. / أي بنات ..!!
رعد / بناتنا اخواتك واخوات اللي قبالك
راكان / انا ما عندي اخوات .. " بتال انقبض قلبه ".. وكمل .. يبون الشغل ..
بتال راح يفكر لبعيد و يهوجس ويحط الظنون .. " ان بعض الظن اثم "
رعد / يمكن خواتك ياللي ما شفتهم بحياتي .. بس بناتنا حالتهم مو زينه ..
عناد / والله ان البنات همهم للممات .. الحين ما كلين شاربين مرتاحين ..
.. لا تفكر بمناقصة .. ولا عقاب ان فشلت بمشروع .. ولا تلف بهالشموس ..
.. علشان تتفقد اوضاع العمال .. تحت هالمكيف .. وعلى ذا السرير المريح ..
.. تنام متى مابغت وتصح متى مابغت .. واللي تبية تحصله ..
.. ياهووووو اتركك من خرابيطهم ودلعهم ..
رعد / لا تقول كذا ياعناد ياكثر البنات اللي ضاعوا والسبب الفراغ .. انت ..
عمرك سالت اخواتك .. ناقصك شي .. ويشلونك .. محتاجة شي .. عمرك ..
سولفت مع وحدة منهم .. تأخذ اخبارها .. وتعطيها اخبارك ..
عناد يطالع رعد ويفكر بالكلام ../ لا .. بس اذا وحدة تبي شي تقول لامي
رعد / وانت اخو بالاسم .. لو شفت اختك تكلم واحد مو محرم لها .. ويش تسوي
عناد بحدة / لا انحره وانحر الكلب اللي معاها ..
رعد بحدة / ولية ماتسال عمرك لية سوت كذا .. لية راحت للحرام .. انت رميتها بالنار
.. قبل ماترمي نفسها .. انتبه لأخواتك بدون لا تكسرهم ..
بتال / ويش السالفة ندري انك اكثر واحد قريب للبنات قول اللي بجعبتك
سند يسمع كل كلمة ويفكر فيها وفي اخواته .. قد ما يخاف عليهم ..
قد ما تركهم بحرية تخوف .. مثل ما طيش غرام وحساسية مرام ..
رعد / نوال دكتورة اسنان .. وابوي واخواني رافضين شغلها ..
عناد يقاطعة ../ اجل تبيها تشتغل بمستشفى مع الرجاجيل ..
.. لا وتخيل تفتح فم رجال وتميل علية .. وجاتك مشكله تحرش ..
.. وياعيني على الفضايح .. تنثبر بالبيت احسن لها ..

سيف اللي ترك الاب مع فارس وانتبه لكلام رعد ومقاطعة عناد له .. وبحدة /
اذا كان لك شور عليها .. افرض رايك .. ما دام راس ابوها واخوانها يشم الهواء ..
ما ينكسر خاطرها .. وخلي عندك وعند غيرك خبر .. طلال قبل زواجه كلم ابوي واقنعه ..
و بداية الشهر ان شاء الله راح تفتح عيادتها بالمستشفى اللي كانت تدرب فيه ..
.. عيادة اسنان خاصة بالنساء .. يعني ما راح تنفضح وتجيك المشاكل يا ولد عمي ..

الكل انتبه للحوار اللي يصير .. والنايم صحي .. واللي مشغول ترك شغلته ..

رعد / وهذا نوال انتهاء امرها ..
سعود متكي على يده وملتفت لرعد اللي جالس قباله بحدة / من قال ..
سيف بحدة وصوت اعلا / ابوها واخوانها عندك اعتراض ..
سعود يوقف / ايه عندي ..
سيف يوقف ويقبله / ومن حضرتك حتى تعترض ..
سعود يمشي خطوتين لقدام / ولد عمها .. اذا انت واخوك ما قدرتوا تعسفونها .. انا لها ..
سيف بعصبية / احشم عمرك احسن لك
سند بصوت جهوري / والله الظاهر ما احد منكم حاشم نفسة ولا شايف احد ..
سيف يلتفت لسند اللي جالس وماسك يد عناد وبتال حتى لا يقومون .. بعصبية / ..
.. ما انت سامعه وايش يقول .. هو ما حشم احد ..
سند بصوته الجهوري / انقلع انتي ويه برا
سعود طالع بتال وشاف حدت نظراته وطلع .. رعد / وانت اجلس >> يقصد سيف
رن جوال راكان / هذا عمي سلطان .. ويش يبي .. معقول سمع اصواتنا ..
عناد / ما اظن .. رد علية بسرعه
راكان باحترام / هلا عمي .. سم .. " وقفل " .. يبيني بجناح جدي .. عسى خير ..
بتال / يمكن يبي يكلمك عن العرس ..
راكان / خليني اروح واشوف .. " يوقف " .. لا تنسوني من دعائكم ..
بدر بضحكة / جعله خالي يقولك الليلة ملكتك وخذ مرتك وتيسر
راكان يتجه له وينحني بسرعة ويقبل راس بدر وبكوميديا / من بوائك لباب السماء ..
الكل / هههههههههههههههه
رعد يضحك / ههههههه اجل ابي اجهز شنطة الاسعافات اخاف يوقف قلبك ..
راكان / بعيد الشر عن البي .. خلني اشبع من حبي وبعدين .. يالله لا تخلوني أتأخر عن حبيبتي
الكل / ههههههههههههه ههههههههههههههههههه
ياسر / ههههههه انهبل راكان ... تصدق خاطري اشوف وجهه لو يقوله عمي نبي ناجل العرس لبعد رمضان
الكل / هههههههههه هههههههههههههه ..
عناد بضحكة / يصير ارهابي والضحية سمر هههههههههه
بتال / الله يوفقهم وييسير امورهم على خير .. " وسكت وهو يفكر بسمر وكيف راح يكون حالها " ..

ـــــــــــــــــــــ

بالرياض .. العنود تتغداء مع خالتها خلود فوق .. ونايف طلع مشوار .. والصبي يغدي جدها تحت ..
العنود / خلود لمتى بتقعدين على ذا الحال
خلود تركت الملعقة ووقفت / الحمد لله شبعت ..
العنود تمسك يدها / لوين .. تبين تهربين ..لمتى يا خلود .. خطيبك تركك .. وبسببك ..
قاطعتها خلود / خلاص عنود اتركيني .. انا مرتاحة كذا ..
العنود بحدة / لا ما راح اترك .. راح تتعالجين .. راح احجز لك عند دكتور ممتاز و..
قاطعتها خلود بحدة / انا مجنونه مجنونه وما لك دخل فيني .. اذا بتعالجين عالجي امك وابوك
انصدمت من كلامها العنود وتركتها .. راحت تجري لغرفتها .. العنود انسدت نفسها ولمت باقي الاكل ..

ـــــــــــــــــ
بعد العصر ..

الهنوف و ام طلال " مريم " ومياسه يتقهون تحت قبال المسبح وهم ملتفين بجلالهم ..
شجون وغرام بعبيهم / سلام .. صبوا لهم فناجين قهوة واخذوا كم حبة تمره ..
غرام وهي تشرب فنجانها بسرعه / خالتي مريم .. طلال ومرام ما كلموك ..
ام طلال / يا فديت هالطاري .. الا كلموني جعلني ماخلى منهم ومبسوطين ويسلمون عليكم ..
غرام / هالخايسة اختي شافت طلال وما عاد شافت احد غيره نستني المشفوحه ..
شجون / وهي تصب لها فنجان قهوة ثاني / لو خليتوها تاخذ راحتها قبل الزواج ماكان ما صار لها كذا ..
غرام / قولك يعني بسبب جوع بالناحية العاطفية ..
شجون / ايه هذا هو ظني .. ومسكت ترمس القهوة تبي تصب لها فنجان ثلث
غرام / اقول لا يكثر نبي نروح للعشاق قبل لا يبعدون ..
مياسه / وين سمر ما اشوفها معاكم
غرام وهي تربط ملثمها / نايمه .. يالله تبون شيء ..
شجون / خذيني معاك
غرام بضحكه / منطقة محظورة غير مسموح بالدببه .. وراحت تجري وهي تضحك
شجون تجري وراها / بالعدال يا غزال البراري
ام طلال / وطي صوتك يا بنت لحد يسمعه .. الله يصلحكم ..
الهنوف / خلهم يا مريم لساتهم صغار
ام طلال / وايش صغارة وحنا بعمرهم بزرانا حولينا
الهنوف / علشان كذا للحين فينا الفصلات وتشوفين هبالنا
مياسه / بس العيب عيب والحرام حرام .. والبنات كبروا ياختي ..
ام طلال / وهي صادقة ها سمر بعمرهم وما شاء الله على ركازتها .. وبكرة بتتزوج الله يوفقها ..
الهنوف / بس يا ختي قلبي ما يطاوعني اقول لها شي
مياسه / كلكم راعي وكلكم مسؤول عن رعيته .. لا تنسين ربك يا ختي ..
جاءتهم ام عزام .. وغيروا الموضوع ..


ــــــــــــــــــــــــ


ابو سطام وام سطام يمشون بين النخل ..
ابو سطام / وهذا اللي صار
ام سطام تمسح دمعتها / حسبي الله ونعم الوكيل .. والله يا ابو سطام ان مرته مو احسن منه ..
ابو سطام / الشيخ يقول ان السحر محطوط بأكله .. وفية المربوط .. يبي له قرايه عميقة ..
ام سطام / يمكن من هاللي ما يخافون الله الخدامات انت تعرف من يطبخ لهم ..
.. مرته قايلتن هاه هاه " تفتح فمها وتدور براسها يمين ويسار " ..
فاتحتن فهمها وبنتها تقول مريضه بشي ما عمري سمعته ..
المرض يخل الوحدة كذا .. تدور بعيونها وما غير هالبنيه الصغيرة تقودها وما تعرف شيء ..
ابو سطام ../ والعنود
ام سطام بحده / مثلها مثل جدتها عوبه .. زين وجهه وشين افعال ..
ابو سطام بحده / الظبي عمره ما كانت فعايلها شينه .. وانتي اكثر وحدة تعرفينها ..
ام سطام بعبرة / للحين قلبك يحن لها .. ما يكفي حرمتني من ولدي وبناته طول هالسنين ..
ابو سطام / لا حول ولا قوة الا بالله يا مره ما تنسين .. " شاف البنات جايين جهتهم " ..
.. البنات جايين يمنا سكتي ولا تبينين لهم .. " وبابتسامه " هلا هلا .. هلا ببناتي هلا ..
غرام / هلا بك يابو سطام .. بس من قلبك تهلي
ابوسطام بمرح / لا من وراء النخل .. تعالي تعالي من زمان عن سوالفك
شجون / وانا مالي بطيب نصيب ..
ابو سطام / هههه لك كل النصيب تعالي .. " و بداء الجد يعلمهم على نوعيات النخل واسماها "


ــــــــــــــــــــــــــ


راكان جاه اتصال ضروري ومهم من الشركة فاضطر انه يعجل بالرجعه ..
.. طلب من اهله يتجهزون لرجوع لرياض .. وبعد ما تجهزوا وركبوا السيارة ..
راكان و معاه شريفه وخديجة و مها وحنان .. وزياد معاه امه وخواته .. بعد ما مشيوا ..
" طبعا التقسيم من اوامر شريفة .. و راكان يظن انه من امه "
شريفة باستغراب / راكان وين ابوك ..
راكان لابس نظاراته الشمسية و ترنيق رياضي / عنده شغل بالخبر وقعد
شريفة وقلبها مو مرتاح / وايش شغله .. ما اخبر ابوك له شغل هينا
راكان بحده / عنده شغل وما اظن لك علاقة فيه .. وانتهى ..
شريفة سكتت والخوف يلعب بها لعب .. نزل راكان عند بيت الشعر نسى محفظته ويبي ياخذه ..
ومها عيونها تراقب فعيال الفارس .. مها بهمس لحنان / هذا مين ..>> تأشر على رعد
حنان بهمس / هذا عمهم رعد .. الدكتور ..
مها بهمس / ابي اصوره وارسله للبنات با البي بي واقول لهم خطيبي .. وااي ينجنون البنات ..
حنان / لا لا فيه احلى منه .. سند .. بس اذا ارسلتيه ما تخافين وحده من ذا البنات تعرفه وتكذبك ..
مها بهمس / ما حد من البنات من بيت الفارس .. وخري بس .. "وصورة رعد وسند وبتال اكثر من صورة" ..
حنان بهمس / راكان جاء انتبهي .. " نزلت مها جوالها .. ومحد انتبه لها .. لا الشباب ولا امها وخالتها "


بسيارة زياد .. منار اللي مغطية وجهها كليا .. لان السيارة فاضية واكيد راح يتكلم زياد ..
.. ويقول لها مثل ما يقول لها راكان ونايف / زياد ابوي وينه ..
زياد / راكان يقول ابوي عنده شغل هينا ويبي يقعد .. " ساره باستغراب / ابوي ..
زياد / ايه .. سكتت سارة ومنار اخذت لها مقعد كامل ونامت عليه ...
.. وفتحت شيلتها بما ان السيارة مضلله .. ساره بهمس / ممكن جوالك
منار / ما فيه شحن .. البطارية خلصت .. كنت ابي اشحنه بس انشغلت وما شحنته ..
ساره / خساااره .. اووووف يالله خليني انام ...
منار / وامي .. "
ساره تعدلت بجلستها / صح نسيت ..
منار عدلت شيلتها وجلست / يالله خلينا نسولف .. ما ابي اخليك لوحدك ..


ـــــــــــــــــــــــــ


بعد المغرب ..
ابو سطام طلب من سلطان ان يقول لإخوانه وعيال عمه يتيسرون ويرجعون لبيوتهم ..
وابو سطام و سلطان بيقعدون بالمزرعة لشغل ..
الكل بدا يجمع أغراضه ويرتبها ..

بجناح البنات ..
نوال بضجر وهي ترتب ملابسها / لو قالوا لنا يوم واحد وراجعين مو احسن ..
غرام / وانتي بس يقولون طلعة اخذتي دولاب ملابسك كله ..
شجون / حتى الجزم والإكسسوارات ما خلاتها ..
نوال / اجل .. تخيلي جونا ضيوف فجاءة تبين اطلع لهم مبهذله
ريهام / بس مو كثر هاللي جايبته خففي شوي ..
نوال / ان شاء الله مره ثانية ..
غرام تشوف سمر ترتب اغراضها وهي معصبه / سمر ايش فيك ..
سمر بعصبية تقفل شنطتها / ولا شي ... طلعت من الجناح وهي تسحب شنطتها
ريما / صحيت من النوم وكانت تبي تلحقكم نزلت وربع ساعة رجعت وهي معصبه وتبكي ..
رنيم / شافتها واقفه مع مها و العنود تحت وما ادري ايش قالوا لها وبعدها تغيرت ..
غرام / اهااااا كذا اجل .. بعد اشوي تروق خلوها ..

سمر و الجوهره ووليد والخادمة طلعوا مع بتال .. ام سطام وام عزام وهيفاء طلعوا مع رعد ..
البنات ركبوا كل وحدة مع اخوها او ابوها .. وتيسروا جميعا

الغرفة اللي فيها سطام ...
ابو محمد جاب خضره وفواكه للشيخ ..
الشيخ كبير بالسن حول الـ60 سنه / يا ولدي خلنا نشوف هالمسكين عساه قام
ابو محمد يساعد الشيخ على الوقوف .. الشيخ يوقف على عصاه / هاه يالله .. فتح الباب وكانت المفاجأة
ابو محمد / وين .. وين ابو راكان .. وين راح ..
الشيخ / علمي علمك .. لكن شف شف ..<< كان يأشر له على النافذة >> الظاهر انه هج ..
ابو محمد يرفع جوال يتصل على ..

ابو سطام وسلطان قاعدين في بيت الشعر ..
ابو سطام ويحس بضيق بصدره وصداع / سلطان وانا بوك شف اخوك ..
سلطان / ابشر يبه .. الحين اقوم .. بس يبه اخذت علاج الضغط
ابو سطام / شف اخوك وبعدين عطني اياه ..
سلطان / ا .. وقاطعة رنين جواله ..
.. هلا ابو محمد .."بترقب" .. ايش ..؟؟ " بصدمه "..

قبل ساعات ..
صرير صوت كفرات السيارة
ساره ومنال صرخوا بخوف ... / اااااااااااااه
زياد متجمد مكانه وعيونه مفتوحة بصدمة على اللي يشوفة قدامه ..
راكان وقف سيارته فجاءة عند سماع صوت الكفرات " عجلات السيارة " التفت للخلف / ايش فيه ..
نزل راكان من السيارة بسرعة وترك الباب مفتوح .. وتفاجاء باللي واقف امام سيارة اخوة / يبه " باستغراب "
ابو راكان بعصبية / انقلع عن وجهي انقلع .. " اتجه لسيارة زياد وركب قدام " .. امش >> يكلم زياد
زياد الرجفة تسري بعروقه من الفجعة .. تقدم راكان منهم .. نزل زياد زجاج السيارة ..
راكان / يبه انت ما كـ.. << قاطعة ابوة بصراخ
ابو راكان وكانه عاد من جديد لسطوته ورجولته / انا ما قلت امش وانت ويش فيك تارك سيارتك مشينا لرياض هيا ..
راكان يداعبه شعور غريب .. باحترام / ابشر يبه ..
تحرك راكان وتحرك وراه زياد .. وكل بعد شوي يلتفت زياد لأبوه ..
ساره ومنار .. مصدومين وطول الطريق الصمت سيد المكان

بسيارة راكان ..
شريفة ارتاحت من شافت سطام رجع معاهم ..
خديجة مو فاهمه شي ..
مها وحنان مشغولين بالبلاك والسوالف على البلاك ..

بالمزرعة الان
سلطان يوقف / يبه سطام هج .. يقول ابو محمد نط من الطاقة " الشباك .. او .. النافذة " وهج ..
ابو سطام وهو يحاول جاهدا الوقوف ولكن سقط بين قدمي ولده وهو يحاول يتنفس ..




 




عرض البوم صور سامي رد مع اقتباس

قديم 12-06-12, 03:12 PM رقم المشاركة : 15
الملف الشخصي
إحصائية العضو







سامي est déconnecté

علم الدولة male_jordan

افتراضي رد: رواية بردان ياحضن الدفا عطشان واظماني الجفا

قبل الفجر .. الرياض

العنود تصلي الوتر .. سمعت صوت برا جناحها .. توجهت لغرفة نايف اللي نايم بعمق ..
العنود بهمس مسموع / نايف .." تهز كتفه " .. نااايف
نايف حس بالعنود وفتح عيونه مستغرب / العنود ويش فيك
العنود / فيه صوت برا
نايف ولسه تأثير النوم موجود ../ يمكن خلود تبي شيـ .. قاطع كلامه صوت ضرب بالباب
نايف قام بسرعة وكان راح يتعثر لو ما انتبهت له العنود ومسكته
نايف امام باب الجناح وبصوت جهوري / لحظة
ساره / افتحوا بسرعة احنا جينا بسرعة
نايف فتح بسرعة دخلت سارة تجري وتوجهة للحمامات " اكرمكم الله " ..
العنود طلعت وشافت منار تأشر لها على ابوها .. طالعت لوراء منار وشافت ابوها ثوبه مشقوق وفيه خدوش بوجهه ..
العنود بخوف / يبه ا..
قاطعها ابوها ../ اص اص انقلعوا عني انقلعوا
العنود تفأجات من نبرة الصوت القوية و تفأجات اكثر بدخول راكان اللي وصل خالاته لبيوتهم ..
العنود باستفسار / ويش صار
راكان بعصبية / وانا ويش درأني .. كلمني عمي قال ان ابوي بيبقى بالشرقية ..
ومشين ما امدانا نخرج من طريق المزارع الا وشفنا ابوك قدامنا على الخط ..
.. وايش صار ما ادري .. اوووووووووووووووووف .. متى ارتاح انا متى ..
العنود متضايقة من اسلوب اخوها / طيب اتصلت على عمي وسالته ؟
راكان برفعة حاجب / لا
العنود برفعة حاجب مماثل تقهر راكان به / ولا تتصل .. واذا سالك عنه قاله في بيته ..
تركته العنود ودخلت لأخواتها .. زياد يطالع اخوانه وما تكلم .. وبعد ما طلع راكان من البيت طلع وراه ..
نايف من حادثة الاستراحة وهو يحاول تجنب اخوانه قد مايقدر .. وصل امه غرفتها وساعدها في فسخ العباية وسدحها تنام ..
رن جوال راكان .. رفعه وشاف المتصل عمه سلطان .. رد باحترام / سم ياعم .. ايه تونا وصلنا .. ايه ابوي دخل ينام ..
" استغرب سؤال عمه بس ما حب يسال ويسمع له كلمة شينه من عمه "<< " قول ان الموضوع ما يهمك "
العنود دخلت وشافت ساره جالسه على السرير .. ومنار تشبك الشاحن بجوالها ..
العنود بعد السلام والاحضان والسؤال عن الحال ../ ها ايش صار وبتفصيل الممل
بدأت ساره بالكلام وكيف كان الزواج وايش صار والمزرعة .. ومنار كذالك قالت كل شيء
منار بغصة / سامحيني عنوده والله غصب عني
العنود بابتسامه / مسموح حبيبتي ".. وقفت .." وبعدين انا قلت لك طاوعي شرفوه علشان تسلمين ..
منار وهي تشوف اختها تسحب فرشة وتفرشها على الارض .. / يعني ما يهمونك عمامك؟
العنود ترتب الفرشة على الارض علشان تنام عليها ../ من متى نروح لهم او نختلط معاهم..
هم اغراب عني .. انتم اهم عندي .. وانا قلت لك هذا الكلام من قبل ..
ساره / بس يالعنود لو تشوفين كيف عايشين صدق صدق تتمنين تعيشين معاهم ..
العنود ضاقت من كلام ساره / الله اعلم بالخفايا يا ساره لا يغرك مظهرهم
منار / اليوم لازم اروح جده .. عمي خضر بدون سابق انذار طاح عليهم وودوه المستشفى ..
قالوا جلطة بالقلب ولازم له عملية .. وعمتي فوزية بس عرفة بالموضوع اليوم الثاني ..
والا هي طايحة ودخلت العناية .. والله جدتي عباسية ماسوت سواتها .. صابرة ما شاء الله عليها
العنود تجلس على فرشتها بعدما فسخت جلال الصلاة وخلته جنبها / لا حول ولا قوة الا بالله ..
.. الله يشفيهم ان شاء الله .. ويقوم خضر لعياله .. وعمتك فوزية بعد والله انها بنت حلال اذكر لمن رحنا لها قبل 5 سنين استقبلتنا احسن استقبال .. وروحتها معانا الحرم .. والا الهدأ .. الله يشافيها .. وجدتك مؤمنه وشافت كثير بدنياها ..
منار بعبرة / ايوالله جدتي مره قوية .. اما عمتي فوزية مره حبابه .. دايم تلاقي عندها ضيوف وزوار زي كيدا يعني .. تحب تسوي هدي الشغلات .. ولمن تزوريها بالبيت ما تحسي بالوقت وهي ابدا ماتحسسك انك غريبه عن البيت ..
العنود تحاول تغير مزاج منار / ياهوووو ياجداوي ايش شيكلو يابت ههههههه ياحلو الكلام الجداوي عليك ..
منار تمسح دموعها / ههههه " التفتت لساره وشافتها نايمه " اجي جنبك ..
العنود توسع لها مكان / تعالي .. " سمعوا صوت الاذان " .. قومي صلي .. ساره ساااره " تحاول تصحيها "
العنود بتهديد / ساره ان ما صحيتي بالمويه الباردة اصحيك .. " سمعت صوت نايف " اجي اصحييييها ..
نقزت ساره / لالالا صحيت صحيت " طالعت منار " .. تبين تخونيني خليني اصلي واوريك ..
العنود ومنار/ هههههههه ..
وقاموا يصلون .. ونايف توجهه للمسجد ..
العنود بعد صلاة الفجر ونوم اخواتها ونايف .. توجهت لغرفة ابوها .. فتحتها بهدوء وشافت ابوها نايم ..
العنود تقرب منه وبيدها معقم للجروح ولصق .. فتح ابو راكان عيونه وجلس / ها بابا تبغين شيء
العنود مستغربه من حالة ابوها .. / اا امم معي معقم علشان الجرح >> وتأشر بيدها على جبهة ابوها
ابو راكان / يعطيك العافية يا بنتي الله يرضى عليك ..
العنود زاد استغرابها وتأكدت ان فيه شي صار بالشرقية / ايشلونك يبه
ابو راكان / بخير .. بس الشركة متعبتني .. شكلي ابي اقفلها
العنود سكتت لفترة " وبداخلها .. شركة .. اخر مره رحت فيها الشركة يا يبه قبل سنه و8 شهور حوالي .."
ابو راكان / اخلصي يا بنتي ابي انام بكره وراي اجتماع ..
العنود بذهول ../ ان شاء الله .. حطت الاصق على الجرح وخرجت وما زالت مستغربه ..
توجهت لغرفة امها شافتها نايمه وما زالت بجلابيتها .. طلعت لبس ترتاح فيه امها عند نومها ..
العنود / يمه يمه .. رفعت راس امها .. " وصحيت امها ".. يمه البسي ذا ..
ام راكان / روحي روحي ..
العنود وهي تسمع هالكلمة من امها دايم وغير هـ الكلمة ما تنطق ..وبألم / وين اروح يمه ..
.. قولي لي وين اروح واروح .. والله اروح لها المكان .. بس وين ..؟؟
ام راكان رجعت لضياع والصمت .. والعنود اعطت امها علاجها وبعد ما نامت امها طلعت من الغرفة ..
العنود واقفة خلف الباب تطالع لصالة وديكورها التفتت لجناح جدتها .. مشت بخطوات مهزوزه و خايفه ..
حطت يدها على مقبض الباب .. " مشتاقة .. مشتاقة لك حيل " .. سحبت يدها بهدوء وراحت تركض لجناحها ..
وما انتبهت لخلود اللي واقفة عند باب غرفتها .. وتراقب كل شي بعيون مليانة دموع ..

ـــــــــــــــــــــــــ
بالمستشفى .. الساعة 6 صباحا
سلطان / يبه مو احسن تقعد ويكملون الفحوصات ..
ابو سطام بحزم / سلطان .. قلت لك مشينا للبيت .. ما فيني شي ..
يوقف ويتعكز على عصاته المنقوشة بالذهب / مشينا ..
سلطان يعرف عناد ابوه واذا قال كلمته لازم تصير .. مشى وراه ..

في قصر ابو بتال
بتال صحي من النوم على اتصال من ابوه ..
.. " هلا يبه .. امر .. ان شاء الله .. خلاص الحين اكلم الشباب .. ابشر "

بجناح سمر ..
صحيت تصلي الفجر وما عاد نامت تفكر بكلام غرام .. وباللي صار لامها ..
حست بالجوع .. فتحت ثلاجتها ما لقت شي يعجبها .. قفلتها ونزلت تحت ..

بتال لبس ترنيق رياضي رايح لصالة الرياضية ..

" ما احد يدري بتعب الجد وهروب سطام "

بتال بابتسامه / صباح الخير
سمر كانت العبرة خانقتها .. سمعت صوت بتال وما قدرت تكتم .. وبكيت ..
بتال تفاجأ .. قرب منها / سمر ايش فيك حبيبتي ليه تبكين ..؟
سمر تحاول تتماسك .. جلسها بتال على احد الكراسي ..
سمر تمسح دموعها / العنود ..
بتال عصب / لا حوووووووووول رجعنا يا سمر
سمر انفجرت بكي .. ومن بين بكاها / حـ ..حر..حرققت .. ي .. يد .. اا .. اامي ..
بتال ما فهم شي / اهدي وفهميني ..
سمر هديت شوي / العنود .. حرقت يد امي
بتال مو مستوعب او مو متخيل انها توصل لها الدرجة / انتي متاكده ان العنود حرقت يد امي
سمر / ايه انا كنت نازله ... ولقيت مها بنت خالتها .." شهقت ".. واهي معاها .. وقالت لي انا حرقت يد امك
بتال شاف امه نازله مع الدرج.. ام بتال ../ صباح الخير .. " اعطت بنتها نظرة " .. وانتي ويش فيك
بتال وقف وقبل يد امه وراسها / صباح النور .. " وبنبرة مقصودة " سلامات ..
ام بتال بنفس النبرة / الله يسلمك .. واختك مكبرة السالفه .. البنت ما كانت قاصدة .. وصدمت فيني وانكب الشاهي عليه ..
بتال / يمه صدق والا انتي ماتبين مشاكل
ام بتال / الثنتين .. وبعدين البنت اعتذرت وانا قبلت اعتذارها .. واسال اختك ..
ياللي ماني عارفة كيف بكرة بتتزوج وكل كلمه والثانيه نشرتها .. وانت ماتقصر بدال ماتقول لها عيب تساعدها ..
سمر شهقت / يمه اذا ما قلت لكم اللي يصير معايه اقوله لمين ؟
ام بتال .. وهي تجلس على كنبة بالجهه المقابله لبنتها ../ مو أي كلمه تاخذينها او تسمعينها وصلتيها لاخوك والا لغرام ..
..عيب ياماما .. هذا ما يصير .. وخلاص انتي كبيرتي .. واهل راكان ما عليك فيهم .. انتي عليك براكان وبس ..
بتال يتنهد ../ الله يهديك ياختي انا ماقلت لك من قبل .." يهز راسه باسى " ..
سمر خجلت وانحرجت نزلت راسها وصارت تفرك بيديها ..
بتال / المهم طيارتكم الساعة 10 لدبي وبعد بنات العايلة لحقينكم بس بعد ما نحجز لهم
سمر بفرحة / صدق
بتال يهز راسة .. ام بتال / احسن ابي احد يساعدني في باقي الاغراض لاني راح انشغل بصوالين التجميل ..
بتال / الحين رايح لشباب بصالة الرياضية ..

ــــــــــــــــــــــــــــــ

بجناح رعد ...
تذكر لمن قالت له امها انا وخالتك نبي نمشي معك .. هلا ورحب ..
استغرب من الشخص الثالث اللي معاهم .. وعرف انها هيفاء ..

ام سطام بهمس / ترا هيفاء هي عروسك .. هاه الله الله بالكلام الزين ..
رعد تفاجأ " لالا يمه دخيلك بنت عم عبير وصديقتها .. يمه البنت تعرف كل شي "
وطول الطريق وهو يحاول ما يبين ضيقتها .. ويسولف ويضحك ..

... بغرفة هيفاء .. " ام عزام لها بيت بالخبر .. يسكنون فيه كل ماجو اجازة للخبر "
خارجة من الحمام " اكرمكم الله " لفه جسمها بالروب وتنشف شعرها ... واضح من عيونها انها كانت تبكي ..
وقفت قبال مرايتها .. اخذت المشط وبدات تمشط شعرها .. ورجعت لذكر قديمه

قبل خمسة سنين .. في القصيم ..
هيفاء / عبير تعالي ساعديني
عبير / من الشخص المهم اللي بيجيكم ومسوية هالحفله كلها ..
هيفاء بابتسامة / خالتي موضي والجوهرة .. وانتي عارفة غلاهم
عبير / اهاااا قولي كذا .. طيب اساعدك من عيوني ..
هيفاء / طيب خذي المبخرة وروحي بخري المجلس .. محد فيه غيث راح يذبح ..
عبير اخذت المبخرة والبخور وراحت المجلس .. المجلس له مدخل من الحوش خاص .. والبيت له مدخل ..
دخلت الجوهرة وام سطام وسمر وسامر ووليد ماسك يد سامر ..
ام سطام / السلام عليكم ..
ام عزام / وعليكم السلام .. وبعد السلام والسؤال عن الحال والاحوال .. نست هيفاء امر عبير
جات عبير تجري ودخلت المطبخ .. هيفاء / عبير ايش فيك ؟
عبير / دخل المجلس رجال .. يمه هيفاء بغيت اموت

خارج المجلس ..
رعد يحاول يتنفس ويعدل نبضات قلبه ..
" من هالمهرة .. ياحلوها .. استغفر الله ... بس مين مين .. مو هيفاء ..هيفاء حافظها "
شاف سمر واقفة عن باب البيت وناداها .. جاته سمر تجري
رعد / سموره من فيه داخل
سمر / بس ماما موضي وماما مزنه وماما جواهر وخاله هيفاء وخاله عبير
رعد / عبير .. عبير مين ؟
سمر / عبير بنت عم ماما
رعد / اهاا طيب .. اممم .. خلاص روحي ..
رجع دخل المجلس مسك المبخرة وقعد يتبخر الا ان جاء غيث ..
بعد اسبوع رجعت ام سطام خاطبه عبير لرعد ..


بالحاضر .. غرفة رعد
رعد يطالع نفسة بالمراية / ياهل ترا يا هيفاء راح تستحملين برود عواطفي .. بس انا لازم اخلي امي تخطب لي غير هيفاء .. بس يمكن هالغريبة تسبب لي مشاكل .. لالا احسن هيفاء لانها هي ماتبي زوج تبي اخوه وصداقة .. وانا وياها من زمان اصدقاء .. هي اللي تفهمني ..
لبس الترنيق الرياضي وتوجهه لصالة الرياضية


عند هيفاء بعد ما مشطت شعرها ..
.../ معقولة يا رعد بعد هالسنين راح يتحقق حلمي .. ماني مصدقة ...
بس عبير نسيتها بعد هذاك الحب الكبير .. يارب حقق مناي ياكريم ..


ــــــــــــــــــــــــــــــــــــ


بالرياض ..
العنود جهزت الفطور لمنار ..
العنود وهي تحط صحن الجبن وصحن خيار مقطع شرائح / ها منور كيف عمك وعمتك ؟
منار اللي توها قفلت الخط / عمي استقرت حالته وبيسون له عملية قسطرة اليوم وعمتي طلعوها الغرفة
العنود / الحمد لله والشكر .. وان شاء الله تنجح عملية عمك وتفرحون فيه
منار / امين .." تلتفت يمين ويسار " وين نايف ؟
العنود / نايف بغرفته الحين يطلع .. اسمعي منار هالفترة ابيك تطولين وماتجين الرياض ..
او لا تجين نهائيا الا انا اتصل عليك واقول لك تعالي .. فهمتي
منار متفاجأه / ليه ؟
العنود / شريفة تلعب بنار وانا ما ابيك تكونين موجودة يادوب اقدر احمي سارة .. منار انتي تعرفين قد ايش احبك انتي انا راضعة معي وتشبهيني روحنا مشتركة .. اذا تعزيني روحي جدة واقطعي عنا وبدون زعل
منار تهز راسها / يعني ماراح تحضرون زواجي
العنود / لا بس راح توصلك هديتي وانتي تدرين ان ما اقدر اخلي امي وابوي
منار تنزل راسها / طيب ..
نايف خارج من غرفته / ها خلصتي ؟
منار / ايه .. يالله نمشي
العنود / افطروا اول وبعدين امشي ..
منار / ما في وقت الطيارة راح تروح
العنود حاسه بزعل منار بس لازم تبعد منار شريفة مو ناوية على خير وهي لازم توقفها / عارفة هالشي ..
هاك هذي سندوتشات كليهم " مدت لها صحن مستطيل وفية سندويتشات " ..
منار / يا قلبي ما نمتي وجهزتي الفطور لنا
العنود ابتسمت / يالله كلي وانتي ساكته ولا تتاخرين
نايف / صجتني وماخلتني انام واخر شي هي تتاخر
منار لبست عبايتها وتلثمت وغطت عيونها بشيله ثانية علشان ما يهاوشها نايف ونزلت وراه ..
العنود اخذت الفطور وطلعت لصالة الخارجية وشافت ابوها ..
العنود / يبه تعال افطر
ابو راكان بصوت عالي وعصبية / انقلعي انقلعي
العنود استغربت من حال ابوها المتغير .. ليه مره معصب ومره هادي ../ ان شاء الله تامر
العنود رجعت الفطور لمطبخها وراح تقفل باب جناحهم ..
صحيت ساره .. / ايش فيه ابوي .. لية يصارخ
العنود بعد ماقفلت الباب وجلست على الكنبة / ساره .. ايش صار بالشرقية ... ما سمعتي شي ؟
سارة / لا .. ليه صار شي !!
العنود صدت عنها بضيق / روحي افطري
سارة راحت تفطر والعنود بدوامة افكارها ..


ــــــــــــــــــــــ



بالخبر ...
بالصالة الرياضية الخاصة ...
كل شباب العايلة موجود معدا راكان وزياد .. بتال كلمهم عن موضوع سفر البنات لدبي ..
عناد وهو يرفع احد الاوزان / خواتي مو رايحين
سند على السير/ هم مو رايحين والا انت ماتبيهم يروحون
عناد / ماحب خواتي يسافرون برا
بتال يسوي تمرين البطن/ مو لوحدهم
رعد على السير جنب سند / عناد تعاملك مع خواتك مو عاجبني كانت ماتثق فيهم ..
سند / تراهم متربيات صح لو تحطهم بوسط الوسخ تضمن خروجهم نظيفات
عناد / اذا بدر سافر معاهم موافق
بدر وهو يجلس بعد ما خلص من التمرين / اكيد ابي اسافر .. اجلس ليه .. وبعدين اعتبرها اجازة ماقبل العسكرية ..
سند وقف جهازة وبتال رمى الاوزان / ايش
سند / أي عسكرية ؟
رعد / انت قدمت على العسكرية
بدر وهو يمسح عرقة / ايه وقبلوني وراح تبدا بعد زواج راكان بسبوع او اسبوع ونص .. وليلة رمضان اخلص ..
سند بعقدة حاجب / جدي وخوالي وعمامي ما راح يسمحون لك
بدر / ابوي عنده علم وعناد كذالك وانا ماقدمت عليها الا وانا مصر
بتال / اجل تحمل اللي راح يجيك من ابوي
بدر بسخرية / بيقص رقبتي .." يوقف " .. غير العسكرية ماابي والشركة انتم موجودين فيها
توجهه بدر لباب الصالة .. بتال / اذا ابوي رافض تحداك تدخل
بدر يوقف عند الباب وبسخرية / يالله خوفتني .. اذا رضاء او مارضئ عندي واحد مايههمني
بتال بحده / بدر احشم عمرك
عناد / بدر انت معصب من البارح وما نمت لا تقابل احد وانت بذا الحالة
بدر طنشهم وطلع .. ياسر / والله خاطري ادور شغل غير الشركة بس ماني حاب أي شغلة ..
فارس / احمد ربك على النعمة اللي انت فيها
صقر كان يتمرن بحدة وعصبية .. سامر يطالع فيه / اقول صقيران انت تتضارب مع الالات
سعود / ايه والله اللي يشوفك يقول ذابحين لك احد
صقر مطنشهم .. سند بهدوء / صقر وقف ... صقققققققر قلت لك وقف ..
صقر وقف تدريب وجلس وحط يدينه على راسه / راسي بينفجر
رعد يقرب منه / ويش فيك ليه معصب هالكثر
صقر / امي وابوي خنقوني .. امي لو اعطش تجننت اكيد عين والا مرضان تلقاء البيت كان استنفار حرب وابوي ان شافني متنكد والا زعلان قوم الدنيا على امي وخواتي صقر وايش فيه وليه كذا والصرافة مليانه فلوس ولا تسافر ولا تصاحب احد غريب .. اوووووووووووووووووه اتعبوني
رعد / بس هذا .." وبضحكة " هذا انا قدامك نفس حالتك شفت امي ايش سوت بالمزرعة
الكل / ههههههههههههههه
صقر ابتسم / تخيل وانا متزوج وعندي عيالي وامي حاطتني بحضنها تأكلني وتشربني .. وفضيحتي قدام حرمتي وعيالي
سامر / احمد ربك ياصقر فيه غيرك يتمنى هالدلع والدلال
ياسر / بس مو يخنقونه خالتي وعمي اذا تبي تنتقم منهم مقلب قول لهم صقر فيه شي
سند / علشانهم يحبونه وهو وحيدهم فهذا شي طبيعي
صقر / بس انا مو بنت
عناد / فهالزمن ينخاف على الولد والبنت
بتال / صح وانت سايرهم وريحهم ..
سكت صقر مو مقتنع بالكلام يبي يشغل اهله عنه كيف ما يدري ..
بدا الشباب يتكلمون في مواضيع اخرى


ـــــــــــــــــــــ
في الخبر .. القصر ..
سلطان وصل ابوه لغرفة نومه.. وراح لبيته ..
دخل بيته وشاف الكل مجتمع على طولة الفطور .. بتعب / السلام عليكم
الكل / وعليكم السلام
ابو بتال / ها بتال ويش سويت
بتال بحترام / اللي طلبته طال عمرك
ابو بتال / بارك الله فيكم .. كملوا فطوركم بالعافية انا طالع انام لاحد يزعجني
ام بتال بهمس لعيالها / كملوا فطوركم .." وقفت ولحقت ابو بتال " ..
سمر / ايش فيه ابوي
بتال طالعها وطنش وسعود كذالك
سامر / ذكيه حنا وايش درانا
وليد / اسكتوا وافطروا امي وابوي قالوا افطروا وانتم ساكتين ليه ماتسمعون الكلام
سامر يقلد صوته / وانت ليه ما تفطر وانت ساكت
وليد بشهقه / وانا تكلمت
سامر يعدل صوته / اووااااوووه تكلمت وخلص الكلام
سعود ابتسم وسمر ضحكت .. اما بتال اللي يفكر بحال ابوه / اششششش ازعجتونا
الكل صمت ماعدا صوت اواني الفطور ..


ـــــــــــــــــــــــــــــــــ


بيت ابو سند ..

غرام حاسه نفسها نشيطه لبست وتكشخت ونزلت تحت ...

سند افطر مع امه وابوه .. ابو سند راح لشركة وام سند طلعت لبيت اختها الهنوف تشرب قهوة الضحى عندها..

سند جالس بالصالة اما التلفزيون وهو لابس الثوب والشماغ بيطلع .. يشرب شاهي و يقراء الجريدة ..

غرام بابتسامه / صباح الخير ..
سند رفع راسه وبابتسامه / صباح الحلاوه ..
غرام / شكلك طالع .. ما افطرت ..
سند / ايه طالع لشركة .. وافطرت مع امي وابوي لحقت عليهم ..
غرام بزعل / لااا يعني ماحد يفطر معايه ما احب اكل لحالي ..
سند / فيه فارس وياسر ما افطروا .. الحين ينزلون .. هاا شوفيهم
التفتت غرام وشافت فارس لابس ثوبه والشماغ وياسر جينز وتيشيرت ..
فارس وياسر / صباح الخير ..
غرام وسند / صباح النور
ياسر لغرام / على وين طالعه
غرام / ولا مكان ليه
فارس / كاشخه ومتمكيجه وا ولا مكان
غرام بزعله / الحين اللي يسمعكم يقول دايم مبهذله وريحتي خايسه
سند يوقف ويضمها من كتوفها / اذا الغرام ماتكشخت من يتكشخ .." قبلها على خدها " ..
.." غرام شافت الخدامة عند طاولة الفطور وراحت لها " سند يكلم فارس.. ها فويرس وايش عندك
فارس / اممم انت طالع لشركة .. اا خلنا بسيارة وحدة واقول لك الموضوع
سند يرجع يجلس / طيب روح افطر انت وانا ابي اخذلي فنجال شاهي واخلص بعض المكالمات عجل
ياسر / يالله اسبوعي وتنتهي اجازتي ويبدا الشغل
سند / خلاص انت مسختها متى تشتغل ومتى تتزوج
ياسر / يالله الجنه اللين تتزوج انت ثم فارس يكون الشيب غزا راسي
ابتسم سند .. غرام عند طاولة الفطور وبسخريه / يامسسسكييييين ... " وطنشت نظراته .. وبرود" تعالوا افطروا ..
فارس بابتسامه / وه وه فديت الزعلان انا
ياسر / وطاحت براسي يعني .. " وراحوا يفطرون " ..

بعد الفطور .. بسيارة سند ..

سند / ها وايش عندك ؟
فارس بارتباك / انا غلطت .. وغلطة كبيرة ..
سند بعقدة حاجبية وصوت حاد / ويش غلطة .. ويش هببت فيه ..
فارس / الميزانية تبع مشروع المجمع اللي مستلمينه .. غلط برقم واحد بس ...
قاطعة سند بحدة / تدري ان ذا الغلط يكلفنا ملايين يعني افلاس ويمكن ديون وسجن
فارس / ادري والله ادري .. بس نقدر نعدل كل شي للحين ماشافة خالي سلطان ولا وصل لعمي خالد .. انا عندي النسخة وعدلتها بس يبي اعادت بعض التواقيع وتمر بدون مشاكل .. ابيك تساعدني ياخوي .. انا ماصدقت اول لها المرتبة .. لو عرف عمي او خالي والله ليحطوني بالارشيف
سند / تستاهل الارشيف ... اوووووووووف .. " يضرب يده الدريكسون " راح اشوف ايش اقدر اسوي بس لا تضن ان خالي ماراح يوصلة علم
فارس / اهم شي اعدل الغلطة وبعدين يصير فيها مية حلال


ـــــــــــــــــــــــــــــــــــــ

بالرياض .. زياد يدخل البيت ..
قابل العنود فوق توها طالعه من غرفة امها ..
زياد / السلام عليكم
العنود باستغراب/ وعليكم السلام .. خير فيك شي
زياد / امي صاحيه .." وياشر على الغرفة بعيونه "
العنود / لا توها اخذت علاجها ونامت ..
زياد / وابوي ..
العنود / هذا هو بالغرفة اللي وراك ..
زياد يلتفت على باب الغرفة / ليش ابوي هينا ..؟
العنود / من حوال سنه ونص وابوي بغرفة وامي بغرفة .. " وبسخرية " .. ما تدري ؟
زياد يحاول يصد عن عيون العنود وبارتباك / امممم لا .. ليش .. هم بغرفة .. يعني ..
.. ليه .. " يهز راسه " خلاص خلاص .. كيف صحتهم ..؟
العنود رفعة حواجبه وبستهزاء / تعبت نفسك .. طيب .." تسايره ".. امي على علاجاتها وابوي مثل ماهو ..
زياد / امي أي علاجات اللي تاخذها ليه .. احس .. مدري كيف .. صايره غريبة ..
العنود بستهزاء / لا والله صدق .. وشلون يعني تصدق مادري
زياد / عنود ويش فيك " جلس على الكنبة اللي بصالة " ابي اعرف ويش فيهم ؟؟
العنود لح بريق امل امامها .. ابتسمت / امي مريضة بالزهايمر .." وهي تتجه له لتجلس بجواره "..
..اول ماتغيرت علينا بعد وفاة جدتي وخالي نايف بحوالي اسبوعين .. صارت تنادي امها ..
وبعض الاحيان تطلب طلبات غريبة .. وابوي ماتحمل هالشي وتركها ونام بغرفة الثانية ..
بعدين ابوي تغير علينا وبعد جدي .. وخالاتي يدارونه .. ونايف يدارينا ..
زياد / طيب ليه ماتقولين هالكلام لراكان يخذكم ويسكنكم في بيت لحالنا كلنا سوء وخالاتي مايدخلونه ..
العنود / جدي وخلود .. وين نخليهم .. خالتك خديجة يدوبها تنتبه لنفسها .. مادري وايش غيرها وخلاها بهالبرود ..
وخلود انت تدري ان نفسيتها تعبانه من بعد الحادث .." قالت هالكلام بهمس وهي تلتفت للخلف لباب غرفة خلود "..
وبعدين جدي محد يعرف لأدويته غير اعطيها الصبي وهو ياكله اياه .. ما يبي شي مني ..
زياد باستغراب / ليه ... مو هو يحبك .. ويشهق باسمك ..
العنود / هذاك زمان قبل ماتموت جدتي الظبي بس هو بعدها كرهني . لاني اشبهها
زياد / اهااا طيب ابوي ما قالك شي ليه ترك الشرقية وعصب علينا
العنود سكتت لفترة .. وبهدوء / لا ما قالي .. وانتم ما سالتوا ..
زياد / راكان قال ماله داعي .. واذا راكان قال كذا معناته صح ماله داعي .. بين الاخوان مالنا دخل ..
العنود عصبت / معناته لاعاد تسالون عن احد .." وقفت ".. لا انت ولا اخوك ولا عمامكم لكم دخل فينا ..
.. فاهم .." وبصوت اعلا ".. فااااهم فااااااااااهم .. ووصل هالكلام لاخوك المبجل ..
تركت العنود زياد بذهوله وصدمته .. سارة طلعت من الجناح ونايف واقف على الدرج سمع اخر كلام العنود ..
نايف / السلام عليكم
زياد / وعليكم السلام
نايف / ويش صار .. ؟
زياد / مدري اختك عصبت وقعدت تصارخ وانا ماقلت لها شي يعصب .. غريبة هالاخت
نايف ابتسم بسخرية / من الغريب اختي والا انتم .. " تركة ودخل لجناحهم "..
ساره تطالع زياد وهي ساكته وفي داخلها زحمت حكي ..
زياد يطالع سارة ومو عارف ايش يقول ضاع الكلام .. التفت يطالع بالفراغ .. سمع صوت تقفيل الباب ..
التفت شاف باب جناح اخوانه مقفل .. تنهد بصوت عالي .. وقف .. رفع يده وطالع الساعة ..
همس لنفسة / مابقى شي على صلاة الظهر .. خلني اصلي واروح لراكان اقوله اللي صار ..
ترك المكان وذهب دون ان يلتفت لحطام احساس الاخوة والم غربة الدار .. لم يلتفت لطمح واحاسيس ذالك المراهق ..
..والا لتلك الطفلة التي بدات تخطوا خطوات المراهقة وتحتاج لعاطفة ولا لتلك الانثى المشبعة بالألم ..
ولم ينتبهوا هم الا اخ يعني من ضعف وخوف ..


ـــــــــــــــــــــــــــــــــــــــــــــ


بعد الظهر ..
الصباح سافرت سمر والجوهره وهيفاء مع سعود وسامر ..
العنود رفضت السفر ماتبي تسافر وتترك زوجها وعيالها .. يكفي فترة تجهيز مرام ..
البنات طيارتهم بعد ساعتين .. والكل توجه للمطار معادا الكبار ..

بيت مياسة هدوء لا يوجد احد على الطولة سوء مياسة و راشد ..
راشد / لو مو صقر قال يبي خواته يسافرون ما كان طلعوا من ذا الباب
مياسة بحده رقيقة / راشد .. هالايام اشوفك متشدد مع البنات تراهم تربيتي
راشد بعصبية / تربيتك وانا ويش مخوفني غير انهم تربيتك
مياسة بصوت مرتفع / ويش تقصد .. تقصد اني انا ماربيتهم على الصحيح ..
راشد يوقف / اقول يالخبلة لو فيك خير كان جبتي عيال مو كلهم بنات غير ولد واحد اخاف يصير مثل البنات ..
مياسة / وانا احمد ربي ان الله مارزقني بعيال يصيرون مثلك خاينين للامانه
راشد يتوجه لها وهو ماسك عصاه ويعرج وبحده / مياسة الظاهر شفتي رجل انكسرت وقربنا لهلك قلت ما يقدر يسوي شي
مياسه توقف وبتحدي / وايش اللي بتسويه يارشد تبي تضربني مثل قبل والا تبي تتزوج عليه مسيار...
.. والا والا والا ياراشد .. " كانت تحرك يديها بشكل دائري سريع باتجاه عقارب الساعة "..
.. " وقفت حركت يدها .. ورفعت السبابه " ..شي مهم ولازم تخليه في بالك .. ماراح اسكت عنك مره ثانية ..
ابد .. وراح اكشف كل شي لابوي واخوانك وبناتك وولدك .. وحتى اهل دلال .. تذكر دلال ياراشد .. تذكر ..
.. وراح تطلقني وقتها .. وبغصبن عنك .." وضعت اصبعها على راس انفها ونزلته بحركة سريعة "..
راشد الجم من حدة كلامها ومن قوتها ../ يعني مستقويه بابوك واخوك يا مياسوه .. بسيطه بسيطة
مياسه بثقة وابتسامة استهزاء / لا تقصر باللي تقدر عليه .." وبصوت سخريه ".. رشودي ..
راشد عصب ورفع يده كان بيضربها بس تذكر عمه وسلطان ونزلها .. تركها وتوجه لدرج بيطلع لجناحه ..
مياسه / ههههههههههه هههههههههههه واااااااااي راشد ههههههههههه وااااي يالنقيب راشد ..
.. ماتوقعتك خواف هههههههههههههههه .." اختفاء عن انظارها فتوقفت عن الضحكة .. لتنظر الى سرابه ..
.. فتجهش ببكاء مرير جلست على الكرسي ".. الله يسامحك ياراشد .. الله يسامحك .. آآآآآآآه ..
.. عسى ربي مايحط حوبت البنات اللي اذيتهم ببناتي .. ولا ولدي .. آآآآآآآآآآآآآآآآآآآآآآآآآآآآآآآآآه ..
..آآآآآآآآآه .. يبه .. ذبحتوني انت وعمي ذبحتوني .. الله يسامحكم الله يسامحكم ..
.. " وضلت باوجعها اللتي ليعلم بها الا الله ثم شخصين ؟؟ .. مسحت دموعها وهي تنادي على الخادمة ..
مياسه / احم احم .. سينا سيناااا .. " جاتها الخادمة "
الخادمة سينا / نئام مدام
مياسه وهي تغادر السفرة / شيلي الاكل ..
هزت الخادمة راسها وبدات تشيل الصحون .. الخادمة بهمس " مسكين مدام واجد مسكين " ..



في بيت ابو عناد ..
ابو عناد يسولف مع عناد وام عناد " بدر وشجون وابرار سافروا "
ابو عناد / اخوك ويش سوا بموضوع العسكرية
عناد / يقول انه دبر كل اموره وبعد 3 اسابيع يمشي ان شاء الله
ام عناد / مدري ويش يبي بالعسكرية الله يهديه بس
ابو عناد / ويش فيها العسكرية الا انا فرحت يوم قال يبي يدخل العسكرية تمنيت ان عناد يدخلها بس هو ماله بالعسكرية وهاا هذا بدر دخلها الله يوفقه ويسعده
ام عناد / امين يارب
عناد / الحين جدي وخالي بيرفضون انت تعرف انهم مايبون حد يروح بعيد
ابو عناد / بدر يقدر يقنعهم .. رجال وما ينخاف عليه .. الخوف على اللي جالس جنبي
عناد يضحك / ههه افااا يابو عناد عسى ماشر
ابو عناد / نبي نزوجك وانت .. ابد مامنك فود
عناد / يبه الله يخليك لي انا ماقلت ما ابي طول عمر هالفترة ماني مع الزواج خلها بعد سنتين وبعدين ابشر باللي يرضيك
ام عناد / يالله الجنه .. بعد سنتين احد يعلم بالغيب ياوليدي تدري من تدفن ومن بيعيش ياولدي ليه مو وقته
عناد / يمه الله طول بعمرك .. الحين عندي شغل وبكره خالي بيمسكني مشروع كبير وبعده ان شاء الله انا ابي اسوي لي مشروع لحالي ماابي أي شي يشغلني عنه
ابو عناد / اهاا حط في بالك سنتين واذا ما تزوجت زوجتك غصب عنك
عناد / ابشر من عيوني
ام عناد / اجل ويش رايك اخطب لك الحين
ابو عناد ايه والله صدق
عناد / مالكم لو .. الله اللي يعلم ويش يصير بعد سنتين .. تبوني امسك البنت سنتين اللين اتزوج واقطع بنصيبها ..
ابو عناد / اذا وحده من بنات عمك فهي ملزومه تنتظرك ..
عناد / والغريبه احسن من بنت عمي .. خلي بنات عمي يشوفون نصيبهم .. ان جاهم اللي احسن مني
ام عناد / حنا مانبي نخطب نخطب بس نقول عناد خاطره بفلانه ويعني .. " قاطعها ابو عناد "
ابو عناد / لالا كلام عناد صحيح خليه على راحته والدار مليانه بالبنات وان شاء الله ما ياخذ الا اللي في بالي
عناد بابتسامه / ومن اللي في بالك يابو عناد
ابو عناد / غرام بنت عمك ان شاء الله انه لك ومي لغيرك
عناد / ههههه يبه الله يخليك لنا غرام بزر وانا اعتبرها مثل شموخ يعني ماهي بحولي " قالها بثقة وهو يهز راسه بـ لا "
ام عناد بابتسامه / يصير خير يصير خير
عناد بتاكيد / يممممممممه ماابي بكره خالتي العنود تقول لي عناد والله ان شفت عيونك تتلاقط ببنتي فقعتها لك كاني العاشق الولهان راكان >> كان يقلد صوت عمته
ابو عناد وام عناد / هههههههههههه



في بيت ابو سند ..
ابو سند وسند و فارس وام سند " العنود " ياسر وغرام سافروا ..
الكل يضحك على تعليقات ام سند ..
فارس / آآآآآه يمه بطني آآآآآ ما اقدر
العنود بجديه ومعاها فنجال الشاهي بيدها / قوم قووووم ورح غرفتي تلقى علبة فكس تحت مخدت ابوك خذها وتدهن بها
ابو سند باستغراب / وانا متى تدهنت بالفكس ..
ام سند / يااااا فضحي يارجال لا تكذب انت مو كل ليله تتدهن به
سند وهو ينزل فنجاله / ههههههه افااااااااااا يبه وانا اقول ابوي شباب وكنا نبي نزوجك
ام سند / ههئئئئئئئئئئئئئئئئئئئئ تبي تزوج ابوك .. هذي اخرتها ياسنيدي .. زوج نفسك بالاول وبعدين التفت لغيرك
ابو سند يتغزل وفنجال الشاهي الساخن بيده / فديت للي يغار انا فديت الزعول انا ..
..والله لو يجيبون بنت لبنانية بعمر الـ 14 ما اخذتها آآآآآآآآآآآآآآآآآآآآآآه احترقت لا بركتن بذا الشاهي ..
العنود قامت تمسح اثار الشاهي المكبوب على فخذه .. سند يحاول يكتم ضحكته صعبه يضحك وابوه يتالم
فارس / ههههههههههههههههههه ااااااااااااه ههههه يبه ههههههههه لو انك صادق ماكان صار ههههههه بنت 14 ولبنانيه ههههههههههههههههههههههه
ام سند وقف تمسيح ورجعت عدلت جلستها / أي والله ان وليدي صادق .. بنت 14 لبنانيه هاااا ..
خاطرك تتزوج عليه يافهيدان .. مو هذي موضه طالعين بها الشياب هذي الايام ..
ولقالوا لهم ليش قال ابي اجدد شبابي شبت نار جهنم فيهم ..

ابو سند / افاااا ياعنود الصيد افااا تزعلين .. وتصدقين كلام هالبزر ..
العنود تصد عنه تحاول تكم ضحكتها / انا زعلانه غنيلي وارضى
ابو سند / بس ما طلبتي شي .. انت " يقصد فارس " انزل وطبل على الطاوله .. وانت شيل معي " يقصد سند ..

وبدا يغني للعنود اغنيتها اللي تعشقها .. غناء محمد عبده .. كلمات خالد الفيصل ..
من خصايص عنود الصيد كثر الطواري
و عادة الظبي يجفل ليتحرك ظلاله
مايصيد الجوازي كود بخص و داري
القنص بالركاده و التسرع جهاله
و لا يعرف الطرد من لا يعرف الصحاري
ماتعرض سموم و لا تعرض شماله
كل درب عليه من المخاليق ساري
للسوالف رجال و للشكاله رجاله
و انت عشق حياتي يا غزال البراري
اتفاول بوجهك سعد من صرت فاله
انت و الله حبيبي و انت و الله داري
إن نظرة عيوني يم غيرك جماله
ما نقطع سيل حبك بالمعاليق جاري
كن قلبي خلقه لله لحبك سباله
ليتني يا قمرها غار منها نهاري
حيث وصل الموده همسة في لياله
ليت واهج غرامك مثل وجدي و ناري
مير ماظن في دنيا المحبه عداله


في بيت ابو طلال ..
على طاولة الغداء .. ام طلال .. ام سيف .. سيف وريان .. وابو طلال ..
سيف / خلاص ريانوو حبيبي وعد بعد زواج راكان راح نسافر لديزني لاند وعد بس انا وانت
ريان الزعلان لانهم اسافر مع اللي سافروا / مابي ليه مااروح معاهم دبي ذحين فيه مهرجان مدهش ابي اشوفه
سيف / انت زعلان على مدهش والا لان وليد سافر
ريان / الثنين
ابو طلال / خلاص حبيبي بعد زواج راكان نسافر لديزني لاند اكبر ملاي بالعالم ماتعرفها
ريان يفكر / الا اعرفها
ام سيف / خلاص ماما بعد الزواج تروح وتلعب لحالك حتى وليد ماراح يروح معاك
ريان / انا مقهور ليه هو يروح وانا اقعد
ام طلال / حبيبي ريانوو وليد مريض ولازم احد ينتبه له .. وانت مافيه احد ينتبه لك ..
وخواتك راحوا يساعدون سمر يعني مو فاضين لك .. خلاص حبيبي تعال كول شيء ..
ابوطلال / والليلة اذا تبي تسهر مع الشباب في الاستراحة اسهر
ريان فرحان / من جد اقدر اسهر واصير من الشباب
سيف ابتسم / ايه من جد وراح نلعب كورة واللي تبيه بعد .. بس اول تغداء ..
ريان / طيب .. اصلن انا جيعان بس زعلان ما اقدر اكل ..
الكل / ههههههههههه




بيت ابو سطام .. سلطان يتغدا مع امه وابوه واخوه رعد ..
بتال راح الرياض يكمل المشروع ..
ام سطام / هني هني وعافيه
ابو بتال / يعافيك يالغاليه ..
رعد / اقول سلطان بما انك عزوبي ويش رايك تنام عندنا الليلة ونرجع ايام زمان
سلطان / اللي يسمعك يقول يتذكر ايام عزوبيتي كنت ياصغرك عمره 4 مدري 5 وبعدين تزوجت
رعد / المهم نفسي اعيش الاحساس
ابو سطام / الا يا سلطان ؟
ابو بتال / سم يبه
ابو سطام / وايش رايك تروح الرياض وتشوف الشغل اللي هناك
ابو بتال / والله ودي يايبه بس عندي مشاكل هينا لازم اخلصها وبعدين انزل واحل الموضوع بكبره ان شاء الله انا ناوي باذن الله .. بس خليني اخلص من اللي هنا
ابو سطام / على خير ان شاء الله
رعد / يعني ماتبي تسوي شي اليوم حركات عزوبية
ابو بتال يبتسم / ناوي اسهر بالاستراحة الليله
ابو سطام / والله ان خاطري اشوف هالاستراحة غرام صجت راسي تبي مثلها
ابو بتال / صدق تبي تعطيها الملحق يبه
ام سطام / لا مااظن غرام ورعه صغيره خذها على قد عقلها
ابو سطام / لا والله اني صادق .. وكلمت البنات .. وابرار تصمم الدكرور " الديكور " ورهام تبي ترسم ..
و مدري ويش بيسوون هم يبربرون وانا اقول لهم تم .. والله ان اللي يبون يسونه يسونه والا احد يقلهم حرف ..
رعد / اوووه ابو سطام ناوي يفلها ..
ابو سطام بروح مرحه / ابي اتشبب شوي
ام سطام / اهااا بس ممنوع دخول رجاجيل .. تبي تروح روح لاستراحة العيال
رعد / اووووهووو الوالده غارت .. فديت الخدود الحمر بس ارفعي البرقع خليني اشوف
ابو سطام يضربه بالعصى / قم قم محد غيري يشوف حسنها
ابو بتال / صدق يمه ولا مره شفناك مفرعه ..
ام سطام / عيب ياولد عيب .. الله يرحم زمان اول .. المره اللين تموت ورجلها رجلها مايشوف وجهها
رعد / صدق يمه
ام سطام / ايه .. الله يرحم عمك سند وخالتك شيخة .. وهي حامل باواحد من عيالها اللي طرحتهم ومااكتمل حملها بهم ..
اشتهت الشاهي وتبي تاخذ لها رشفه تبرد كبدها وتوها رفعت طرف برقعها والا يلمحها عمك الله يسامحه ويبرد عليه ..
ويهفا بمسحاه عنده " اله حاده يقطع بها العشب من حول النخل " وتضرب بساقها بغت تنقص ويقوم عليها بعصاتها ..
ياللي ماتستحين ترفعي غدفتك وتشربين شاهي ماحشمتيني .. " اخذت نفس " .. لا راحم ضعفها ولا رده الورع ..
اللي ببطنها وضربها ضرب الله لا يذوقه لحبيب ولا عدو .. ماخذت يوم الا الورع نزل ومات ..
وهي قعدة شهور تنزف ومانا عارفين علتها وبعدها بسنتين توفت لو الولد عاش يمكن كان كبرك ..
الله يسامحهم ويغفر عنهم ..
ابو سطام / سند رحمت الله عليه شديد وحاد بالحيل .. الله يسامحه لو انه كان اهون بشوي كان كثير اشياء تغيرت ..
رعد وابو بتال / الله يرحمه


انتهى البارت 5




 




عرض البوم صور سامي رد مع اقتباس

قديم 12-06-12, 03:13 PM رقم المشاركة : 16
الملف الشخصي
إحصائية العضو







سامي est déconnecté

علم الدولة male_jordan

افتراضي رد: رواية بردان ياحضن الدفا عطشان واظماني الجفا

اضغط على الصورة لرؤيتها بالحجم الطبيعي
البارت 6

ليه الزمن ماعاد فيه صاحبٍ وافي...
ليه الزمن صارت جروحه قساتي..
ليه الضحكه في زماني..
بدت تنعدم من حياتي..
ليه القسى...والظلم..وقولت الآهي..؟؟
كنت أتخيل عالمي غير زماني
تخيلته خيال طفلٍ بريئي
ماله في هالزمن ولاهمومي
تخيلت زماني كله فرحه وشموعي
والحزن فاني من حياتي
لا صاحبٍ يجرحني
ولا ظالمٍ يظلمني
رسمت لحياتي..أشكال وألوان مختلفه
زخرفتها بأحلى زخارف خطتها أيديا
وعيشت نفسي بأحلام ورديه
ولافكرت ان هالخيال جداً عالي وانه صعب المنالي
كنت اتمنى صاحبٍ جنبي
يطبطب لضاقت علي حالي
يضحك بوجهي ويسليني
يسولف لي عن أوجاعه وأسولف له عن أوجاعي
نتسامر ..ونضحك..ولانعرف للحزن بابي
بس ..للأسف هذي أحلامي
أحلام طفلٍ ماله فـ هالزمن مكاني
وفجأه
صحيت من أحلامي
وعرفت ان هالزمن مجرد سرابي
والفرح فيه بس ثواني
وكل اللي رسمته على بالي
تسطر فـ صفحة أحلامي


بقلم
غـلا قــطـــر

ـــــــــــ


الرياض ...
بعد المغرب ... في المجلس الداخلي لبيت ابو نايف ..

خديجة تتحدث عن مسلسل لام راكان وام ركان في صمت غريب .. خلود صامته وتسرح بفكرها ..
ساره ومها وحنان يشاهدون مسلسل على التلفاز .. ساره بعباتها والبرقع بيدها ..
العنود بعباتها وبرقعها متغطيه .. خوف من دخول عبدالله المفاجئ بدون حياء ..
شريفه وهي تاكل من الفطائر اللي امامها / عنيييييد اسمعي زين مناروه راحت جدة بلا شوري ..
لا تفكرين تلوين ذراعي بهالشي .. تراني شرايف مايصير شي الا القي له دبره ..
العنود بتغابي مقصود / وشهو ذا الشي ..؟
شريفه / لا تقولين ها عرس اخوي .." وبنبرة حاقدة " جعله ما يتم .. ابي اروح .. تعقبين مالك روحه ..
العنود تمثل الحزن / لييييه ما ارووووووووووح .. هذا عرس راكاااااااان ..
شريفه / اهاااا بس عرس رويكين .. اقول انتي عروس والعروس ماتطلع قبل عرسها ..
العنود تدعي الخجل / خااااالتتتتي احرجتيني وبعدين عرسي باقي عليه ..
شريفه صدقت وبابتسامه بينت صفرت اسنانها وتفرقها / هههه ايه .. ااا المهم مالك روحه ..
العنود لعت كبدها بس ويش تسوي لو مو جدتها الظبي كان لقت لها حل .. وبهمس / الله يرحمك ياجدتي ..
شريفه / هااا ايش تقولين ما سمعت ..
العنود / اقول لو سألوا عني ويش تقولون لهم ..؟
شريفه بخبث / ههههههه لا لا من بعد اللي صار مهم سألين عنك ..
العنود تتصنع المفاجئة / ليييييييييه ويشششش صاااااار ؟
شريفه تطالع ساره وبابتسامه تعتقد فيها انتصارها / ولا شي .. بس عمامك ان شافوك اذبحوك ..
العنود تبي تترك الجلسة بلا رجعه .. وقفت وتدعي البكى / ليييه لييييه ايش سويتوا .. اهئئئ اهئئئئ
شريفه عصبت / ووجع ليه وليه ضيقتي صدري .. اقول انقلعي انقلعي وخذي امك معك ..
العنود تأشر لساره بيدها .. يعني " الحقيني وجيبي امي معاك " ..
شريفه لمن شافت ساره تقوم امها / سووويرر زين انك سمعتي كلامي وما قلتي لعنيد ويش صار..
راح اخليك تحضيرين عرس رويكين وتشوفين وايش راح اسوي .. راح اخلي بنت سلطان تطلق من اول ليلة ..
ساره متفاجأه ومها وحنان ايضا ..
مها / يمه كيف تطلقينها وليه ..
شريفه / يالغبيه ابيه يطلقها علشان يتزوجك يالبقره ..
مها / يمه ما احبه غصب يعني اتزوجه ..
شريفه / حبك برص قولي امين حبك برص .. هذا ولد سطام يالخبله ولد سططططاااااام ..
مها / وايش يعني ؟
شريفه / آآآآآآآآآآآآآآآآآآه ياقلبي آآآآآآآآآآآآآآه ما الله عطاني بنات ذكيات مثل العنود وسوير يعرفون مصلحتهم ..
وحده غبيه وفاتح حلقها لها الخربان التلفزيون والثانيه بقره ترعى تبي ثور مثل ابوها ..
مها وقفت / ويش فيه ابوي ما جوعك ليله ولا ضربك ولا خلاك عريانه ..
يمه متى راح ترحمين ابوي وتحسسينه باهتمامك ..
شريفه تشهق / هئئئئئئ " وبصوت عالي " تعاااااالي تعااالي اضربيني احسن لك تعااااااالي ...
ياقليلة الادب ان ماخليت عبيد يكسر عظامك ما اكون شريفه .. اوررريك في البيت دواك ..
مها خافت لانها جربت ضرب عبدالله جلست جنب حنان وهي ترجف / يارب خذ عبيد وفكنا منه
حنان / امين .. الليله يارب ..


بعد نص ساعة ..

فوق .. بجناح العنود ..

العنود / ها نامت امي ..
ساره تجلس وبطفش / ايه .. عنود طفشانه ابي السوق ابي اشتري لي فستان ..
العنود / خليها بعدين حبيبتي لا تخافين راح تشترين فستان واتحد وحده تلبس بحلاته ...
ورح تشترين هديه بعد لزوجة راكان .. عجبك .. << " قالته مبتسمه وهي تفرد الملابس حتى تكويها "
ساره تنسدح على الكنبه / اهههههههههاا هذا اذا خالتي شريفه سمحت لك ..
العنود بابتسامه خبيثه / قومي قومي ..قومي قفلي الباب .. " جلست على كنبه مفرده وامامها طاوله الكوي "
ساره وقفت وراحت تقفل الباب / عنوده ليه ماتخلين الخدامه تكويها زي زمان ..
العنود بجمود / لا " وتغير الموضوع " قومي سوي شاهي وبعد فيه كيك بشوكولا سويته لك شوفيه بالحافظة
ساره مبرطمه / طيب .. احط نعناع بالشاهي
العنود فاهمه قصدها / اللي يعجبك بس اهم شي سوي شاهي بسكر مو ملححححح
ساره / هههههههههههه والله ما كان قصدي ..
العنود تبتسم / طيب صدقتك ..


ـــــــــــــــــ




يوم جديد ...

بدبي .. احد المولات ..
شجون / وه وه وه ياحلووو دبي وياحلو من فيها
رنا / صدقتي .. هذي دار الحي ..
غرام / اسمعوا اليوم نبي نتمشي بس .. لكن من بكره نسوي جدول لطلبات سمر
نوال / انا سالت خالتي الجوهره .. قالت مافي شي كثير ..
ابرار / ايه .. لان اكثر اغراض سمر اخذتها من بيروت ..
شجون / وه بس متى اتزوج ويسالوني الناس وين رايحه اقول رايحه اجهز ..
من وين جايه جايه من .. من ؟ من وين ؟ << تسأل البنات
غرام بضحكة / من مستشفى المجانين ان شاء الله .. هههههه
البنات / ههههههههههه
شجون / وجع ان شاء الله لك انتي المستشفى مو لي..
غرام تضحك / ههه انتي قلتي من وين جايه .. وجاوبتك .. هههههه
شجون / قصدي من أي دوله اجهز ..
ابرار / حدك اسواق الشرقية ..
شجون / لا والله مثل ما سمر جهزت من برا حتى انا اجهز من برا ..
رنيم / قلتيها سمر يعني بنت سلطان واخت بتال مو انتي
شجون / وايش في انا .. بنت خالد واخت عناد ..
رنا بسخرية / يعني اخت عناد .. وين تروح ؟
شجون باعتراف صادق / في البيت ..
البنات / ههههههههههه
ريهام / ماتدرون يمكن ربك يرزقك وما تجهزين لعرسك الا من روما وباريس ..
شجون بتنهيده حالمه / اميييييييييييين .. وبعد لندن لا تنسين ..
غرام / اهااا حلم ابليس بالجنه .. بنات قوموا هذا بدر وياسر والصقر جاو .. مشينا ..



بدر وياسر وصقر ..
بدر يوقف الشباب ../ اقول شباب ؟
ياسر وصقر / هاا ..
بدر / مو احسن نخلي البنات يتقسمون .. منها يخلصون بسرعة ومنها نبعد العيون عنا ..
ياسر / ايه والله اللي يشوفنا معهم يقول رعيان وهذولا الغنم ..
صقر / اذكر الله ..
بدر / ههههه اكثر الرعية خواته خاف عليهم ..
صقر عصب / خذوا خواتكم وانا اخذ خواتي مهم محتاجين لكم ..
بدر يمسك يده / اقول هدي اعصابك .. وخواتك خواتي ..
ياسر / خلانا نتصل عليهم ونقلهم يقسمون عمرهم ..
بدر يترك يد صقر / وهذا الصح ..
اتصل بدر على ابرار وتقسموا البنات .. وكلن اتفق على جهه يحتاجها ..
بدر .. معاه .. " ابرار , رنيم , رنا "
ياسر .. معاه .. " غرام , شجون , ريهام "
صقر .. معاه .. " ريما و روان , نوال واماني "

بدر / اسمعوا بنات اللي تبونه نروح له سوا مو وحده تقول ابي شغله وتروح وتتركنا نحوس ندورها ..
رنا بعفوية / ليه شيفنا صغار ما نفهم ..
قاطعتها رنيم بقرصه / اص الرجال ماقال شي
رنا بألم وهي حاطه يدها على متنها مكان قرصة رنيم / آآآآآآي وانا ويش قلت ؟
بدر تضايق من كلمتها حسها كانها تستهزء فيه "وبنبرة جامدة " / المهم لا تبعدون عني ..
ابرار / خلاص بدر ولا يهمك بس نبي محل هالفساتين ..
بدر / يالله ادخلوا ..
دخلوا محل الفساتين .. وهذا حلو وهذا قماشة شين وهذا عاري .. وهكذا ..


عند ياسر ..
ياسر بابتسامه / اقول غرام ..؟
غرام / هااا
ياسر مبتسم بخبث / في خاطري من زمان ادخل ذا المحل .. ويش رايك تدخليني فيه .. " ويأشر بيده على المحل "
غرام بخبث مماثل / ابشر من عيوني بس ..
قاطعتها شهقت ريهام الخجولة / استغفر الله .. يا ربي لا تفضحنا ..
ياسر انفجر ضحك / هههههههه انا ههههههههه امـ هههههه زاح ههههه امزح
شجون تتصدد ورا ظهر ريهام .. ريهام بتبرر / لالا اااا قصدي اا ..
غرام تقرب من ريهام / ويش فيك ؟
ريهام بهمس/ قليلة الادب شجون تقول خاطري ادخل نعومي واخذ ذا القميص المعروض ..
غرام بخبث / اقول يويسر وايش رايك تتزوج شجون وتدخل وتشتري اللي يعجبكم ..
ياسر بخبث مماثل / قووولك اجل وايش رايك ياشجون ..
شجون توترت وارتبكت وصارت تدور في مكانها / اااا .. " وبعصبية " قليلين ادب ..
غرام وياسر / هههههههه
ياسر يحاول يسيطر على ضحكة / يالله يالله امشوا خلصوا اغراضكم ..



مع صقر ..
ريما بعصبية / روانوه وبعدين معاك ..
صقر / خليها ريما .. تعالي .." يمسك روان من يدها " .. ويش تبين ؟
روان بزعل / بغيت الفستان الاورونج ..
صقر ../ أي واحد هذا " وياشر لواحد بالون الخربزي " ..
ريما / ياليت كان اهون .. تبي اللي جنبه ..
صقر بتعقيده حاجب / هذا " يشير الى فستان بالون الاورنجي الصارخ وبمنتصفه فلونكه سودا " ..
روان / ايوه انا شفت فنانه لابسته ..
صقر / هو حلو بس ما يناسبك يا قلبي .. راح يطلعك حرمة قد ايش كبرك .. خذي اللي جنبه العشبي ..
ريما / وووواااااووو صقر والله انك ذوق .. ما شاء الله ..
نوال واماني ملتزمتان الصمت .. اماني خاطرها تتكلم بس نوال قرصت عيونها فيها بتهديد ..
روان تطالع الفستان .. " كت " بدون اكمام من القماش المضغوط بشكل اوراق شجر صغيرة ..
ضيق لتحت الصدر بقصت صدر مثلثه ثم يتسع .. طوله لحد الركبه .. يعطيها أنوثة وبرائه ..
والون يليق بلون بشرتها البيضاء ..بقناعه / مره عجبني ابيه خلاص ..
ريما / اه الحمد لله .. وانت نوال اللي معك على ايش رست ..
نوال / شوفي الخربزي اخترته لها لزواج وبعد الاسود ..
ريما / عجبها ..!
نوال / ايه هادي ..
صقر يطالع بالفستان .. اسود كت بقصت صدر دائرية وحزام ناعم من الكرستال تحت الصدر ..
والظهر مغطاء بطبقة شفافه .. بحزم / لا الاسود لا .. عاري بزياده ..
نوال اللي مانتبهت لظهر / ويش عاري الله يهديك ..
صقر / ماشفتي الظهر فاتح كله ..
نوال / خلاص مانبي الاسود ناخذ الخربزي ..
صقر .. يطالع الفستان كت على الكتوف تطريز ناعم بالابيض .. القماش حرير .. ضيق لتحت الركبه ..
صقر / لبس العافية ..
اماني بزعله / انا ما ابيه ما عجبني
نوال بسخرية / اجل ويش عجبك ..؟
اماني طالعت فيها بعيون مغرقة دمع / ولا شي ولا ابي اشتري شي خلاااص ارتحتي .. << غارت من روان
صقر سمعها وعورة قلبه .. ما يحب البنت تبكي / افااا افااا لا لا امون خذي اللي يعجبك ..
ومالها خص لا ريموه ولا نوالوه في ذوقك .. << قالها وهو يبتسم وصاد عنهم
روان سحبت اماني تركت ريما ونوال وتوجهوا لجهه ثانيه من المحل ..روان / شوفي ذا ..
اشرت لها على فستان وردي ناعم طبقات حد الركبه عاري الاكمام مع شال ذهبي ملكي عالق ببروش ذهبي ..
اماني / ايه ابيه ..>> وتطالع نوال .. << الشغله عناد
اخذ صقر الفساتين وراحوا لمحلات ثانيه .. وروان واماني مسوين نفسهم زعلانين وما دروا بفرحة نوال وريما ..



عند سمر بأحد الصوالين التجميلية ..
سمر تسوي مساج .. الجوهره وهيفاء تنظيف للبشرة ..
بعد ما خلصت الجوهره وهيفاء تنظيف للوجه .. وينتظرون سمر تخلص..
الجوهرة / يالله متى يخلصون .. " تطالع الساعة " .. باقي نص ساعة .. خليني اتصل على سعود
هيفاء / وبعد شوفي وليد عساه اكل شي ليدوخ عليهم ..
الجوهره / لا تطمني كلمتهم وقالي سعود انه اكله غصب ..
هيفاء / كيف حالته الحين ..
الجوهرة / لا الحمد لله الدم وصل مستواه الطبيعي الحمد لله .. بس قلبي انا وابوه للحين مرعوبين عليه ..
هيفاء / وبعد فقر الدم مو زين .." اشرت لها الجوهرة بانها تسكت "
الجوهره وهي تكلم سعود / هلا يمه .. ها وينكم فيه .. طيب يمه حنا شوي ونخلص ..
شوف لنا مطعم واحجز لنا خلنا نتغدا وقول لعيال عمك يقابلونا هناك .. بحفظ الله ورعايته يمه .. فمان الله ..
هيفاء / ظنك خلصوا ..
الجوهرة / اكيد لا ... بيني وبينك سمر مو ناقصها شي نهاية هالاسبوع يوصل كل جهازها ..
كلمت المصممه اللي قالت لي عليهم ام خزامى في لبنان واخذت كل الموديلات والفساتين اللي نبيها ..
و اخذت المقاسات من سمر وامس كلمتني قالت ان كل شي جاهز وسوت اشياء ثانية توصية يعني ..
الله يجزها بالخير ام خزامي .. ريحتني ..
هيفاء / ما شاء الله مجربتها ام خزامى ..
الجوهرة / ايه مجربتها جهزت اختها قبل فترة عقبال ما اجهز لك >> قالتها وهي تبتسم
هيفاء تغير وجهها وبهت لونه .. الجهورة باستغراب ../ ويش فيك ..؟
هيفاء / خايفه يـا الجوهره .. خايفه .. << الجوهرة عارفة قصدها ..
الجوهره / اعوذ بالله من وسوست الشيطان .. يا بنت الناس الحب الصادق بعد الزواج ولا تنسين ..
عبير رحمة الله عليها ما عرفها رعد الا ثلاث اسابيع قبل الزواج .. اللي يحس به تانيب ضمير ..
مع وسوسات الشيطان ..يقول لو ما اخذتها من القصيم لرياض ما ماتت عبير حب فيها خفت دمها وزينها ..
الله يرحمها .. من ما يحبها ويحب خفت دمها .. وانا اختك اسمعي نصيحتي صدقين راح يحبك ..
وينسى عبير بعد زواجكم .. وانا ما راح اخليك راح اعطيك من خلطاتي السحريه << قالتها بدعابه مازحه ..
هيفاء بشبح ابتسامه / اذا بيصير لي مثل ما سلطان صاير بيدك مسلمتك الخيط والمخيط ..
الجوهرة بجزع / قل اعوذ برب الفلق .. اذكري الله يابنت ..
هيفاء / هههههههه لا اله الا الله .. وهذي سمر خلصت شوفي سعود وين ..



ـــــــــــــــ



بيت ابو سند .. في الصالة الداخلية .. بعد تناول وجبة الغداء ..
ابو سند وسند وام سند يشربون لشاهي امام التلفاز ..
ابو سند / ياولدي ماتبي تفرح قلبي ..
سند / ابشر يبه بمن يفرحه امر ..
ابو سند / تزوج .. ويفرح قلبي ..
ام سند / ايه والله يا سند خاطري اشوف احفادي ..
سند بابتسامه / طيب من تشوفين لي مناسبه يا الغالية ..!
ام سند بفرحة / تقوله صادق
سند / ايه والله اني صادق فيه ..
ابوسند / هذا بنات عمك حولك تنقى منهم وتخير ..
ام سند / ويش رايك بـ ابرار ..
سند حس بمغص ببطنه نزل راسه ويحرك السكر بفنجان الشاهي وبهدوء / بنت عمي وما يعيبها شي ..
بس ماهي بهواي يمه ..
ابو سند ../ اجل فيه احد ببالك !!
ام سند بابتسامة لا تخلو من الخبث / هواووي ياولد هوواااوووي مثل ابوك ..
سند ابتسم على كلام امه / اممم يعني يمه ..
ابو سند بابتسامه وخاطره يزود على خبث العنود بس لازم يحكم زمام الموضوع ويكون جدي ../
ومن هي ها البنت اللي اخذت عقل ابو فهد .. عساهااا من بنات عمك ...
سند بعد ثواني صمت ../ من بنات عمي راشد ..
ابو سند يشد نفسها / عساهاا ماهي الكبيره ..
سند فهم قصد ابوه وهو ما فتح الموضوع معاهم الا بعد ما عرف بخطبة ريما لغيث ../ لا .. رنيم ..
ام سند / كلللللللللللللللللللللوووووووووووووووووووووووللللل ووووووووووووووووش
ابو سند بابتسامه / اليوم العصر اروح اخطبها لك والعيد زواجكم ..
ام سند / مو كان العيد قريب بالحيل وين يسكن ..؟
ابو سند / نجيب مهندس وعمال من شركتنا ويبنون شقة فوق بالسطح ..
والا اقول شقتين وحده لسند والثانية لفارس .. ويش رايك ..
ام سند / رايي انه زين بس يمدي الوقت ..
ابو سند / نضبط لهم الجناح تحت واللين يتجهز الشقة ويرتبونها لهم ويجهزون غرفة لولدهم ان شاء الله ..
ام سند / وه فديتك والله تفكيرك لبعيد .. اقول قم خلنا نروح نخطب قوم ..
سند يمسك بيد ابوه ../ الله يهديك يبه البنت بدبي والحين الناس تتغدا ظهر وين تخطبون فيه ..
ابو سند يعود للجلوس / ايوه والله انك صادق اجل اصلي العصر وامره .. والمغرب اروح اقول لابوي سعود ..
دخل فارس وهو جاي من الشركة تاخر لسبب ضغط الشغل عليه / السلام عليكم
الكل / وعليكم السلام ..
فارس وهو يرمي جسمه بتعب بجوار سند / ابي اموت من الجوع ابي اكل ..
ام سند توقف / يخسى الجوع ابشر بأحلى غداء ...
فارس بابتسامه / تسلمين يمه ..


بالرياض ..

جناح العنود .. بعد الغداء .. سارة راحت تشوف التلفزيون بالصالة ..
العنود بهدوء / محتاجين سيارة ذا الفترة
نايف / راح اقول لماجد يسلفنا سيارته .. ماراح يقصر معانا ..
العنود بهدوء / ادري انه ماراح يقصر ابو عبدالعزيز .. بس يا وجه استح .. صار لازم تاخذ لك سيارة ..
نايف / من وين ..
العنود بعد تفكير لدقايق / انت دور سيارة زينه وسعرها معقول الحين .. واذا لقيت لا تكتبها باسمك خلها باسم ماجد ..
نايف عاقد حواجبه / ليه ؟
العنود / لانه اذا احد سالك من وين لك هالسيارة تقول سيارة ماجد .. فهمت ..
نايف / طيب .. وايش له لازم السيارة الحين ..
العنود / لان اذا تعبت امك نتصل بفلان وعلان اللين نلقى سيارة والا اجرة ونروح للمستشفى ..
اما اذا كانت السيارة تحت يدنا وقريبه ماعليه متى مابغيناها هي تحت يدنا ..
وبعدين نوقفها عند بيت ابو طارق يعني قبال بيتنا ..
نايف / طيب اسال ماجد ونروح ندور بالمعارض اللين نلقاها
العنود / وبعد لا تنسى نبي السوق علشان عرس راكان .. ناقص اغراض ..
نايف / بتروحين ..
العنود / وايش رايك اكيد ابي اروح .. " توقف " والا علشان شريفه قالت لا اقول خلاص ..
نايف / قلت يمكن ؟
العنود / توقعك خطاء .. المهم .. " اتجهت للمكتب وسحبت ظرف " .. شفت ابوي ...
نايف / ايه اليوم قابلة الصبح .. " ابتسم " كانه متحسن ..
العنود تجلس قباله والظرف بيدها .. / ايه وما سالت السبب ايش ؟
نايف / اخوانك ما يقولون لنا شي .. وانتي محرمة علية اطلب من عمي شي ..
قاطعته العنود بحزم / اياك .. اياك تقول لعمك او اخوانك شي .. لو يهمهم امر ابوك كان شفتهم حواليه ..
نايف / بس ..
العنود / لا بس ولا شي لا تذل عمرك علشان شي بيد ربك ادعي ربك وهو يفرجها من عنده ..
نايف / العنود والله عمي حبيب ..
العنود / حبيب لنفسة وعياله حبيب للي حواله .. مالنا دخل فيهم تسمع .. اللي مايسال عنك لا تسال عنه ..
نايف / ا..
العنود تقاطعة / خذ هذا الظرف فية مبلغ بسيط روح محل الذهب حق ابو صلاح وقول له يجيب اللي طلبته ..
نايف / طيب ..
العنود / وبعد اسال عن شيخ ثاني يقراء ويكون معروف وله ترخيص مثل الشيخ طلق .. او روح وشوف الشيخ رجع ..
نايف / ان شاء الله .. بس ادور شيخ ثاني ونرجع للمحاضرات من اول وجديد ..
العنود / ماعليه نرجع بس ابوك يطيب ..
نايف / بس للحين مالقين السحر الثاني .. مو الشيخ طلق قال دوروا في البيت ..
العنود اللي هدها هالموضوع / ودورنا مالقينا شي .. مابقى الا بيت خالتك ..
نايف / وليه خالتي يمكن الشغالة اللي قبل ..
العنود تفكر / قولك كذا .. بس خالتك قالتها لي بعظم السانها .. اووووووووف .. حسبي الله ونعم الوكيل ..
نايف / يمكن تبي تقهرك وبس تبي تخليك تخافين منها ..
العنود / وانا ايش اللي مربط يدي .. اني ماني متاكده .. اهي والا الشغاله اللي اختفت .. والله اني راسي ضايع ..
نايف / لو خالتي شريفة كان عرفنا .. من ولدها والا السواق ..
العنود / مدري ياخوي مدري .. الشيخ طلق يقول حوليكم ومو راضي يوضح المكان كانه بمكان مظلم ..
وياخوفي تكون رمته بالبحر والا دفنته بقبر .. ما ينفك اللا بأذن الجليل المقتدر ..
نايف / والله انقهر لمن اتذكر اللي كان يصير لنا عند المشايخ ..
العنود / قول حسبي الله ونعم الوكيل وقدر الله وما شاء فعل .. كنت صغير وانا ما اعرف ..
نايف حط الظرف على الطاولة اللي قباله وراح جلس جنب اخته ورام نفسه بحضنها وبصوت متعب ../ يمه ..
العنود خافت على نايف لانه ما يقول يمه الا وانه تعبان حيل ضمته وهي تمسح على شعره / يا روحها ..
نايف يزيد في ضمها و غطى وجهه في صدرها حتى ما تبان دموعه ..
العنود تمسح على شعره حست بان الحمل ثقيل عليه ..وبهمس / اسفه اتعبتك .. بس مالي من بعد الله سواك ..
نايف بدت شهقاته تطلع ويرتجف .. العنود خافت عليه اكثر / نايف .. نايف .. " تحاول تبعدة بس نايف يرفض "
دخلت ساره ووقفت عند الباب تطالع نايف ../ ايش فيه نايف .." بصوت مخنوق "..
اشرت لها العنود انها تجي بحضنها .. ساره بسرعة رمت نفسها بحضن العنود وصارت تبكي ..
العنود ضامتهم اثنينهم والخوف على نايف يلعب بين ضلوعها ..


عند زياد وراكان وبتال بالاستراحة ..
راكان / اليوم خلصت غرفة النوم ..
بتال / ابي اشوف بيت اختي يا راكان ..
راكان / اسف تجي سموره وتدخله واذا بغت تخليك تدخل اسمح لك تدخل اما قبلها فمعصي ..
زياد بابتسامه / انا قبلك حاولت عيييياااا
بتال / تعرف العنوان .." يقصد زياد "..
زياد / ايه اعرفه ..
بتال / اعطيني اياه اذا ما دخلت البيت وشفته ما اكون ابو سلطان
راكان يبي يضيع لهم السالفه ../ الا ما اشوف تركي ذا الايام وينه فيه ..
زياد / سمعت انه سافر ... بس فين ما ادري ؟
بتال / سبحان الله ذا الادمي خفيف يدخل القلب ..
راكان / ايه .. ويعجبك انه مايتدخل باللي ماله فيه حده حد نفسه ..
زياد / بس كثرت السفرات الله يهديه مايقعد ابد ..
بتال / شغل والا سياحة ..
راكان / على حسب هو عنده محلات في الاسواق يبيع فيها ملابس نسائية وبعد عنده كم محل معروف ..
حق الكمبيوترات والبرمجة الالكترونية شاطر في ذا الشي ..
بتال / يعني هذا من ورث ابوه والا من مجهودة ...
راكان / لالا ابوه حالته حاله منتف وفقران .. هذا من مجهودة ..
بتال باعجاب / ما شاء الله .. الله يوفقه
راكان و زياد / امين




 




عرض البوم صور سامي رد مع اقتباس

قديم 12-06-12, 03:15 PM رقم المشاركة : 17
الملف الشخصي
إحصائية العضو







سامي est déconnecté

علم الدولة male_jordan

افتراضي رد: رواية بردان ياحضن الدفا عطشان واظماني الجفا

بعد العصر .. بالخبر ..

ابوسند في بيت ابوصقر ..
ابوسند / ها ويش قلت ياخوي ..
ابو صقر بفرحة / جاتكم هدية ماوراها جزية خذوها بثيابها ..
بس ترجع من دبي تسوي التحليل ويملكون على طول ..
ابوسند بعقلانية / ياخوي صلي على النبي .. ويش خذوا بثيابها وهديه ..
لازم تاخذ راي البنت وامها .. هذا السنه .. وتاخذ البنت وقتها باتفكير .. لالا ياخوي ..
مانبي جوازتهم تنبني على الغصيبة .. كل شي بالتفاهم ذا الايام .. ايام الغصب ولاء وراح ..
ابوصقر ماعجبه الكلام واشتد وجهه القاسي / ماعليك فالبنت وامها انا ولي امرها واعرف مصلحتها ..
ابوسند / ماقلنا شي وانا اخوك البنت لازم تاخذ رايها .. والله والله ياراشد ان دريت انك اجبرتها او غصبته..
لا ازعل عليك عمري كله .. رنيم بنت عاقلة ورزينه .. وتعرف مصلحتها ..
ابو صقر بغموض / يصير خير ..
ابوسند يوقف ../ هااا فمان الله ..
ابوصقر / على وين تو الناس ..
ابو سند / رايح لعمي اتقهوى عنده ..
ابوصقر / اجل خليني اروح معاك ..
ابو سند / مشينا ..


عند ام صقر داخل البيت ..
ام صقر بالتليفون / تقولينه صادقة
ام سند / ايه والله .. والله لو تشوفين وجهه يالماسة .. وهو يقول ابي رنيم ..
لتضحكي عليه .. ياعمري ياسند خجول طالع لامه..
ام صقر / ياحبني لذا الولد .. اماا انه طالع لامه بالخجل ..
..<<" بمزاح ".. ان اشهد ان الخجل عنك يمين وانتي شمال .. ههههه ..
ام سند تدعي العصبية / اهااا ويش تقصدين .. هاااا .. تقصدين اني ما اخجل ..
طيب ان ما تحمحمت لبنتك وطلعت عيونههااا ..
ام صقر تضحك / ههههههههه ويش تحمحمت هذي هههههههه ..
ام سند تبتسم / يعني اصير حماية واشتغل شغل حمواات .. ام زوجها يعني ..
ام صقر / هههههههههههههه الله يسعدك ياختي ههههههههه ..
ام سند / الا اقول مانتي جايه عند امي ..
ام صقر / الا الحين رايحة لها سويت قهوة وحلى والحين جاية ..
ام سند / اهاا انا سابقتك .. فمان الله ..
ام صقر / فمان الله


ـــــــــــــــــــــ



بماليزيا .. عند العرسان ..
مرام وطلال توهم راجعين الفندق ..
طلال قرفان من نفسة تعبان نفسين وجسدين والجو كان مطر .. فدخل على الحمام يا خذله شور ..
مرام مخنوقة من صار اللي صار وهو بارد معها حاولت ترضية بس اهو يقول ما في شي ..
وانا مو زعلان بس هو متغير عليها حيل غير عن ايام الخطوبة .. رمت نفسها على السرير وصارت تبكي ..
طلال طلع من الحمام " اكرمكم الله " وهو لابس الروب وينشف شعرة بفوطة صغيره ..
شاف غرام مرميه على السرير فكرها نايمة بس سمع شهقاتها واستغرب .. مرام ماحست بخروج طلال ..
طلال يقرب جهتها ويمسح على شعرها ..وبحنيه / مرام .. مرومه حبيبتي .. ليه تبكين ..
مرام سمعت صوته وزادت بكى .. طلال يستغفر مايحب هالحاله ..
وبصوت حنون وهو ينسدح نبها ويضمها لصدره / مرام حبيبتي قولي لي ياعمري ايش اللي مزعلك ..
مرام من بين شهقاتها ../ انت .. اا.. انت ز زعلااا ن علـ.. عليه ..
طلال عقد حواجبه وبهدوء / مرااام حبيبتي عمري عيوني والله مو زعلان .. ايش تبيني اسوي ..
خلاص اللي صار صار وعاتبتك وعرفتي خطاك ووعدتيني ماعاد تعيدينها وصلى الله وبارك ..
ايش تبين ثاني ..
مرام / بس انت مارضيت لساتك زعلان ..
طلال ياخذ نفس ويطلعه .." اللهم طولك ياروح "..ابعدها عن حضنه وجلسها ورفع وجهه بيدينه ..
طلال بحزم هادي / مرام .. قلت لك اني ماني زعلان وهذي طبيعتي .. تقولين مو مثل الخطوبة ..
أي حياتنا مو ثل الخطوبه ايام الخطوبه مانشوف بعض بالايام ونسولف مع بعض ونراسل بعض ..
بس لو تركزين شوي تلقين انك انتي ترسلين وتتصلين اكثر وتطلبين اشياء صعبه علية ..
واذا على الهدوء اللي كل ليلة تصرعيني فيه . هذا طبعي طول عمري بس تجنبي عصبيتي يامرام ..
وتجنبي عصيان اوامري .. وماراح اعيد كلمتي مرة ثانية .. " وقف " .. وقومي خذيلك شور يريح اعصابك..
ومسحي الكحل مخلبط لك وجهك ومخليك شينه ..<< " قالها وهو مبتسم "..
مرام طالعت نفسها بمراية التسريحة قدامها وانفجعت من شكلها راحت تجري للحمام ..
طلال ابتسم بألم .. " الله يسامحك يبه ويسمحك يمه .. هذي الهدية العاقل .. استغفر الله العظيم .. يارب تصلح الحال "..


ــــــــــــــــ



يوم جديد ..
الرياض شركة السعد ..
راكان المدير العام من سنة ونص تقريبا ..
زياد نائب المدير ..
غنام السكرتير لراكان وزياد ..
رؤساء الاقسام ..
حول طاولة الاجتماع ..
راكان يمسح جبينه .. يحس بصداع من الارهاق والتعب ../ راح اخذ اجازة حوالي الشهر ..
راح يكون زياد في مكاني ..وانتم ماراح تقصرون بغيابي .. ان شاء الله .. ولمن ارجع ..
ابي تقرير مفصل عن اسباب الخساير اللي حصلت بالفترة الاخره وايش السبب ..
المهندس ناصر / بس طال عمرك المشريع اللي خسرناها صغيرة يعني ماتحتاج لها الخوف والتقرير ..
راكان بحدة / ياستاذ ناصر هالمشريع الصغيرة هي سبب كبر الشركة والحجر اللي مايعجبك يفجك ..
وبعدين هالمشريع ماتنقص من ميزانية الشركة وتسبب لنا خساير بالالوف .. يعني راتبك وراتب زملائك ..
المهندس ناصر باحراج / اللي تشوفه طال عمرك
الاستاذ بندر / فيه مناقصة طال عمرك جديدة واحنا انتظرنا لها من زمان حتى نقدم عليها ..
راكان / ايه عندي علم .. حقت شركة النايف
بندر / ايه بضبط ..
راكان / اممم .." وهو يهز راسه ".. انتظر هالمناقصة من سنه والحين لازم ندخلها
المهندس ناصر / بس هذي مخاطرة ..
راكان بغرور / ونحن لها ..
غنام بهدوء / والمجمع طالع عمرك .. محتاجين له سيوله ..
راكان / مابي أي مشكله بهالمجمع .. اصحاب المجمع مركزهم حساس لو خسرناه راح نعلن الافلاس ..
غنام بهدوء / يعني نستخدم المبلغ الاحتياطي ..
راكان / اكيد وبدون نقاش .. " وبعد دقيقة صمت " .. فيه شي ثاني
الكل يسكر ملفه .. راكان / يعطيكم العافية ..
طلع الكل من المكتب ما عدا غنام وزياد وراكان ..
غناد يوقف وبهدوء / تامر شي طال عمرك ..
راكان / يعطيك العافية ..
طلع غنام .. وبقي زياد ..
راكان / كيف الوالد ..
زياد / رحت امس ولقيت خالاتك وما شفت ابوي بس اللي عرفته انه عند جدك ..
راكان / عمي كل يوم يتصل وانا اقول له طيب وبخير ..
زياد / وليه ماتزورهم .. انا احس ان فية شي
راكان / العنود عندهم ونايف .. واذا فية شي ندري الخبر الشين يوصل
زياد يهز راسه / من جدك صادق





عند العنود ..
نايف / لقيت سيارة ..
العنود بهتمام / اممم وكم سعرها ..
نايف / 200,000 ريال موديل هالسنة نصحني فيها طارق اخو ماجد وانا اثق فيه ..
العنود / على بركت الله ..
نايف / بس عندنا ذا المبلغ ..
العنود تبتسم / عيال سطام و ما عندهم ذا المبلغ .. فيه الخير تطمن ..
نايف بلقافة / يعني كم ؟
العنود / صابتك عدوة سارة
نايق يبتسم / بس اتطمن
العنود / تطمن .. العصر روح البنك واسحب المبلغ وشوف كم موجود ..
نايف / ان شاء الله .. شنو الغداء اليوم ..
العنود / ايش بخاطرك ..
نايف / كبسة لحم على كيف كيفك ..
العنود تبتسم / يعني اللي يسمعك يقول يموت في الكبسة ..
نايف / لا بس اليوم مشتهيها حيل ..
العنود بنبرة مقصودة / ومافي شي غيرة ..
نايف صد عنها مايبي يقولها ... قطعت عليهم حديثهم دخول ساره ..
ساره تدخل / العنود ابوي يناديك ومعصب مره ..
العنود وقفت وراحت لأبوها ../ امر يبه ..
ابو راكان بحدة / ويش تبين انقلعي انقلعي ..
العنود اخذت نفس ورجعت للغرفة ..
نايف / ايش فيه ابوي ..
العنود تهز كتوفها والم يعتصر قلبها ../ انقعي انقلعي ..
ساره باستغراب / كان مبتسم وسلم على راسي وقال انه يبي العنود ..
العنود / غير رايه .. المهم .. تبين شي على الغداء ..
ساره / أي شي بس ابي سلطة ذرة ..
العنود بهدوء / ان شاء الله ..
" وراحت للمطبخ تجهز الغداء وتحاول تدور على حل يساعدهم بدون مذله " ..



ـــــــــــــــــ




بماليزيا ..
عند طلال ومرام ..
طلال / خلينا ناخذ هدايا للاهل مابقى شي ونرجع ..
مرام / بقي يومين ..
طلال / خلينا ناخذ على راحتنا .. كذا ولا كذا حنى بالسوق ..
مرام / طيب على امرك .. " شافت بنت صغيرة شكلها سعودية " .. شوف شوف ..
طلال يطالع على الجهه اللي تاشر عليها مرام .. وابتسم / الله يحفظها ..
مرام / تخيل تجينا بنت تجري مثلها وانت تطرد وراها كذا ..
طلال يضمها / الله كريم .. بس مانفكر الحين صح ..
مرام ناسيه / شنو اللي صح ..
طلال بهدوء / مو اتفقنا ناجل موضوع الحمل لبعد 6 اشهر ..
مرام / هو بيدي هذا شي بيد الله
طلال عاقد حواجبه / يعني انتي ماتاخذين حبوب منع الحمل الحين ..
مرام ببرائه / اي حبوب انا مااخذ شي ..
طلال يحاول يمسك اعصابة / مرام خلينا نروح للفندق ونتكلم احسن ما يصير شي ما يعجبك ..


بعد ما رجعوا للفندق ..


طلال بحدة / الحين ماقلت لك قبل 3 اشهر بعد الملكة والشبكة والزفت .. ماقلت لك ماابي عيال من اول شهر ..
مرام تحاول ماتبكي / الا .. بس انا .. ما .. ااا .. نسسسيييت ..
طلال يعلي صوته / ويش لون تنسين .. انا كم مره نبهتك .. وقلت لك روحي دكتورة .. واذا محد وداك انا اوديك ..
مرام تحاول تكتم شهقاتها ../ ا .. اا .. انا .. خجـ .. خجلت .. من امي .. اهئئئئئ اهئئئئئئ
طلال زاد جنانه من سمع صوت بكاها .. / خجلتتتتتتتتتتتتي خجلللتييي وانتي 24 ساعة مسجات واتصال ..
أي خجل هذا .. طيب يامرام طيب .. خلي هالشهر يعدي على خير وتحملي اللي راح يجيك ..
تركها طلال وطلع من الجناح وجلس باللوبي تحت .. طلب عصير ليمون وقعد يشرب بهدوء يمكن تريح اعصابه ..



ـــــــــــــــ



بدبي ..
بدر معاه .. ابرار ونوال واماني ورنا ..
ابرار / شوفي شوفي .. خيال هالفستان ..
رنا / والابيض يهبل ..
ابرار / انا عجبني الاسود مع الرمادي ..
بدر / ما راح يطلع حلو عليك راح ينحفك ويسمرك ..
تعالي شوفي النيلي .. شكله جديد ماشفت زيه من قبل ..
ابرار / وااااااااااو بدير ذوق ما انتبهت له ..
رنا رافعة حاجب وتطالع بدر .." يتمقن بملابس الحريم قليل الادب ".. << بداخلها
نوال / حركات بدير ياحض زوجتك ..
بدر بمزح يعتبر نوال مثل ابرار لانها تربت معاهم / زوجتي راح اصير لها مصمم خاص
ابرار ونوال / هههههههههه
اماني / يوخخخخص والله مانت بسهل يابدير لو كنت من النوع اللي يعجبني كان خطبتك ..
بدر بضحكة / اجل الحمد لله امي راضية علية ..
ابرار ونوال / ههههههه
اماني / من زين خشتك مالت عليك ..
رنا تطالع بدر قرفانه منه .. بدر حاس بنظراتها بس طنشها .." هالبنت مغرورة "<< بداخله
بدر سحب ابرار ودخلوا المحل ..


عند صقر ..
ريما وروان ريهام ..
روان / ابي ماي عطشانه ..
صقر / خذي مويتي ..
روان / تاخذ علبة اخوها وتشرب ..
صقر حاط يده وراء روان .. ريهام وريما يطالعون على طقم بنطلون رسمي معروض بواجهة المحل ..
فيه بنتين شافوا صقر وروان وشكلهم الحميمي صقر اللي يشوفه مايصدق انه بـ 18.. يتوقعه اكبر ..

البنت الاول / واييي يهبل ..
البنت الثانية / شكلهم عرسان
البنت الاول / ايه الله يهنيم ويرزقنا ..
البنت الثانية تتنهد / ااااه امين ..

روان سمعتهم وخجلت .. شرقت بالموية وصارت تكح بقوة صقر يحاول يضربها على ظهرها وهو مرعوب ...
ريما وريهام جو يجرون عندها .. صقر سحب البرقع من عليها حتى تقدر تتنفس ..
روان صارت تاخذ نفس وتحاول تهدي نفسها وتتنحنح لعلها تروح الشرقة ..
سامر اللي شاف صقر وصلب في مكانه وهو يشوف الوجه الطفولي والبرئي اللي محمر وهي بحضن صقر..
صقر جلس اختها على جنب وصار ينفخ في وجهها ويسمي عليها ..
روان وهي تبكي انتبهت لسامر سحبت البرقع من يد صقر وتغطت ..
سامر شاف حركتها وابتسم .. " اكيد هذي روان .. كلهم اعرف اشكالهم الا روان .."
سامر بعد ما قرب منهم / سلامات ..
صقر وقف / الله يسلمك .. " وابتسم " .. فيه بنتين شافوني واقف جنبها وحسدوها من زيني .. << قالها وهو ينفخ صدره
روان لاخواتها بهمس / والله من دلاختهم يتمنون واحد مثلك ..
ريما وريها / هههههههه
ريما / قومي بس فضحتينا بين الخلايق ..
ريهام / الناس تطالع فينا قومي ..
روان ببكية / خلونا نرجع الفندق ..
ريما / طيب بس وقفي ..


عند ياسر ..
غرام وشجون ورنيم .. يبون ياخذون فواحات وكريمات وبخور ..
ودهن عود لسمر موصيتهم عليه الجوهرة بالاسم .. ولمحل معين ..
رنيم / هذا ريحته تخبل ..
غرام وهي تشم الريحة / امممم صح .. ابي اخذ دهن عود رجالي ..
شجون / ليه رجالي ؟
غرام / سند يحب دهن العود .. فديته وحشني
رنيم بهدوء / اذا تعرفين ذوقة خذي له ..
غرام / ايه اعرف .. امم شمي ذا ريحته حلوة ..
شجون / وانا خاطري اخذ لابوي ..
ياسر / يالله نمشي .. اخذت الطلب اللي حجزته خالتي ..
غرام / تعال ياسر شم ذا الريحة تصلح لسند ..
البايع الشامي/ سدئيني اختي راح يعجبو اكتير ..
شجون / تعرف سند ..
البايع انحرج / اا انا بعرف احسن نوع وافضل شي ومابدنا نخسر زباين
ياسر / شوف هذا دهن الشيوخ اللي يحبه سند ..
رنيم / خلصين غرام ..
غرام / اوكي ابي اخذ 3 هذا وهذا وهذا ...
ياسر بابتسامه / فديت اختي مانستني ..
غرام ببرود / ومن قال لك .. لسند وفارس وابوي .. ادفع بس انت ..
البنات راحوا يدورون بالمحل وياسر يدفع الحساب واخذ زيادة لها عناد في غرام ..



ــــــــــ
بيت ابو طلال ..

ريان / ما ابي اكل اصلن انتم ماتحبوني
سيف / رياااان وبعدين معاك ..
ريان يبكي / انت اصلن اسكت انا ماحبك انت كل يوم تقول العب معاك وماتلعب ..
وتقول تسهر معايا عند الشباب بعدين تروح وتخليني اهئئئئئئئئئئئئئ اهئئئئئئئئئئئئئئئئئئئئئئئئئئئ
سيف / طيب خلاص وعد وعد وعد الليله نلعب والشباب كلهم معاك .. خلاص
ريان / اهئئئئئئئئئئئئئئئئئئئئ اهئئئئئئئئئئئئئئئئئئئئئئئئئ كذاب ماعاد اصدقك انا ما احبك احب طلال ..
والله ماعاد اقولك اخوي اخوي طلال وبس هو كان يلعب معايه حتى نوالوه وامون مااحبهم كلكم مااحبكم ..
اهئئئئئئئئئئئئئئئئئئئئئئئئئئئئئئئئئئئئئئئئ اهئئئئئئئئئئئئئئئئئئئئئئئئئئئئئئئئئئئئئئئئئئئئئئئئ ..
ابو طلال / لا اله الا الله .. طيب ويش تبي ياريان تسافر لهم دبي ..
ريان / بعد ايش اروح لمن هم يجون انا اروح لهم لالالالالالالالالالالالالالا
اهئئئئئئئئئئئئئئئئئئئئئئئئئئئئئئئئ اهئئئئئئئئئئئئئئئئئئئئئئئئئئئئئئئئئئئ ..
سيف وهو يمسح على راس ريان / خلاص ريان حبيبي انت والله الليلة نلعب كورة كل الشباب معانا ..
ابو طلال / وانا بعد ابي العب معاكم وابو بتال وحتى ابوي بيلعب ..
ريان سكت / جدي يلعب كورة .. " وهو يمسح دموعة "
سيف يبتسم / راح نخليه الحارس ..
ريان / ههههههههههههه راح اسجل 10 اهداف لحالي ..
ابو طلال / افااا ياذا العلم تسجلون في ابوي والله ليصككم بعصاه على روسكم ابوي ماعنده مزح ..
ريان / ههههههههه اصلن مايصير الحارس بالعصاية ممنوع يعني جدي بدون عصايه هههههههههههه..
سيف / انا رايح اكلم الشباب ونجتمع الليلة ... " وقف " هاا استاذ ريان مستعد ..
ريان ينط واقف / نعم سيدي " ويدق التحية لأخوة "
ابو طلال وسيف / هههههههههههه



سند وعناد وفارس مجتمعين في بيت ابو سند ..
دخل سيف عليهم / السلام عليكم..
... / هلا وعليكم السلام ..
عناد / ايه كمل والحين ويش تسون ..
سند / قاعدين نعدل ونصلح من تحت لتحت ..
فارس / الحمدلله قربت اخلص ..
عناد / بس اكيد خالي مو معديها ..
سند / ندري بس اكيد ماراح اخليه يعاقبه بشي كبير ..
.. هو يستاهل العقاب بس عدلها بدون خساير ..
سيف / ايه صح بس كانت الغلطة راح تكلف ملايين ..
سند / غيره خسرها قبل ..
عناد / بس الغلطة من غيره مو منه ..
سند / المهم غلط وما انتبه .. فارس انتبه وعدلها ..
سيف / المهم .. اتركون من الشغل الحين .. ريان طاقة روحة ومسوي مناحه في البيت ..
عناد / والله من المبزرة ..
سند / والله مسيكين ليه ماخليتوه يروح معاهم ..
سيف / من بينتبه له .. اصلن روحت البنات كلها غلط ..
عناد / ايه والله صادق .. بنت تجهز لعرسها لي يروحون معاها ..
فارس / يساعدونها ..
عناد / والله انا اتصلت على بدر وقال انهم ماغير بهالامولات والمطاعم ..
ماعندهم شي .. وسمر مع سعود وسامر وامها خالتها يقضون لحالهم .. يعني روحتهم مالها داعي ..
فارس / تغيير جو ..
عناد بسخرية / سبحان الله مافيه هواء عندنا ولا فيه مولات ولا مطاعم ..
فارس / تقارن هينا بدبي ..
عناد بحدة / هينا احسن من هناك هناك مامعاهم كبير وكلن لاهي بنفسه ..
سند ببرود / وليه عصبت الحين .. مو صاير عليهم شي وهذا هم بكرة رجعين فريح اعصابك ..
عناد سكت برود سند يكتمه و مايحب يجادله احترامن له لانها اكبرهم وعقله تحتوي الكل ومتفهم للكل ..
سيف / اقول الليلة جهزوا نفسكم للمباراة ..
فارس / ماني خابر ان فيه مباراة الليلة ..
سيف / لا فيه بفضل ريان اخوي حتى عمامي بيلعبون ..
سند يبتسم / يستاهل ابو عبدالعزيز .. حاضرين الليله نلعب ..
عناد / في الاستراحة ؟
سيف / لالا في الحديقة قبال بيت جدي .. حتى يحضرون الحريم الكبار ..
فارس / اوووووووه فيها جمهور من الجنس الطيف ...
عناد يبتسم / وجدي الحكم ..
سيف بضحكة / لا ريان اختاره الحارس ..
الكل / ههههههههههههه


ــــــــــــــــ


دبي ...
صقر / هااا ماخلصتوا ..
ريما / الا خلاص خلصنا ..
سامر / خلونا نروح الكوفي ..
روان منحرجه من سامر وهو كل ما طلبت شي ابتسم ...
ريهام / ايه والله راسي مصدع ابي قهوه ..
صقر / يالله مشينا ..
ريما / اتصل على الشباب خلينا نشوف هم وين ..
صقر / اوكي ..
اتصل صقر على ياسر .. وياسر قال له انهم بالكوفي ..
بدر قال انهم لحقينهم ..


بدر يلتفت على ابرار / ها خلصتوا ..
ابرار / ايه بس رنا تبي تاخذ لها فستان ..
رنا بهمس لنوال / شوفي ذا الفستان ..
" رفعت يدها واشرت على الفستان وكم عبايتها كلن واسع وبانت يد رنا كلها " ..
بدر عصب ومسك يدها وسحبهم برا المحل لانه شاف البايع اكل يد رنا بعيونه ..
بدر خارج المحل .. بحده / كسر بها اليد .. مانعرفين تاشرين بعيونك .. جعلك لعمى ..
نوال وابرار واماني تفاجأوا بسحب بدر لرنا والخروج من المحل وطلعوا وراه ..
رنا منحرجه وبتبكي من الاحراج وبهمس / فك يدي ..
بدر انتبه وفكها وهي ماكانت رجولها ثابته على الارض من شدة سحب بدر لها ..
ترنحت وطاحت على حافة مجسم امام محل للورد فطاحت علية بقوة ..
ابرار ونوال واماني صرخوا وانتبه بدر للي يصرخ وشاف رنا طايحة وفاقدة الوعي ..
بدر رجع لها وحملها بين يدينه وركض خارج من المول بسرعة متوجة لموقف السيارت ..
وابرار ونوال واماني يركضون وراه .. بعد ما اخذت اماني الكيس اللي كان طايح من رنا ..



بالفندق .. عند سمر ..
الجوهرة وهي تجلس على الكنبة توها داخله مع هيفاء وسمر / لا اله الا الله .. تعبت ..
هيفاء / اليوم تعبانا بس طلعنا بنتيجه روعة ..
الجوهرة / ياربي خايفة ان سلطان يزعل علية ..
هيفاء / ليه والله روعة القصة وانتي ما قصرتي كثير من طول شعرك ..
والصبغة ما غيرت من لون شعرك كثير بس عطيته لمعان وحيوية ..
سمر اللي قصة شعرها فكتوريا وصبغتا عسلي وخصل ثلجي .. عطتها برائة وانوثة اكثر ..
سمر / تخيلوا شكل البنات لمن يشوفوني كذا
هيفاء / انا ماني خايفة الا من ردت فعل غرام وشجون ..
الجوهرة / اليوم العصر حجزة لكل البنات بنفس الصالون يسون تنظيف للبشرة واللي يبونه ..
سمر / ووواااااااوووو مامي مفاجاه تجنن لهم اكيد راح يعجبهم ..
الجوهرة / وبكرة نرتاح فيه لا سوق ولا غيره نبي نرجع للبيت وحنا مرتاحين ..
هيفاء بخبث / علشان الحبيب يشوفك با احل طله ..
الجوهرة بابتسامه / وهذا انتي ماتزوجتي اجل بكرة ايش راح تسوين ...
سمر ضحكت على شكل خالتها المنحرجة ../ ههههه .. خاله ليه ماصبغتي وقصيتي ..
الجوهرة / لالا خليه بعرسه حتى يطلعلها طله غير ...
هيفاء قامت ودخلت الغرفة .. الجوهرة وسمر .. / هههههههههه
سعود ووليد يدخلون / السلام عليكم ..
الجوهرة وسمر / عليكم السلام ..
وليد / اوووووه ما شاء الله ويش ذا الزين ..
سعود / ما شاء الله تبارك الرحمن .. يمه من العروس انتي والا سمر ..
الجوهرة / استح يا ولد ..
وليد / سموره مر حلوه ما شاء الله
سمر حمرت خدودها / فديتك انت الاحلى ..
سعود / يمه ماتبين تزوجيني ..
الجوهرة / منا عيني بس لا تزوج اخوك بتال هذاك الساع نزوجك ..
سعود / وبتال متنازل و .. قاطعة اتصال من بدر .." هلا .. كيف ...
.. طيب انت فين .. ايه .. خلاص الحين اجي انا وامي .. مع السلامه .."
سعود / يمه لبسي عبايتك بدر يقول ان رنا طاحت ومادري ايش صار وهو فالمستشفى معاها ..
الجوهرة / بسم الله عليها .." توقف وتلبس عبايتها " .. ووين الباقي ..
سعود / يقول انهم في المول ..
الجوهرة / اتصل على سامر والا ياسر وشوف هم وين ..
" .. وهي تمشي مع سعود خارجين من الجناح .. "
سعود اتصل .. وعرف ان صقر اخذ ريما ورنيم ولحقوا بدر ..


انتهى البارت




 




عرض البوم صور سامي رد مع اقتباس

قديم 12-06-12, 03:16 PM رقم المشاركة : 18
الملف الشخصي
إحصائية العضو







سامي est déconnecté

علم الدولة male_jordan

افتراضي رد: رواية بردان ياحضن الدفا عطشان واظماني الجفا

اضغط على الصورة لرؤيتها بالحجم الطبيعي

البارت 7

اشياء في صدري كثير..اشياء وأتعبني الألم
ياطول هالعمر القصير..اللي بداياته ندم
انا الاسم بس الاسم
*****
ويني انا .. حبيبتي ويني انا
ماتذكرين اول لقاء والعهد في اخر لقاء
يوم امسك يدينك واقول..انا بدونك بس اسم
حبيبتي حبيبتي ويني انا
انا مع الاحزان وانتي السهر..حبيبتي ليه الجفا هذا قهر
اشتاقلك واقول..يمكن واحتريك على شبابيك الاماني والقدر
*****
زعلان منك واستحي اقول انتي ناسيه
ان كنت غلطان اسمحي ليه
زعلان منك واستحي اقول انتي ناسيه
ان كنت غلطان اسمحي ليه انتي دايم قاسيه
*****
ابتسمي ما اطيق الزعل .. ارجوك يالله حاولي
ابتسمي وتميلي الغصون .. ابتسمي ويطيح الثمر
ابتسمي هالعالم يكون اشياء بس انتي قمر
حبيبتي ويني انا .. حبيبتي ويني انا


" ياسر التويجري "


ــــــــــــ


يوم جديد

قصر ابو سطام ..

الضحى .. ابو سطام جالس بصالة الداخلية لحالة .. وواضح على وجهه الضيق والهم .. وباله مشغول ..
ابو سطام حاط يدينه على عصاه .. وبنفسة .." اعوذ بالله منك يا ابليس .. هذي الحلم منه .. لا حول ولا قوة الا بالله ..
الحلم تكرر ثلاث ليالي متوالية .. ويش تفسيرة .. " هز راسة يحاول ينسى الحلم ..
خرج رعد من جناحه لابس ثوب وشماغ ..انتبه له .. قبل راس ابوه ..
رعد بمحبة / صباح الخير يالغالي ..
ابو سطام / صباح النور .. " وبتساؤل " طالع ؟
رعد / ايه .. الله يطول بعمرك .. رايح للجوازات .. تامر على شيء
ابوسطام عاقد حواجبه / ويش عندك بالجوازات .. " وبحدة " ليكون بتسافر ..
رعد بهدوء / ايه يبه .. " وبسرعة " اخلص اشغالي هناك اسبوع وارجع ان شاء الله
ابو سطام بنبرة مقصودة / اسبوع والا مثل قبل ..
رعد يبتسم / الله يخليك يبه .. قايل لك اسبوع وراجع ويش له هالحكي والتنغز ..
ابو سطام بحدة / من شين افعالك .. هالج من ديرة لا ديرة والسبب حرمه ماعرفها الا يومين ..
رعد بضيق يقاطع ابوة / يبه واللي يخليك لي ويسلم والله ان عارفا خطاي ..واني ضايقتكم ..
واعتذرت يبه وهذا انا ابي انهي امور سفري وارجع وتووووووبه توبه ان سافرت مرة ثانية ..
ابو سطام حس بضيقة ولدة / يابوك ماراح تحس بذا " وهو ياشر على صدرة " اللين ماتصير ابو ..
لشلت ولدك على يديك وشفته يحبي قبالك ويقوم على رجليه ويطيح ويصيح ..
هذاك الوقت تعرف بقيمة اللي نسوية عسى ربي يطول بعمري واشوف عيالك ..
رعد غص الحكي بحلقه وماقدر يتكلم اخذ نفس .. وقف وقبل يد ابوة .. / الله يمدك بالصحة والعافية ..
وتشوف ان شاء الله عيال عيالي يالغالي ..
ابو سطام بضحكة / هههه يالله يابوك ان شفت عيالك زين .. اخذ زمني وزمن غير .. يالله حسن الخاتمة ..
رعد / بسم الله عليك يبه .. الله يطول عمرك ويعطيك الصحة والعافية .. جعل يومي قبل يومك ..
ابو سطام بجزع / تهبا .. الله لا يذوقني حزنك جعلكم تدفنوني ولا ادفن احد منكم ..
لا عاد اسمع منك هالكلام مره ثانية ..والله ان سمعته مرة ثانية لا زعل عليك وما اكلمك طول عمري ..
" ارتجف صوت ابو سطام اختناق بالعبرة ودموعة تحجرت بعينه " ..
رعد اللي انتفض من سماع تغير صوت ابوة وشوفت المعه بعيونه .. يجلس بسرعة على الارض ..
ويقبل رجل ابوة / السموحه يوبه والله من غلاك .. والله ما اعيدها .. بس لا تضيق صدرك يبه ..
ابو سطام يمسك يد ولده ويجلسه جنبه ويضمة على صدرة .. وبصوت اثر فيه الزمان ../ الله لا يحرمني منكم ..
ولا يفجعني فيك .. يالله ياكريم .." وزاد ارتجف صوته " .. يالله ياكريم ..
رعد صمت ما يبي يقول كلمة تزيد في الضغط على اعصاب ابوة ..



ــــــــــــــــ




بماليزيا ..

طلال بجفاف .. / ها خلصتي الطيارة مابقى عليها شي وتطيار .." وبسخرية ".. والا نسيتي
مرام تحاول ماتبكي خلاص لها يومين تبكي ../ خلاص .." اخذت شنطة اليد ووقفت في عند الباب "..
طلال قلبه يوجعه عليها بس لازم يعاقبها ..الشنط نزلها من قبل تحت وحطها بالسيارة ..
طلال وقف جنب مرام .. وبحزم هامس / اسمعي .. اللي بيننا محد يدري عنه ..
حنا عريسين سعيدين .. واسبوعين عسل مافي احلا منها .. مفهوم .." اكد على كلمة مفهوم " ..
مرام بصوت ضعيف مكسور وعيونها منزلتها تحت تطالع الارض حتى ماتنزل دموعها / مفهوم ..
نزلوا تحت وركبوا سيارة التاكسي وراحوا المطار وطول الطريق الصمت .. هو سيد المكان ..



ـــــــــــــــ




بالخبر ..

رجعوا البنات .. وامتلت البيوت بالحياة ..

بيت ابو صقر ..
ام صقر / بسم الله عليك .. الحمد لله انها جات على كذا ..
ريما / والله يمه ابرار تقول يوم شفت دمهها بغى قلبي يوقف مدري من فين جاء ..
روان / اماني تقول حسبت انها خلاص ماتت ..
ام صقر ورنا / بسم الله ..
رنا / بسم الله عليه .. " وبالم " واااي الجرح مره يوجع .. ياربي اخاف يدي تتشوه ..
رنيم / وهذا جرح مو كسر والا شعر .. انا للحين كل ماضغط على يدي تألمني ..
ريهام / يمه ماتشوفين بناتك كل يوم والثانية صاير بيديهم شي ..
او صقر / ابي اتصدق عن نيتكم .. تدفع عنكم البلا .. بسم الله عليكم ربي يحميكم ..
صقر / السلام عليكم .." رمى نفسة على الكنبة ".. آآآآآآآآآه
ام صقر بجزع / بسم الله عليك تونس شي يوجعك شيء ..
صقر يبتسم / فديتك يا الغالية ما فيني الا العافية
روان / رنا تخيلي يدك متشوها والخياط كذا " وهي تمسح على كفها بالطول الا المعصم " .. يععععععع
صقر / لا الجراحة تجميليه .. بس الحمد لله ماوصلت للعرق والا راحت فيها ..
الكل / الحمد لله ..
رنا / يمه اذا بان في يدي علامة ابي اسوي عملية تجميل .. ها من ذحين اقول ..
ريما / تجهز الدواء قبل الفلقه .. انتي افتحي الضماد وبعدين تكلمي ..
رنا / يالله راح يخرب الستايل تبعي بعرس سمر ..
صقر بخبث .. مبتسمه / يعني ما راح يجيك خطيب بذا العرس ..
رنا حمر وجهها .. رنيم بهمس / احسن ..
محد سمعها غير ام صقر طالعت فيها بنظرة غير مفهومة من عيالها وصدت ..
ريما / لا ان شاء الله يجيها احسن عريس ..
صقر مبتسم ../ يعني انخطبتي خلاص .. معاد تستحين ..
البنات التفتوا لريما وبصوت متفاجأ ../ انخطبببببت .. رنيم جمدت يدينها على احرف البلاك بيري ..
.. " وافقت .. لالا ما تسويها .. اكيد ابوها غصبها .. " .. التفت على ريما ../ وافقتي ..
ريما بصوت خجول / ايه ..
رنيم وقفت و بصوت حاد / ليييييييه ؟
ام صقر / بنت .. شنو ليه ..
ابو صقر جاي من مكتبه / ويش فيك ويش هالازعاج ..
رنيم تطالع في البوها بنظرات حاده .. رجعت ناظرت ريما بنظرات خوف مع حزن ..
التفتت على امها .. وبهمس / لا تذبحينها .. لا تسمحين له .. كفاية .. خلاص ..
صقر بتساؤل / رنيم ويش تقولين انتي ويش صار فيك ..
رنيم تركتهم وصعدت فوق .. ولحقوها البنات .. جلس ابو صقر مع صقر وامه وبدا يسولف معاه عن دبي ..
وايش صار في دبي وماهمه ايش سوا البنات او ايش صار معاهم .. وصقر يجاوب على ابوة بتحفظ غير واضح ..




ــــــــــــــ




بيت ابو نايف ...

شريفة / اسمع يا راكان بيت جدك مانبي نطبه احجز لنا شقة عند القاعة اللي بتسوي عرسك فيها
راكان متضايق من الجلسة / طيب .. المهم بكرة الصبح تجهزون من بدري ونمشي ..
شريفة / انا ابي امشي مع ولدي عبدالله هو بيودينا فديته .. يقول ماترك عيال خالتي بذا اليوم ..
لازم اوقف معهم .. رجال فديته .. وعقبال ما نفرح بزواجه قريب ..
راكان يوقف / انا طالع لخواتي .. " وقف زياد وطلع معاه " ..



بجناح العنود ..

العنود بحترام وابتسامة ترحيبيها / هلا وغلا ..
راكان بارتياح / هلا فيك .. " يضم سارة "... ويش لونك يابطة ..
ساره ببرود تبتعد عنه / الحمد لله .. " جلست بكنبه مفردة اخر الصالة "
راكان بهمس للعنود .. / كانها زعلانه ..
العنود بنبرة مقصودة / انت اللي ربيتها .. تفهمها ..
راكان رفع حاجب واعطاها نظرة .. وسرح بفكرة " محد يفهمه بهالدنيا كثرها ومحد يقدر يتحده كثرها ..
كثر ما يحبها يكرها .. العنود خليط غريب بنسبة له دنيا ثانيه امهم جميع وهي اصغرهم .. ذكائها يقهرة ..
اعتماد جدتهم الظبي عليها ..وعشق جدانه لها .. كرهه فيها .. يحبها .. بس عمرة مابين حبه لها ..
ذكريات كثيرة من طفلته يتقاسمها معاها كثر ماهي مرة الا انها حلوة ..
العنود دائما اسمها يرعبه .. عند خوف منها يعصبة .. العنود اكرها احبها .. احترمها احتقرها ..
العنود عجزت عن فهمك .. ويا خوفي من المجهول .. والمستقبل .. ليه خافك يا العنود "
انتبه لاشارت يد زياد ../ هي وين رحت
راكان / معاك .." شاف ابتسامة العنود اللي تحاول تخفيها ".." وبعصبيه ".. ليش تضحكي ..
العنود ببرود لتقهرة " حرب وحب غريب بينهم " / ما ضحكت .. ويش فيك ؟ .. شفتني ضحكت زياد ..
زياد / لا .. بس راكان متوتر بسبب بكرة ..
العنود تزيد بقهرة .. تبتسم .. وبنبرة مقصودة / لساتنا على البر ..
راكان بغموض / اسكتي .. " ويغير الموضوع " وين نايف ..
العنود اللي لها ايام مستغربة تصرفات نايف ../ عنده كم شغلة .. ومواعد ماجد ..
راكان يجلس على الكنبة ويطالع للجناح / الله يرحمه " يقصد خالهم نايف ".. الا هو ليش عطاكم الجناح ..
بعد ما ضبطه وخلاه شقة خاصة فكرنا انه يبي يتزوج فيها الا يقول هذي للعنود ليش يعني ..
العنود فاهمه علية مشت بخطوات هادئة ورزينه ..وجلست قبالهم على الكنبة / ..
و " بنبرة مقصودة " حلو .. " عدلت صوتها " الله يرحمهم .. صح كان ناوي يتزوج الله يرحمها ..
بس كان يبي ياخذ فلة مو بعيدة عن هينا .. حتى يرتاح فيها هو وزوجته ..
راكان بسخرية / خالي فكر يطلع علشان حريته .. وابوك جالس في ذا البيت مافكر في خلود ولا بناته ..
العنود تحاول ما تعصب / اول شي ابوي ابوك .. ثاني شيء ابوي ماكان يجلس في البيت ..
طول عمرة مسافر علشان مشاريع الشركة وامي ما تتركه وتسافر معاه .. ويخلونا عند جدتي الظبي ..
"وبنبرة تنرفز فيها راكان ".. ولو عنده احد يعتمد عليه ويجلس في البيت كان غيرة ..
زياد يطالع في الحرب اللي بينهم وهو ساكت ما يقدر عليهم .. دائما ان دخل بينهم يطلع هو الغلطان ..
راكان بعصبية / عنيييييييد ..
العنود تبتسم / عيونها ..
راكان يطالع فيها ويحاول ما يضحك من اسلوبها الاستفزازي اللي ما يتغير لكن ماقدر / ههههه .. وبعدين معاك ..
العنود زادت ابتسامتها / انا والا انت .. من الاخر ويش جابك ..
راكان / بكرة عرسي ..
العنود وقفت " مقاطعتها "/ تعالي معاي ..

" دخلت لغرفة المكتب . غرفة صغيرة .. وتعتبر كانها مو غرفة تصميمها غريب بعض الشي ..
الرفوف كانها متاهه بعض الرفوف ..فارغة من الكتب وبعضها ممتلئ بالكتب ..
وتوجد كرسي صغير با اخر هذي المكتبه ..بشكل غريب ايضا .. "

دخل راكان ودخلت وراه العنود وقفلت الباب ..

راكان اللي استغرب من شكل الغرفة / هذي ايش ..
العنود بهدوء / مكتبه ..
راكان / شكلها غريب والإضاءة غريبه ..
العنود فتحت الانوار / تمام .. تفضل اجلس .. " وهي تاشر على الكرسي الوحيد "..
راكان بجدية / ماله داعي .. " وبتوتر يمسح على شعرة ويشدة لوراء " .. بكرة ايش اسوي ..
العنود بابتسامه هادية / اجلس وهدي علشان تستوعب ..
جلس راكان ../ ها جلسنا انسة العنود .. قولي ..
العنود / اول شي اخذت شبكة وهدية لخالتي الجوهرة ..
راكان / لا وانا ويش يعرفني ولا انتم ساعدتوني
العنود بنبرة مقصودة / وحنا شفناك علشان نساعدك ..
راكان يقاطعه فعقلة مو فاضي للعب مع العنود والحرب / مو فاضيلك العنود .. ما اخذت شي ابد ..
بس رتبت البيت وجهزته وفصلت لي ثياب واشتريت كم بدله .. لا بعد البدل مو انا اخذتهم ..
عناد وسند اخذوها لي .. البيت استنفذ كل مالي .. والشركة مو مقصرة بالضغط عليه ..
هالشركة اللي ابوي تركنا علشانها بس جابتلنا الهم .. اووووووووووووووووف ..
عنود ارحميني .." هالنبرة كسرة العنود ".. الله يخلي لي جدي وعمي سلطان تكاليف العرس كلها عليهم ..
العنود برفعة حاجب وكبرياء / اممم .. ولدهم وبيساعدونه " بنبرة سخرياء نطقتها بس راكان ما انتبه " ..
" راحت جهت رف سفلي مقفول فتحته وطلعت منه صناديق فاخرة وأنيقة صفتها على طاولة زجاجية جانبية "..
افتح ذي وقلي ايش رايك .. واذا ناقص شي او في بالك شي قولي .. ولا تشيل هم ..
راكان فتح الصندوق الاول وشاف فيها علبتين مخملية بالون الاسود فتح العلبة الصغيرة ..
وشافها اسورة الماسية ذات نقشه ناعمة وفخامة بنفس الوقت .. بانبهار / روعة ..
فتح العلبة الكبيرة وشافة طقم ذهب ابيض مرصع بالألماس .. / وهذا اروع ..
رجع العلبتين بصندوق الاول قفله وفتح الثاني الاكبر .. وشاف اكثر من علبه ..
فتح العلبة الصغيرة وشافة خاتم الماس بالون الاحمر القاني على شكل وردة كبيرة ..
متدلي منها ثلاث دمعات الماسية بشكل يبهر .. راكان بانبهار / ووااوو روعة هالخاتم ..
فتح العلبة الوسطى كانت اسورة من ذهب عبارة 24 بفصوص حمراء نقشة عبدالغني ..
ثقيلة عريضة عرض الكف والمسمار متدلي منه سلاسلا وفيها خواتم بشكل دمعه " المسمى بالكف " ..
راكان رفع نظرة للعنود منصدم / جدتي الظبي ؟
العنود هزت راسها / الله يرحمها .. ما كانت تقول لك اذا تزوجت من بنت بنت مزنه اعطيها ذا ..
قبل ماتتوفى رحمت الله عليها اعطتني اياه وامنتني ان صار عليها شي وتزوجت سمر اعطيك ايها ..
راكان بابتسامة يخفي فيها حزنه / الله يرحمها البيت موحش بدونها ..
العنود بنفسها " وانت ماتقعد فيه تقول كذا .. الله يهديك يا اخوي " ..
راكان يفتح العلبة الثالثة .. ومن الصدمة .. سقط منه الخاتم .. نزل واخذه .. وضمة على صدرة ..
وبفرحة / وين لقيتيه .. " هالخاتم اول خاتم يشترية راكان كان عبارة عن خاتم من الذهب الاصفر..
شكل فراشة صغيرة مرصعة بالالماس على اجنحتها .."
العنود بابتسامة / اممم مو القديم .. هذا جديد .. طلبتها خاص لك انت ..
راكان بقهر / نفسي اعرف وين راح .. تعبت وانا اجمع حقه واخر شي يضيع .. آآآه ..
العنود تعرف وين الخاتم القديم بس ماتبي تقول لراكان .. رجع الخاتم في العلبة ووضعها بحرص ..
وكانه خايف تضيع منه مرة ثانية .. واخذ العلبة الرابعه وكان طقم الماسي فوق الخيال بالون الاحمر ..
بشكل ورود وعليها فرشات صغيره والورود تنزل منها دمعات ..كا شكل عام ..
كان الاسورة مع الخاتم مع الطقم متناسق .. راكان يطالع بالطقم وبوجهة ابتسامه ..
وبغرور / اخت راكان ذوق .. موو
العنود بغرور اكبر / تؤو .. العنود دائما ذوق .. " وبنبرة استفزازية " واذا فيكم من ذوق ..
" وبدلع ".. فهو مني .. مووو << بنفس نبرته ..
راكان / هههههههههههه يا غرورك
العنود / هممم انا يا غروري .. وحضرة الباشا راكان ..
هالكلمة بحد ذاتها تعني انفجار راكان .. وقف وبعصبية / عنيييييد وجع .. احترميني انا اخوك الكبير ..
العنود بابتسامة سخرية / الكبير اشوك في ذا ..
راكان مسك يدها وضغط عليها بقوة .. وبفحيح / لا تتحديني يا العنود ..
العنود ما تحسسه بألم ضغطه على يدها ../ ماتطولني يا راكان فلا تتحدا ..
راكان يضغط على اسنانه / عنوووود ...
العنود تطالعه بنظرات باردة فقدت راكان اعصابه صفعها كف اخلا توازنها لتسقط ارضاً ..
العنود حطة يدها على خدها وسكتت .. راكان صد عنها ويحاول ياخذ نفس ويطلعه اكثر من مرة يهدي نفسه ..
العنود وقفت وبشموخ وكبرياء وما كان صار شي / هذي طلبك اللي تنازلت حضرتك ودخلت مكان حنا فيه ..
فاذا خلصت حاجتك .." توجهة للباب وفتحته " تفضل .. " وبنبرة استفزازيه " حضرت الباشا راكان ..
راكان بصراخ وعصبية / وبعدين معاك .. ما راح تتركين هالاسلوب ..
العنود قفلت الباب بقوة .. خلت زياد وسارة ينقزون من الرعبه .. وبصراخ / وانت متى تطبل انانيه ..
ومتى تبطل كراهيه وعنجهية .. متى تلتفت لامك وابوك ومتى تحس بان هناك ناس عايشين من لحمك ودمك ..
متتتتتتتتى متى تبطل طلبات واوامر واللي حولك ينفذ وبسسس ..
راكان بحدة / امي وابوي ... أي ام وابو .. امي وابوي هناك " وهو ياشر بيده لجهت الشرق " ..
بالخبر .. ابوي سعود وامي موضي .. " جلس على الكنبة وبألم " اللي لامرضت خافوا وسالوا عني ..
لنجحت فرحولي .. لطلبت لبولي .. يضحكون لضحكتي ويحزنون لحزني .. تدرين ليه ابي اتزوج بسمر بذات ..
" ضحك بألم " .. لان اول ماشافت دمعتي .. كانت صغيرة .. " كان يتكلم ويحاول يبلع غصته " قالت لي ..
وهي تمسح دمعتي لا تخاف ولا تبكي .. انا اخلي بابا سلطان يضرب من زعلك ..
بابا سلطان هو دايم يهاوش من يزعلانا لانه بابا .. " رفع نظرة " تدرين ايش يعني .. يعني اللي يحميك ..
هو الاب .. اللي يحس فيك هو الاب .. اللي يمسح دمعتك لنزلت هو الاب .. مو ابوك اللي تتكلمين عنه ..
العنود بألم / لا تظلمه .. كان يحبنا بس انت اخذت موقف وبعدت .. وبدون ما تسال او تستفسر ..
راكان صمت لثواني طويله وهو ينظر للارض وشابك يدية في بعض .. اخذ نفس عميق .. وطلعه ..
وقف صد بوجهه عن العنود .. ومسح بيده اليمنى على صدرة من الاعلى الا الاسفل ..
يحاول يمحي الوجع اللي ساكن بوسط ضلوعه من زمان .. ركان بهدوء .. وكان ما حصل عاصفه قبل قليل..
.. / بكرة ما ابي احد يفشلني .. وخاصة خلاتك .. " اخذ العلب ورجعها لصندوق وقفل الصندوقين الخشبين بالشكل التراثي و الانيق " .. ايه وسلمي لي على امك ..
العنود رجعت عصبة / وانت ما مريت عليها ..
راكان بجمود / لا .." وبابتسامه ساخرة " اكيد مو فاضية لي .. يا تتكلم مع ابوك .. يا مع النساء الطبقة المخملية ..
العنود صمتت خير رد على ركان وهو بهذا الحقد الصمت ياما حاولت تغير تفكيره بس هو ابد ..
حكم وما راح يغير حكمه .. وابوها وامها ما قصروا بإهماله وخاصة كان بوقت المراهقة بس بدون قصد منهم..
ابوها كان يأسس لهم شركة لها وزنها وثقلها .. يامن لهم مستقبلهم .. عائلة الفارس ما تعتبر من العائلات الغنية ..
ولا تعتبر من الوسطى اعلى من الوسطى .. بس سطام من صغرة وهو له طمح بعيد .. تكون عائلة الفارس ..
من اغناء اغنياء العالم اسم له مركزة وثقلة ..ومافي شخص مايحقق طموح بدون خسارة .. " وكان راكان "
العنود بنبرة فيها بحة الم / الحين ..
راكان التفت على العنود وهو شايل الصندوقين بيده / ما ابي خالتك بالعرس يدخلون عندي ولا اشوف وجههم ..
انتم مجرد ضيوف وبس .. العرس كله متكفل به عمي سلطان ومرته هي اللي عازمة .. خالاتك عساهم مو عازمين احد ..
العنود بسخرية / العرس ما يخصنا فـ ليه نعزم ..
راكان / بضبط .. " توجه للباب وفتحة .. وقف " .. وقولي لسارة انها كبرت وبلا حركات الاطفال
اكمل سيرة وطلع من الجناح بدون توديع او شكر او اعتذار .. همست / استودعك الله .. الله يحميك ..
ويهديك .. ويرجع لك صوابك قبل فوات الاوان ..
طلعت لسارة وما شافت زياد .. ابتسمت بسخرية " اكيد بيلحقه .. آآآه منك يا زياد "
سارة / ويش صار
التفتت لها العنود / ويش صار .. ولا شي .. ويش تكلمتوا فيه انتي وزياد ..
سارة بحماس وكانها اكتشفت شي عظيم / قال ...




ـــــــ
بالخبر ..

بعد العشاء .. الكل مجتمع ينتظر وصول طلال ومرام .. اللي راح سيف وفارس للمطار لاستقبالهم ..

قصر ابو سطام ..

دخلت مرام .. " السلام عليكم " .. قالتها وهي تدخل الصالة وتسحب نقابها ..
غرام تجري لها وتضمها /هلااااااا وحشتيني وحتيني موووت
مرام تحاول تمسك عبرتها وهي ضامة اختها / وانتي اكثر ..
بعدت غرام عن اختها علشان تقدر تسلم على الموجودين ..
بعد الاحضان والسلام .. مرام كانت تعبانه ودايخة من السفر .. او بالصلاح انها تعبها نفسي اكثر ..
قدم وقت العشاء لان طلال قال لهم انه حيل تعبان .. وخاصة التاخير بمطار ماليزيا ..
والرعب اللي عاشة في الطيارة من خوف مرام ومن المطبات الهوائية الزايدة ..
وبعدها العطل اللي صار وما كانوا متوقعين الهبوط يكون امن وبسلام ..
الكل يسال مرام كيف الجو وفين راحت وتصورت و وين الصور ومرام بوادي ثاني بعيد عنهم ..


بعد العشاء اتصل سند على غرام وطلب منها تقول لمرام تجيهم للمجلس علشان تسلم ..
على جدها وابوها وأعمامها وأخوالها واخوانها .. راحت مرام بعد مالبست عبأتها وشيلتها لمجلس الرجال تسلم ..
وما كان احد موجود من الشباب غير اخوانها وطلال ورعد ..
مرام بهدوء وخجل .. / السلام عليكم ..
الكل / وعليكم السلام .. هلا .. حي الله من جاءنا .. << بأصوات متفرقة ..
سند استقبل اخته عند باب المجلس وضمها بحضنه الحنون .. الدافئ .. الامن لهم ..
سند بصوت حنون / حي الله العروس اللي اشتقنا لها
مرام غطت وجهها بحضه .. تقدر تخبي عن الكل وتقدر تمثل قدامهم الا سند ..
سند شاف اهتزاز اخته بحضنه وعقد حواجبه وبهمس / افاا العروس تبكي ..
.. " و بضحكة " .. ليكون طليل مزعلك قولي لي وانا اخوك وشوفي ويش اسوي فيه ..
مرام خافت ان سند يسوي مشكله مع طلال .. ممرام بصوت مخنوق / لـ ..
قطعها صوت طلال / افاا افاا ياسنيد مبكي عروستي ابعد عنها .. " وسحبها لحضنه "
مرام سمعت ضحكات من بالمجلس و ذابت خجل وطلال حاضنها و يمسح على راسها ..
طلال بضحكة / عمي فهد اذا بتحضنها وتبكيها مثل ولدك فممنوع المس ..
ابو سطام بجدية وهو يهز عصاه / جيب بنيتي وجلسها جنبي .. ابي اسولف معاها شوي ..
طلال يضحك / ههههه الظاهر ابوي سعود نوي علية الليلة .. تراي ماني مزعلها فهمتوا حرمتي غلط ..
كله مشتاقة لسند وهلت دمعتها تراني تعودت عليها طول الاسبوعين كل ماكلمت احد تقفل من هينا ..
تفتح خزان الدموع من هينا .. مرامي لحقي عليه جدي نوي يذبحني ..
طلال قربها من جدها ../ ها وهذي هي يا جدي اسالها واذا قالت اني اخطيت بحقها فتبشر باللي يرضيها ..
مرام اللي انتبهت لقرب جدها بعد ما شافت عصاة وجزمته الطبية رفعت عيونها وطاحت على جدها ..
ابوسطام بابتسامه فرحه / حي الله بنيتي .. ويش لونك وانا ابوك ..
مرام تقبل يد وراس جدها .. وبصوت خجول / بخير يبه ..
ابوسطام / وايش له هلدموع عسى هاللي وراك ما ازعلك قولي لي وانا اوريك فيه ..
مرام هزت راسها نافيه .. قرب منا ابو سند وسحبها لحضنه وبصوته الحنون والمرح / حي الله روح ابوها ..
حي الله شبيهة العنود اللي اشتقت لها .. فديت عيونها والله ..
مرام ضحكت عارفة ان ابوها يتغزل بامها ..
ام سند اللي دخلت ومعاها ام بتال وام عناد وام صقر وام طلال وام سيف .. / هلابك ياريحة مرام
الكل التفت لدخول الجنس الطيف عليهم .. وفهمهم لمقصد فهد ابو سند وضحكوا ..
ابو سطام / وين مرتي وايش جابكم بدونها ..
ام عناد / امي تقول تبي تجلس مع خالتي ام عزام ..
ابوسطام يهز عصاه / اهاا الخلا ارجعوا من محل ماجيتوا والا ذي ترقص على ظهركم ..
العنود " ام سند " / افاا يبه ليه ماتبي جلستنا ..
ابو سطام / لا .. بدون ام سطام لا .. يالله مقفاكم ..
ام سند / ابشر يبه .. مايصير خاطرك الا طيب .. " ورجعة مكسورة الخاطر "
طلال فرحان / الله يجزاك بالخير ياجدي عارف ليش جاية عمتي تبي تحقق معي ..
ابوسطام بضحكة / وانا عرفت ويش تقصد موضي وماجات معهم تبيني اردهم عارف ان العنود هي اللي ساحبتهم ..
ابوسند / افاا كذا العلم اجل امش ياطلال وانتي يامرام قدامي للبيت وخلي عنودي تونس عمرها براحتها ..
مرام بعد ماسلم على الكل وسألوها عن الحال والاحوال ..وقفت بجانب طلال ..
طلال بمرح .. يمسك يدها / اجل اسمحوا لنا .. نشوفكم على خير .. " وخرج مسرع من المجلس "..
ابوطلال / هههه الله يسعدهم ويوفقهم ..
الجميع / امين ..
ابوسطام / وعقبال اللي خاطبين .. غيث متى ناوي يملك .. " يكلم ابوبتال "
ابوبتال / امس سوء التحاليل وارسلها لابو صقر ..
ابو صقر / البنت اليوم جات من السفر وبكره الصبح تروح وتحلل ان شاء الله ..
ابو سطام / وانت يارعد ..
رعد / يبه انا ماقلت لك ابي اسافر وبعد ماارجع يصير خير ..
ابوسطام بحزم / انت مو بعد عرس راكان بتسافر .. بكرة تحلل .. وتسافر وترد وتسوي الملكة ..
والعرس بعد العيد انت وغيث سوا ..
ابوبتال / يبه رعد بكيفك تحدد معه بس غيث يمكن عنده شغل ..
ابوسطام / والعرس بيعوق شغله .. العرس قاييم قايم .. هو ولد ولد عمي ويتيم وانا كبيره ..
بيسمع كلامي وماعندنا ملاك يطول .. وانت بلغه بذا الهرج وان قال غيره خله يجين وان امصع رقبته ,,
ابوبتال يبتسم / ابشر يبه ..
رعد بهمس لسند / ياليل العناء .. "ورد سند بابتسامه "




ـــــــــــــ




بيت ابو طلال ..
طلال ماسك يد مرام يقبلها بدفاء ..
طلال " ياربي الحمد لله اللي سلمتنا وماصار شي .. والله ياقلبي بغي يوقف قلت بنموت وحنا زعلانين من بعض ..
يارب احبه .. وماتوقعت احبها بهذي السرعة بس ماتفهمني .. يارب تفرجها من عندك .."
مرام اللي مستغربه حال طلال اللي تغير " ليه تغير قبل حتى يدي مايمسكها ويش صار لها ..
يمكن علشان رجعنا لاهلنا .. وقال ما ابي مشاكل .. ايه اكيد .. صلال مزاجي مثل خالي عبدالعزيز ..
يويل حالك يامرام لزم تتعلمين من اخطاء خالتك مريم ولا تزوج عليك طلال .. يممممه اموت ..
ولا اشوف مره ثانية مشاركتني فيك .. ياربي ترزقني بالعيال ياربي احمل هالشهر .. بس هو قال ما ابي ..
لا والله علشان يقول ابي عيال وهي ماجابت ابي اتزوج عليها .. ها تحسبني ما اعرف افكارك ياطلال .."
قاطع افكرهم صوت نوال / هلا والله بالمعاريس ياهلا وغلا ..
طلال / هلا فيك .. " وبعد السلام والاحضان والسؤال عن الحال "
نوال .. وهم يطلعون الدرج ../ بخرت شقتكم ونظفتها ان شاء الله تعجبكم ..
طلال بابتسامة / مشكورة ياقلبي بس ابي امر جناحي القديم قبل ابي اوريه مرام وبعدين نطلع ..
نوال بخبث / يعني اهي ماشافته ..
طلال اللي تفاجاء بذي المعلومه .. ومرام حمر وجهها وعضت شفايفها السفليه بحرج ..
طلال بخبث مماثل ../ صدق .. اجل يصير خير .. باي نونو .. ولا تخلين احد يمر من الجناح .. شكلي ابي اطول ..
نوال اللي حمر وجهها وفهمت مقصده صدت عنهم وهي تحاول تكتم ضحكتها ..
طلال دخل جناحة القديم وشغل الاضاءة والتكيف .. سحب مرام له ..
مرام تطالع الارض زعلانه ومنحرجه بنفس الوقت ..
طلال حبس مرام بين يدينه وظهرها للجدار .. وبهمس / حياك بجناحي ..
مرام / ....
طلال بهمس / زعلانه ؟
مرام امتلأت عيونه دموع / ....
طلال يسحب منها الشيله .. سحب الشباصة الماسكة لشعرها .. وسمح لشعرها الكيرلي بالتحرر ..
فتح ازرت عباتها وسحبها ورمى عبايتها على الكنبه القريبه هي والشيلة ..
طلال بهمس وبحه ذوبت مرام وانفاسه تلفح وجهها الناعم ../ ما ابي ادخل بيتي وبيننا زعل ..
قبل مرام بعمق على شفاته اللي ترجف وهي تحاول تمسك عبرته .. مرام فلتت منها شهقات ..
زاد بضمها طلال وحملها بين يدينه وهو يهمس بأحلى الكلمات والعبرات .. ولكن لم يكن بينها " اسف "




ــــــــــ





بالرياض ..

جهزت اغراض اختها وامها وابوها بشنطة وحدة .. وجهزت شنطة ثانية لها و لأخوها ..
رتبت بعض الاشياء المبعثرة بالجناح .. تطمنت على والدها بانهما ناموا ..
قفلت الجناح وطفت اضاءت المطبخ المفتوح على الصالة .. راحت للغرفة النوم ..
تطمن بان سارة نايمه ومتغطية صح .. اخذت نفس وطلعتها بهدوء ...
وهي تتذكر احداث جلستها مع سارة بعد العشاء و ايش صار بجلستها مع زياد ..


سارة بحماس / قال انهم الحين عندهم مشروع مرة متعبها .. اصلان الشركة كلها متعبتههم مغير خسرانه ..
وراكان مرة تعبان له كم يوم ماينام .." وبحزن " كانه نحفان صح ومسمر شوي ..
العنود بغموض / ايه .. ويش قال زياد كمان ..
سارة تعدل جلستها على الكنبة ورجعة لحماسها بالاكلام / اية وقال زياد انه يمكن ينام بالاستراحة حقتهم ..
لان الشقة اللي كانوا ينامون فيها قريب الشركة .. اهاا بتسوي ترميم ومايبون عزابيه في البيت ..
العنود عقدة حواجبها / وليه ينام بالاستراحة ليه مايجي ينام عندنا ..
سارة ببراءة الطفولة اللي ما زالت موجودة فيها .. رفعت كتوفها ومدت شفتها الغليضة السفلية لتحت ..
.. / ما ادري .. ماخطر في بالي اقوله تعال عندنا .. اصلان من زمان هو وراكان ما ناموا عندنا وانا نسيتهم ..
العنود تجلس على الكنبه بعد ما كانت وقفه قبال سارة وهي عاقدة يدينها مع بعض / امم ويش قال بعد ..
سارة / اشياء كثيرة كلها عن الشركة وانهم محتاجين فلوس اصلان بعض كلام زياد مافهمه ..
.." وبحقد " ياليت الشركة تتقفل اصلان انا ما احبها هي اللي اخذت امي وابوي منا ..
قاطعهم دخول نايف اللي واضح علية الارهاق والتعب .. وقف العنود بفزع / نايف ..
سارة اللي وقفت وهي خايفة ../ ايش فيك ..
نايف بصوت متعب / ولا شي بس السيارة حقت ماجد تعطلت وتعبنا واحنا نسويها .. هذا اللي صار ..
العنود ماصدقته لان ثوبه نضيف .. بس الجهاد والتعب واضح على وجهه ..
نايف / انا ابي اخذلي دش وانام .. تصبحون على خير ..
العنود بصوت تحاول تخفي عصبيتها / تعشيت ؟ ..
نايف وهو مقفي / الحمد لله .. دخل غرفته وقفل الباب ..
سارة تطالع العنود مستغربه .. العنود لفت لسارة وبعد صمت لثواني .. / روحي نامي علشان بكرة تكونين نشيطة ..
سارة ترفع نظرها للعنود وبعدها طالعت لباب غرفة نايف بنظرات خايفه .. العنود تطمأنها / بخير
رجعت نظرها للعنود وشافتها تهز راسها .. تقدمت منها ساره وضمت العنود ../ الله لا يحرمني منكم ..
زادت في ضمها العنود .. وقبلتها على راسها ../ ولا يحرمنا منك .. يالله تصبحين على خير ..
ساره / تصبحين على خير .." وتركتها ودخلت غرفتها تنام .."


الان ..

العنود تجلس على الكنبه بالصالة .. وهي مرخيه راسها للخلف وتطالع لديكورات الصاله .. وفكرها شغال ..
براكان وحقد المراهقة .. وزياد وضعف شخصيتها .. ونايف آآآآآه من نايف ..
التفتت على غرفته " لاطفوله عاشها كامله مثل الاطفال ولا مراهق مثل المراهقين .. ياقلب اختك يانايف .."

رجعت بذكرياتها لما قبل 10 سنين ..


راكان وزياد كانوا بالشرقية .. وقتها راكان كان زعلان يبي يسافر يدرس مع عيال عمها برا ..
وجدتي الظبي ماتبيه يسافر مع عيال عمه تبيه يروح لخاله نايف ..
بس هو يحب عيال عمه اكثر .. او بالأصح يبي يكسر كلام ابوه وجدته ..
وزياد مع راكان ان زعل او رضي .. بالخير او الشر .. راكان وبس ..
هذاك اليوم المشؤم اللي خوفها .. وخلاها تنتبه من كثير اشياء .. واللي انهاء طفولة نايف وصار رجال صغير ..
كان نايف يلعب مع سارة في الحوش .. وجدتها وخالتها خلود يزورن وحدة من جاراتهم والد ..
والعنود تطالع بتلفزيون توها بالغ لها كم شهر تغير جسمها وكبرت وبرز جماها ..
كانت تتمنى امها اللي جنبها يوم جاتها العدة بس امها مسافرة مع ابوها لبريطانيا عنده شغل ..
ضحكة بألم لمن تذكرت يوم بلوغها قعدت تبكي ومنخشه بغرفتها .. جاتها خلود تناديها للغداء ..
وقالت ماتبي .. لان بطنها يعورها .. خلود شافت ملابسها وشهقت وراحت تجري تعلم جدتها ..
العنود خافت .. بس جاتها جدتها وفهمتها بانها صارت حرمه كبيرة ..وكل اللي يصير عادي وفهمتها كثير اشياء ..
كانت مندمجه مع البرنامج اللي بتلفزيون وماحست باللي دخل الغرفة وسكر الباب ..
والحمد لله ان جدتها ساحبة كل المفاتيح ومخبيتهم .. علشان الصغار مايدخلون ويقفلون الباب ..
ويصير فيه مثل ماصار بولد جارتهم اللي دخل غرفة وقفل على نفسه ولعب بسلك التلفزيون وتكهرب ومات ..
هذاك اليوم سحبت كل المفاتيح .. ويمكن كانت رحمة من ربها وحماية لها ..
ودعوة امها ذالك اليوم قبل سفرها " استودعكم الله الذي لا تضيع ودائعه .. بحفظ الرحمان "
التفتت على الصوت واذا بعبدالله بوجهه الاسمر وحواجبه السوداء الكثيفه واسنانه الصفراء وعيونه الحمراء ..
كان كما تسمية سارة " الوحث .. الوحش " كان يقرب لها وعلى فمه ابتسامه خبيثة .. زادتها رعب ..
كانت راح تقوم وتجري بس ارجلها اللي تعقدت في بعض من كثر ما طولت بالجلسة عليها ..
كانت الغرفة عباره عن جلسها ارضيه .. المساند والتكيات الحمرا والسجادة الكبيرة الحمراء والخيوط من جوانبها ..
حاولت تقوم بس ترجع تطيح .. نزلت دموعها وهي تشوف عبدالله يقرب منها اكثر ..
سحبت نفسها وهي تحاول ترجع على وراء .. تحاول تصرخ ولكن لسانهها تعقد من الرعبه ..
هجم عبدالله عليها وهو يقبلها وهي تحاول تدفعه بجسدها الصغر الضعيف وهو بكامل رجولته وجسده القوي ..
كان يسحب ملابسها وهي تحاول ترجعهم فجاءة اختل توازن عبدالله وجاتها قوة غريبة لتدفعه .. واستطاعت الابتعاد ..
شافت نايف ذا التسعة اعوام ومعاه العجراء " عصاية متينة وقوية " اللي اثقل من جسمه ..
بس ضربة الضعيفة استطاعة ان توثر على عبدالله .. سحبت العجراء من يدا نايف ووقفت قبال عبدالله ..
وصرخة بقوة وثقة وكانها لبوة جريحة راح تنقض على فريستها / اطلع برا والا والله لا اذبحك ..
عبدالله اللي ارتبك وتفاجاء وخاف وهو حاط يده على راسه من الخلف يشوف فيه دم ..
العنود بقوة وثقة / اطلع ياحيوان والله والله ان ماطلعت ليكون تصرفك مع جدتي ..
عبدالله اللي وقف وهو يترنح وبخوف وارتباك / ططييبب طيب .. انا ابي اروح ..
بس اذا قلتي لجدتي انتي اللي راح تتعاقبين انا راجال اسوي أي شي مو عيب .. انتي بنت عيب ..
العنود هزت العصاء بقوة خوفت عبدالله اللي هرب وتركهم لحالهم ..
العنود وهي تشوف سارة اللي جالسة بالصالة خايفة من الوحش .. مسحت دموعها بقوة وهي تتوجه لها وتضمها ..
ومن هذاك اليوم و ماعاد رجعة نزلت دموعها .. وحلفت ما تسمح لاحد يأذي نايف وسارة ولو تدفع عمرها ..
واللي من بعدها نايف مايترك العنود الا وقت ماتكون جدتها موجودها .. وما عاد يلعب مع الصغار ابد ..
ويتصرف تصرف الكبار وبالأخير تلقاء مع ماجد وتقربوا من بعض وخاصة بعد ما توفى ابو ماجد .. " ابو طارق "


الان ..

بالحمام ترجع كل اللي ببطنها .. تلك الحادثة كل ما تذكرتها تسبب لها غثيان وصداع مميت ..
نزلت جسمها بالبانيو وفتحت الدش على جسمها وهي بملابسها ..
وبداخلها " ويش فيك يا نايف ليه تعبان يا روح اختك روح تقول انك تتألم ليه مو راضي تقول شيء "




 




عرض البوم صور سامي رد مع اقتباس

قديم 12-06-12, 03:24 PM رقم المشاركة : 19
الملف الشخصي
إحصائية العضو







سامي est déconnecté

علم الدولة male_jordan

افتراضي رد: رواية بردان ياحضن الدفا عطشان واظماني الجفا

يوم عقد قران راكان وسمر ..

في مكان اخر .. اتصال هاتفي ..
..... / سم طال عمرك ..
الطرف الاخر / راح ارسلك ايميل الحين .. ابي كل شي يصير فيه بالحرف وبدون أي خطاء مفهوووم..
...../ مفهوم طال عمرك ..
الطرف الاخر / الا ايش اخر اخبار شركة السعد ..
...../ ماشين على الخطة اللي مرسومه .. وقريب حيل راح تعلن افلاسها ..
الطرف الاخر / لا راح تتغير شوي اليوم عرس مديرهم .. طولوها شوي ..
ولا تنهونها الا بالوقت اللي راح اقولكم فيه ..
...../ اللي تامر فيه طال عمرك ..
انتهت المكالمة ...




ــــــــ

بسيارة راكان .. خلود وخديجة وابو نايف ..
بسيارة زياد .. معاه ابوه وامه واخته ..
بسيارة عبدالله .. شريفة ومها وحنان ..


راكان .. يفكر وباله مشغول باللي بشرقة وكيف راح تكون حياته ..
ابو نايف مريح كرسي السيارة ونايم ..
خلود في وادي الاحلام القديمة ... وخديجة في وادي احلام الأمومة والامنيات ..


زياد .. والحديث مستمر بينه وبين ساره ..
ابو راكان يتحدث معهم بكلام غير مفهوم ويعود لصمت ..
ام راكان صمت معتاد ..
سارة وهي تدخل راسها بين ابوها وزياد / اقول زيود ليه ماتجي تنام عندنا بعد عرس راكان ؟
زياد هذا اللي يبيه بس مستحي كيف يطلب / هاا انتي تبين اجي انام عندكم ..
ساره / مو بس انا حتى العنود وهي تقول تبي تقولك تعال اسكن عندنا اصلن فيه غرفة ثانية بجناحنا فاضية ..
زياد / جد .. طيب .. الا العنود ونايف ليه ما جوا معنا ..
سارة / هي ويش قالت لك .. " تقصد لمن جاء يأخذ امها وابوها من البيت "
زياد / قالت انها راح تجي بكرة مع نايف .. علشان فيه اغراض لراكان تبي تجيبها معاها وماتخلص الا بكرة ..
سارة / وبس كذا ..
زياد يبتسم / لا قالت شي ثاني بس هذا سر ..
ساره برطمت ورجعت وراء وسكتت .. وهي تفكر باللي وصتها العنود به ..



ــــــــــــ



بجناح طلال القديم ..
طلال بهمس ناعس لمرام / مرومه مررررااام ..
مرام تدخل راسه تحت المخده / اممم
طلال / يالله قومي خلينا نطلع لشقتنا قبل ماتجي امي وننفضح ..
مرام اللي تذكرت ايش صار البارح رفعت راسها وتلتفت يمين ويسار تتأكد / هئئئئئئ << شهقة ..
طلال يبتسم بخبث / بسم الله عليك ..
مرام التفتت عليه بغضب بس سكتتوهي تشوف نظرات على صدرها .. سحبت الفرشه ..
.. وبخجل ووجهها احمر / قليل ادب .. " سحبت الفرشة وكانت بتقوم بس سحبها طلال ورجعها مكانها "
طلال بهمس وهو يقبلها بقوة على خدها .. المت مرام ../ من قليل الادب ...
مرام بتهرب / محد ..
طلال يثبتها ويستند على يد واليد الثانية ضامتها ../ لا اعترفي .. البارح ما قلتي متى دخلتي جناحي ..
مرام تدعي بداخلها على نوال اللي زلت بلسانها .. وبحرج / اممممم تذكر لمن سوت خالتي مريم عملية الزيادة ..
طلال / ايه الله لا يرجعها من ذكرا ..
مرام بحرج / امممم هذاك اليوم لمن زرتها هينا بعد ماطلعت .. دخلت وشفتني نوال ..<< غطت وجهها
طلال يبتسم / يعني بعد الملكة ..
مرام تهز راسها نافية وهي ما زالت مغطيه وجهه بيدينها ..
طلال برفعه حاجب / اجل ..
مرام بصوت مكتوم من تغطيت وجهها / قبل الملكة باسبوع تقريبا ..
طلال يسحب يدها ../ يامجرمه وانا نفسي اشوفك من مدح امي لك وانتي ولا سمحتي لي ..
واخر شي طلعتي ماخذها صورتي وشامة ريحة عطري .. وتقولين .. لا ما ابي الا بعد الشبكة < يقلد صوتها
مرام تطالعه بصدمة / وكيف عرفة اني اخذت صورتك وشميت عطرك .. محد يدري .. حتى غرام ..
طلال يبتسم وههو يمسح على شعرها / انتي ما انتبهتي علية كنت واقف عند باب غرفة الملابس ..
ولمن شفت الباب ينفتح دخلت ووقفت وراء الباب الغرفة وبما ان غرفة الملابس مضلمة ماراح تشوفيني ..
مرام بغيرة / يعني لو كانت وحدة ثانية وانت تطالعها .. وبعدين كيف عرفة انه انا ..
طلال ببساطة / اول شي عرفة انها انتي لان نوال قالت لي اطلع عمتي العنود وبنتها مرام بتجينا ..
ولو وحدة ثانية ما كان تجرات ودخلت على غرفة واحد غريب عنها ..
مرام ماعجبها التبرير .. صغرت عيونها وميلت شفايفها على جنب ../ هممم ..
طلال يبتسم / ياله ياله قومي البسي ملابس وخلينا نطلع فوق نغتسل ونلبس ..
مرام / نطلع بدون مانتحمم ..
طلال / بنسبة لي ماعندي مشكله ادوش هينا والبس .. بس انتي ياقلبي ملابسك كلها فوق ..
مرام وهي تقوم من السرير / هئئئ صح .. اجل ياله بسرعة قبل مايصحى احد ويشوفنا ..
طلال يطالع الساعة / الساعة 9:30 شكلهم صحيوا ..
مرام وهي تلبس البنطلون وبفشلة ../ لا تقول ..
طلال يقوم من السرير ويسحب ملابسه / ليه يقلبي " جلس على الاريكة " مسوين شي غلط والا حرام ..
مرام وهي تدور عبايتها / لا يا روحي بس فشلة .." وهي تمسك عباتها بيدها " مو حلو منظرنا ..
طلال يوقف ويمشي جهتها وهو يقفل ازارير بلوزته .. وبابتسامة / تدرين خاطري لا طلعت اشوف مين ..
مرام وهي ماسكه الشيلة بيدها بتلفها على راسها .. وتاشر له براسها .." يعني مين " ..
طلال بخبث / سيف ..
مرام حمر وجهها / هئئئئئ ياربي لاتفضحنا على طول يوصل الخبر لفارس وايمسكنا عليها ..
طلال / هههههههههه وي علينا بطقاق ..<< وهو يضمها له ويقبلها بقوة على خدها ..
مرام / ااااي طلال توجعني ..
طلال يرجع يضمها ويعضيها على رقبتها .. مرام صرخة / اااااااااااه
طلال ضحك بقوة عليها اما اهي توجهت للمراية تركض وعيونه مغرقة دموع ..
وشافت العلامات اللي بوجهها واثر العضه برقبتها ..
مرام بغصة / ليه ..
قاطعهم صوت ضربات على الباب ..
طلال يبتسم / ها فضحتينا عجبك ..
مرام مصدومه ومنحرجة / انااا
طلال ياشر لها يعني لفي الشيلة وتغطي .. لفتها مرام وتغطة ..
طلال ضحك بقوة / هههههههه ليتني تمنيت الجنه ..
سيف يرفع حاجب ويبتسم / لا والله .. طوال الليل ماخليتني انام والحين تقول لية تمنيت الجنه كان قمت وصليت الفجر ..
طلال يبتسم / راحت علينا نومه والجوالة تقفلت وانت ووجهك تدري اني هينا ليه ماصحيتني ..
سيف يبتسم / لو الباب ينطق كان نطق وقال سيف كسرني .. بس انت غرقان بالعسل وما حسيت ..
طلال يبتسم وهو يمسح على راسه / عقبال ماتغرق انت .. وبعدين تعرف احساسي ..
سيف وهو متقرف / اطلع لبيتك الله يخسك ريحتك تجيب الجلطة ..
طلال يلتفت وراء ويطالع مرام اللي تعض يدها من الفشيلة .. وبخبث / سمعتي ..
سيف / هههههههههههه يالنذل ههههههههههههه
طلال ياشر له / توكل بس خليني انا ومرتي نطلع بيتنا ..
سيف / وخليني انا اهج منكم قبل ما اشم ريحتكم وانجلط ..
طلال / مشينا " قالها لمرام بعد ما بعد سيف عنهم وطلعوا لشقتهم "




ــــــــــــــ



قصر ابو سطام ..
القسم المخصص لبيت سلطان ..
بعد المغرب ..
جناح سمر .. كل البنات متجمعين عندها ..
دخل سلطان ومعاه كتاب عقد النكاح وهو مبتسم لشوفة البنات / السلام عليكم ..
البنات بخجل / وعليكم السلام ..
سلطان / عقبالكم يابنات ..
البنات ها الكلمه كانها قنبلة خلتهم يهجون لصاله الخارجية ..
سلطان / هههههههه الله يرزقهم بالزوج الصالح ..
سمر واقفه وتفرك يدينها متوتره كانت لبسه فستان ذهبي توب لحد الركبة بنقشات ناعمه على الخصر ..
ومسويه كيرلي بشعرها .. قرب ابو بتال وقبل سمر على جبينها / سمي بالله ووقعي يا روح ابوك ..
سمر اللي كانت مقررة تبلغ ابوها رفضها اليوم بس بتال وقفها عند حدها ..


بتال بصراخ / بزرنه هي بزرنه .. طبعا الكروت ووزعناها والعالم كلها تدري بالعرس ..
من يوم عرس طلال وانتي الحين تقولين ما ابي .. والله والله ياسمر ان قلتي لابوي شي ..
والا سويتي رجه ليكون اخر يوم بيني وبينك .. فاهمههه ..


صحت سمر على يد ابوها الحنونه / بابا .. لا تخافين ياعمري لو راكان ما هو رجال ويستاهلك ماكان زوجتك اياه ..
سمر رفعت نظراتها لابوها وشافت ياشر على الكتاب ../ سمي بالله حبيبتي وتوكلي عليه ..
سمر بيد مرتجفة وخوف من مستقبل وحياة جديدة مسكت القلم ../ بسم الله .. وتوكلت على الله ..
سلطان يبتسم / مبروك .. ربي يوفقكم ويسعدكم ..
الف بجسمه وكان بيطع وسمع اصوات وبعدها ضحكات ..خرج وابتسم وهو يشوف شجون وغرام طاحين على بعض ..
سلطان وهو يسكر الكتاب ويضحك / ههههه .. وعد مني ما راح يجيب لكم كتاب ملاككم الا انا ..
غرام بعبط / خالوا انا مستعده لو بكرة بس جيب العريس .. ما ابي اقعد لحال ..
شجون اللي احمت خدودة وتبي تبعد الاحراج .. ضربت غرام على كتفه وبصوت عالي / يا الخبلة مو قدام خالي ..
البنات وسلطان / ههههههههه
سلطان / ههه يعني انتي عدلتيها .. الله يوفقكم ويصلحكم .. ويرزقكم الزوج الصالح ..
البنات خجلو وكل وحدة تسوي نفسها مشغولة بشي ..
سلطان تركهم وهو مبتسم وقلبه مشغول باللي بالغرفة ..
البنات توجهوا جري لعند سمر ..
دخلت غرام وقرصت سمر في يدها ..
نوال تصارخ / لاااا يانذله انا اكبر منك ..
غرام / عادي انا اليد اليمنى وانتي اليسرى ..
نوال / وجع .. اليمنى يقولون حظها اقوى ..
ابرار تمد رجلها / ادعسي .. ادعسي ..
سمر تطالع فيها مو فاهمه .. وتأشر براسها " يعني ايش فيك "
ابرار ../ سمعت من وحدة تقول اذا العروس دعست رجلك تتزوجين على طول ..
شجون تسحب تنورتها البيج وتمد رجلها / ادعسي .. مو اختي لحالها .. ادعسي واحد والثاني مجانا ..
البنات / ههههههههههه
سمر نست توترها وخوفها ودخلت جو مع البنات ..



عند الرجال ..
الكل يبارك لراكان وهو يرد / الله يبارك فيكم .. و عقبالكم ..
بتال يسلم عليه .. مبتسم .. / مبروك يا الحبيب ها ما اوصيك ..
راكان وحلقه بيتشقق من الوناسه / لا توصي حريص .. افاا عليك ..
بدر / بالهون يالحبيب على حلقك بتسوي دعاية اسنان ..
عناد / اتركه عنك غيران الاخ .." يقصد بدر " ..
بدر / ومن ايش اغار .. ان شاء الله ادخل للعسكرية واتوضف واكون نفسي واخذ لي احسن البنات ..
عناد يعانده / قبلي معصي " هو يهز راسة بـ لا "
بدر / لالا ياخوي العزيز انتي بتتزوج وبتجيب عيال ويدخلون للمدرسة وانا ماتزوجت ..
عناد يعقد جبينه / ليه بسم الله عليك ..
بدر / لاني مقدم على الجيش .. يعني يمكن اروح للجنوب بجازان او يمكن لشمال القريات والا تبوك ..
ماتدري وين اروح فيه .. ويمكن ربك ياخذ امانته .. " كان يقولها بستعباط "
عناد بجزع / اعوذ بالله .. سم بالرحمن .. الله يطول بعمرك .. " عناد من الجزع متخبط بالكلام "
الكبار بعيدين عن الشباب فما يسمعون كلامهم ..
سند دخل معاهم بالحوار وبدؤ يتكلمون عن العسكرية والجيش .. وبتال معاهم وبدا يدخلهم بموضيع ثانية ..
راكان في وادي ثاني .. في ذكريات تجمعه هو وسمر ..
راكان بداخله " واخير ياسمورة صرتي لي .." خطرت في باله العنود وخاطرة يكلمها ..
طلع برا واتصل على زياد .. وطلب منه يرسله رقم خواته ..
بس زياد خيب امله وقال له ان جواله القديم انكسر وانمحت كل الارقام ..
راكان بداخلة " ما علية بكرة راح اشوفها اكيد "


بداخل القصر ..
شريفة مسوية نفسها كاشخه لبسة بلوزه عنابية مطرزة بالذهبي وتنورة سودا ورافعة سعرها كله ومسوية " كعكة "
خديجه لبس جلابيه مخصره بلون الازرق الفاتح بطرز فضي مع بياض بشرتها وسواد شعرها طالعه أنيقة ..
خلود لبسه فستان اخضر مخصر على جسمها وحزام اسود على خصرها مع شعرها الكستناء ..
وبشرتها الحنطيه وعيونها المكحله بطريقتها الجذابة .. ام راكان لبسة جلبيه سود فخامه وأناقة وهيبة حضور ..
سارة لابسة فستان ابيض لحد الركبه بحزام ذهبي وجوارب طويله ذهبيه وجزمة انيقة ذهبيه ورافعه شعره ذيل حصان ..
ما وحنان لابسين مثل بعض بنطلون جينز رمادي وبلوزة سودا توب مخصره من الصدر وتوسع من تحت ..
بحزام ابيض يتوسط خصرهم .. وصندل بكعب عالي .. وكاوين شعرهم وتاركينه مع مكياج اسود ورمادي ..

البنات نزلوا وتركوا سمر شوي لحالها بطلبها ..
نوال / بسم الله الرحمن الرحيم .. هذيل كانهم غربان .. " تقصد مها وحنان "
رنيم / وامهم ديك رومي ..
البنات / ههههههه
رنا / بس ذوق الباقين سبحان الله لو ما اعرفهم اقول مو اخوات ولا يقربون لبعض ..
ابرار / صح خالتي ام راكان واختها الثنتين اللي بانص وبنته شي ثاني .. بياض وجمال ..
نوال / جدتي تقول شريفة تشبه لـ ابوها .. ابوها اسمر ..
ريما / يعني يهي ما اخذت ولا شي من امها وخواتها اخذوا كل الزين ..
ريهام / يا مسكينه .. تخيلي لو انتي بمكانها واناس يتكلمون عن زين خواتك وانتي شينه ..
رنيم / راح احقد عليهم بقوة ..
ابرار / بس بناتها فيهم ملامح مزيونه بس مخربينها با البس والمكياج ..
مرام / بس صراحة خالتي ام راكان هيبه .. الله يشافيها ..
الكل / امين ..
غرام / بنات ... ملاحظتوا عنيد ماجات ..
شجون بحقد / احسن جعلها ماتجي ..
اماني / بنات خاطري اجيب ساره ..
روان / اتحداك تجيبينها ..
اماني توقف / الحين تشوفين ..
توجهة للحريم ومسكت يد ساره ..
اماني/ ساره تعالي معانا شوي نبي نسولف معاك ..
ام سطام / روحي وانا روحي وامك قبال عيني انا اداريها ..
ام سند بحنان / روحي ماما عند بنات عمك وتعرفي عليهم ..
ساره ترجف خجل وخوف .. طالعت امها تتمنى تساعدها بس انكسر قلبها وهي تشوف الضياع ..
حست بيد على ظهرها وشافتها خالها خلود .. وبهدوء / روحي انا راح اكون عندها ..
شدتها اماني من يدها وقومتها بالقوة وراحت معاها ..
شريفة اشرت لحنان بس حنان سوت نفسها مو منتبها وهي مركزه مع مها بالبلاك بيري ..

البنات فرحوا بقدوم ساره ورحبوا فيها .. وجلسوها بوسطهم ..
نوال / هلا وغلا سارونه ..
ساره ابتسمت وحمرة خدودها من الخجل ..
ريما تمسك خدوده / فديت هالخدود الحلوة ..
ساره زاد خجلها واحرار خدودة ..
رنيم بابتسامه / خلاص سارة حسستينا بانا رجال جالسه بوسطهم ..
ريما حبت تفتح معاها سالفه / الا وين العنود .. ليه ماجات معاكم ..
غرام وشجون رفعوا نظرهم لها وكانهم يقولون لها يا بياختك ..
ساره رفعت نظرها وشافت نظرات خالتها شريفة النارية ..
سارة وقفت وبهدوء / انا اسفه بس محد يفهم امي غيري .. عن اذنكم ..
تركت البنات وهم مستغربات ..
نوال / ليه راحت بسرعة ..
اماني/ اصلن هي ما كانت بتجي بس انا سحبتها بقوة ..
غرام / وانتي من حلاتك تسالينها عن اختها ..
شجون / بكرة العرس وبتشوفينها تترزز قدامك ..



ـــــــــــ


انتهى البارت 7




 




عرض البوم صور سامي رد مع اقتباس

قديم 12-06-12, 03:26 PM رقم المشاركة : 20
الملف الشخصي
إحصائية العضو







سامي est déconnecté

علم الدولة male_jordan

افتراضي رد: رواية بردان ياحضن الدفا عطشان واظماني الجفا

اضغط على الصورة لرؤيتها بالحجم الطبيعي
البارت 8

أبــــــد والله .. سمعت بطــــــاري عيونك وجيت اغليــــك ...
يقـــــــــــــول القلب سلملي عليــــــــه .. ويطلب وصالـــــك ...
حبيبــــــي وش تقــــــــول بعاشق قصة غرامـــــــه فيـــــــــك ...
نســــــــى الدنيــــــــا ومن فيها وجــــا ينشـــــــد عن احوالــك ...
حبيبـــــي جيت لمصافــــــــح مواعيـــــــد الفرح بيديــــــــــك ...
وجيــــــت اعطــــي يمينــــــــك حب ما تدريبـــه شمالــــــــك ...
اشوفـــــك واسمعــــك قبــــــــل اعرفك واشتاق لك وابيــــك ...
واحـــــــس آمال عمــــــري من عرفتـــــك تشبه امالـــــــك ...
انـــــا ما عشـــت قبــــل أعيـــــش باحساسك وقبل اجيــــك ...
حبيبـــــي جيتــــــك بقلـــــبي ولو ما جيـــت لك جالــــــــــك ...
احـــــــــاسيسي كريمـــــــــه وانت تستـــــــاهل كرم غاليــــــك ...
تــــرى لــو ما اشرقـــــت شمسك وصل رحت اتبع ظلالك ...
يقــــــــولون العرب ."دار بلا مغليـــــــــــــك ما تغريـــــــك "...
واقــــــــــــول انــك بليـــــا حـــب كنك عايش لحالــــــــــك ...
أنـــــــا لجيت أســـولف عن شعـــــوري قمت اسولف فيك ...
وأنــــا ادري رغـــــــــم كل الشوق ما مريــــــت في بالـــــــك ...
دريـــــــــت ان الغــــلا مثــــــــل القدر يرضيك لو يبكيـــــك ...
ولا ينفـــــــعك بعلـــــوم الغــــــلا عمــــــــــك ولا خالـــــــــك ...
مــــــا بين الحلـــــــــم والواقــــع يصيبك حظي او يخطيـــــــك ...
متــــــــى تصبـــح نصيــــب اللي وقف بآمـــــــاله قبالــــــــــك ...
ولا تـــــــزعل من اللي لا زعــــل منك رجــــــع يرضيـــــــــك ...
ولا تطري كـــــلام البعـــد .. فـــــــــــال الله ولا فالـــــــك ...
أنــــــــــا لو ما تذكرتك غــــلا .. جــــاب الغــــلا طاريـــــــك ...
تعيـــــــش وتسلـــــم لقلـــــبٍ على كف الغـــــلا شـــــالــــك ...
اطــالع وجهــــك المشــــرق امـــــل .. وعيوني تنــــــــــاديك ...
واقـــــــــول الله ثــــــــم اللـــــــــــه لا يحرمنـــي وصالـــــــــك ...






ليلة غير عن كل الليالي ..
ليلة خوف لذيذ و مفرح ..
ليلة تحقيق حلم وطال انتظاره ..

راكان واقف عند مدخل القاعة ويستقبل الرجال وشخصيات كبيرة ويتلقاء عبارات التبريكات ..
جدة وابوة وبعده هو وبعدها عمه سلطان وباقي عمامه وراه والشباب يباشرون على الضيافه ..
راكان التفت للشباب وشاف عناد وهو متحزم بالفرد وكيف اطلق الرصاص اول ماوصل راكان ..
ما قصر سلطان اعطاه كلمتين بس عناد ما اهتم واخذها بضحك وفرحة ..
شاف عناد يبتسم له وياشرله لجهت الباب التفت وشاف ابو عبدالعزيز .. منصور ال منصور .. وولده عبد المحسن ..
ابو سطام / يا مرحبا يا هلا حي الله ابو عبدالعزيز ..
ابو عبدالعزيز / البقى والعمر الطويل ..
بعد الترحيب والسلام ولسؤال عن الاحوال ابوعبدالعزيز .. جار قديم وصديق للعائلة اباً عن جد ..
ويعتبر من نفس القبيلة ولكن خماس اخر .. عبدالعزيز الابن الاكبر وهو ابو طارق وماجد صديق نايف متوفي ..
عبدالمحسن " ابو خزامى " الابن الثاني لابو عبدالعزيز .. دخل من بعد ابو عبدالعزيز وابنه .. متعب بن منصور ..
.. " هو الابن الاخير لابو عبدالعزيز 36 سنه ".. ومعاه طارق " 33 سنه شقيق ماجد الاكبر " ..
ابوسطام / يا مرحبا حياك الله
دخل متعب بهيبة حضور طاغية وعيونه اللي كانها عيون صقر وبصوت رجولي / البقى والعمر الطويل
بتال وقف وهو يشوف الشخص اللي يسلم على راكان / هذا ويش جابه ..
عناد / معزوم مع ابوة ..
بتال / اوووف .. استغفر الله العظيم اكرهه هـ الادمي ..
سند بحدة وهو يمر من عندهم / هذا ضيف والضيف لو هو عدوك تحترمه ..
لا توقفون بالنص انت وياه .. فضحتونا بين الناس ..
مشى سند وسلم على ابو عبدالعزيز وعبدالمحسن و متعب و عيال عبدالعزيز طارق وماجد ..
دخل نايف وسلم على ابو عبدالعزيز بحراره ولعياله كذالك ..
وصل لـ أخوه وقبله بحراره على راسه وبارك له ودعاء له بالتوفيق ..


عند صالة النساء
تستقبل الحضور بهيبة وجاذبية ..
ابتسمت وهي تشوف شريفة اللي قاعدة مع بناتها .. وتذكرت شكلها اول ما دخلت ..

العنود / السلام عليكم ..
شريفة اللي لابسه فستان كحلي مدموج بالاسود وفيه شالت ملفلفه .. عصبت لمن شافتها وكانت تبي تصارخ عليها ..
قبلت العنود راس والدتها وجدتها تقدمت الى شريفة ..
العنود ببرود وابتسامة استفزازيه .. بهمس / هلا خالتوو ......
العنود تسلم على خدها بطريقة بارده .. وبهمس / اووووه اقصد خالتوو شريفة
شريفة اللي واقفه ومصدومه من كلمة العنود ..
العنود ببرود احرق شريفة / الا انتي ويش مجلسك هينا .. " تمسح على شفايفها بلسانها "
.. مو المفروض تجلسين مع بناتك هناك .." وهي تأشر لها على طاولة بناتها " وخديجة وخلود هينا ..
" العنود تقرب اكثر وبهمس قاتل " .. راكان ويش قال .. " وبنظرات حادة " لا تلعبين بالنار يا .....
ارتجفت شريفة خوف وقهر وراحت تسحب رجولها لمكان بناتها .. وجلست العنود بجنب امها ..



سمعت اصوات ترحيبه قوية التفتت وشافتها ام عبدالعزيز ..
ابتسمت وهي ترحب بحراره صادمة لام سطام وبناتها وهم يشوفون تعانق حار بين ام عبدالعزيز والعنود ..


ام عبدالعزيز / ياهلا ومرحبا بهالزين .. ياهلا بـ باشت الباشات ياهلا بزينة الزينات ..

العنود كانت لابسه فستان بيج كت بقصة صدر دائرية بطرز احمر خفيف وبني وذهبي واخضر .. من الاعلى ..
وينزل التطريز بشكل ورقه شجرة صغيرة على البطن وتنزل باغصان ناعمة للاسفل .. وفي الاسفل ..
كانت اقمشة حريرية من البني الغامق ويتفتح للاعلى .. مخصر على جسمها الى تحت ثم يتوسع مع حزام يربط بالخلف ..
معطيها طول وهيبة ومبين جمال جسدها ونحرها الفتان .. ورافعه شعرها من الامام وتاركه باقي شعرها مفتوح ..
الي يصل لاسفل خصرها.. ومكياجها العسلي بكحل اسود كثيف داخل العين وروج وردي ..
لمن دخلت وسلمت على جدتها وعماتها ..ما عرفوها الا بعد ما تكلمت ..

ام طارق / السلام عليكم .. مبروك وانا امك عقبال ما نفرح فيك ..
العنود بصوت واثق / وعليكم السلام .. بحياتك ان شاء الله .. والله يفرحك بغاليك ..
الجوهرة تاشر لـ الماسه والهنوف بفمه.. " يعني شوفوا قلت ادبها .. كانها تقول ايه ابي العرس "
ام طارق " ام ماجد " / امين يارب ..
وتلتفت ام عبدالعزيز لـ ام راكان وارخت جسدها مستنده على عصاها .. " وبصوت عالي " / وشلونك يام راكان ..
ا مبارك ماسويتوا .. وعقبال اخوانه .. يالله تشافيها وتعافيها ...
" وضعت يدها على راس ام راكان وصارت تدعي وتقراء عليها " ..يالله ياذهب الباس اذهب باسها ..
وانا امك " تقصد العنود " ما به طب لها .. ما دورتوا لها علاج بديار الخواجه ..
العنود بهدوء / الله كريم يمه .. ادعي لها ..
ام سطام / تعرفين بنت ولدي يا ام عبد العزيز ..
ام عبدالعزيز بنيرة مقصودة / الظبي جارت ولدي من سنين .. رحمة الله عليها ..
ام سطام انقهرت من خيانة صديقتها / الله اكبر .. ياخزمه طول ذا السنين وما علمتيني به..
وابو عبدالعزيز عنده علم .. بذا الشي .. ولا قلتوا لنا به ..
ام عبدالعزيز / ايه عنده علم .. بس مكتوم بامر الظبي .. " وبنبرة مقصودة " رحمة الله عليها " وكانه تذكرها بانها ماتت"
رجعة ام سطام الى كرسيها وجلست .. العنود منزله نظرها للارض و مبتسمه ..
وكانها عارفه مقصد الحرب وسبب اللي صار .. ام سند تطالع لخالتها مزنه اللي تغير وجهه وامها ..
مي عارفة شي .. التفتت للجوهرة تناديها ..
الجوهرة / العنود .. العنود .. يا ام سند .. تعالي ابيك اشوي " تقصد ام سند "
ام سند بعد ما خرجت هي وام بتال من صالة الحفل للستقبال ../ نعم ..؟
الجوهرة / شوفي .. " وهي تاشر لها على طاولة استقبال طويله .. خلفها شاشة عريضة بالمس ..
تعرض صور لسمر وراكان .. والطاولة عليها شلال من الشوكولا وفواكه مقاصصه على شكل سمك ..
واعواد نحيفه مرصصه على شكل شجيرات .. وكاسات كرستاليه طويله بلون الازرق فيها سمك صغير ملون ..
العنود باعجاب / بصراحة يالجوهرة روعة ابد ما خطرت في بالي هالحركة ..
الجوهرة باستغراب وهي تتلفت حولينها / العنود انا ما سويتها انا فكرت انها مفاجئة منك او من وحدة من خواتك ..
العنود / لا " وهي تاخذ لها عود وتغرسه بقطعة فراولة وتحطها تحت الشوكولا " لا انا ولا خواتي
الجوهرة .. بخوف / العنود انتي تشوفين صور سمر .. يعني صورها عند غريبه ..
العنود وهي تاكل قطعة الفراولة .. خطر في بالها الفضيحة .. / انتي سالتي البنات ..
الجوهرة بأمل / ها .. يعني .. قولك يمكن ان البنات سووها مفاجئة لسمر ..
العنود بتتكلم لكن شافت ام خزامى متقدمة لهم .. وبابتسامه / حي الله من جاءنا يامرحبا
ام خزامى ومعاها خزامى / البقى .. " وبعد السلام والسؤال "
الجوهره بنظره اعجاب لخزامى / ويشلون عروستنا ..
خزامى .. اللي لابسه فستان مشمشي توب لحد الركبه ..
وفوق الفستان جاكيت قصير بدون اكمام بتموج احمر ومشمشي واسود ويتوسطه بروش الماس لمعته قويه ..
خزامى بخجل / طيبه الحمد لله .. مبروك خاله ..
الجوهرة والبتسامة شاقة الحلق / يبارك فيك حبيبتي وعقبالك ..
خزامى خجلت وحمر وجهها ونزلت راسها بابتسامه خجوله .. سمعت صوت خلفها ..
التفتت شافت بنات عمها مشيرة و البندري وعمتها الصغيرة الجوري ..
التفتت ام خزامى واشرت لهم / هذي اخت زوجي الجوري وهذيل بنات عبد العزيز رحمة الله علية ..
العنود والجوهرة رحبوا فيهم ودخلوا بعدها ام خزامى والبنات لصالة ..
الجوهرة / العنود انتي روحي اسالي البنات .. لان حتى الكوشه متغيره .. انا قلبي قارصني ..
العنود / سمي بالرحمن وافرحي وبعد العرس راح نعرف كل شي ء الليلة فرحتك .. لا تكدرين عمرك ..
الجوهرة هزت راسها .. شافت جوالها يدق .. / هذي سمر اكيد خلصت عن اذنك ..
العنود / الله معاك ..


داخل الصالة ..
العنود سطام " / اشلونك .. بشريني عنك ..
مشيرة بفرحة / الحمدلله بخير وابشرك بتصيرين خاله قريب ..
العنود فرحت لصديقتها / مبروك والله يقومك بالسلامة .. " وبنبرة " كيف زوجك ؟
مشيرة فهمت عليها / الحمد لله شخص متفهم وحبوب .. وفوق هذا كله ولد عمتي ..
العنود هزت راسها / الله يوفقك وييسر لك امرك .. ويرزقك بالذرية الصالحة ..
مشيرة / امين .. اقول ابي صورة لك .. ابي اطالعها ليل نهار يمكن بنتي تطلع شبهك ..
العنود بضحكة لرجة صاحبتها / هههه اقول اعقلي .. وصورتي معصي .. وبنتك خلها تطلع شبه امها ..
مشيرة / اممم اقول .. للحين عرض طارق قائم .. ما عندك نية توافقين ..
العنود / مشيرة انتي عارفة وضعي زين .. وطارق ربي يرزقه باللي احسن مني ..
مشيرة تبتسم بمحبه / براحتك .. بس تدري .. اتمناك لـ اخوي ..
العنود بابتسامة / ادري حبيبيتي .. بس مو كل الاماني تتحقق ..
مشيرة / ايه صحيح .. امممم .. عندك جوال مو ..
العنود / ايه عندي .. وشوفي سارونه وهي تعطيك اياه انا ما احفظه ..
مشيرة / ادري بعقدتك من الارقام .. يالله نبي نشوف رقصك الليلة ..
العنود بابتسامة حب / ابشري من عيوني ..
راحت مشيرة لطاولة جدتها ام عبدالعزيز وامها وزوجة عمها والبنات .. والعنود وقفت تطالعه ..
" الله يرحمك يا نايف هذي مشيره تزوجت وبكره يجيها ولد ولا بنت .. سبحان الله له مشيئته وحكمته ..
بعد الحب اللي بينكم توقعت مشيرة تنتهي حياتها وماتكمل .. بس الدنيا ما وقفت .. الله يوفقك يامشيرة ويرحمك يانايف"


عند الرجال .. الساعة الان 11 وضعوا صحون العشاء والذبايح وصالة البوفية انفتحت ودخلوا الشباب ..
وابو سطام يمشي مابين المعازيم و يهلي ويرحب .. واستغرب من البوفية ..
ابو سطام عنده عيب يتقدم بالزواجات غير المفطحات هذا نقص بحق الضيف .. " تفكير جدي ^ ^ "
الشباب داخل الصالة امام المسرح والفرقه تجهز السماعات والجلسة ..
بتال / من اللي جايب الفرقة ذي ..
بدر مبسوط / اووووه والله ذا الراكان فله .. ابي اطقها رقص اللين الفجر ..
ياسر / بس عسى الفرقة زينه مو تجيب لك المرض ..
بتال / راكان ما ضنيت انه يجيبها .. لا بعد جدي و ابوي ما يدرون عنها ..
ابو بتال من الخلف / هذا ايش ..
التفت عليه بتال / مدري يبه ..
ابو بتال بحدة / من جاب ها الفاضين ..
بتال يتلفت يمين ويسار / والله يبه انا مثلك استغربت جيتهم ..
سند / خال .. فيه رياجيل غرب جايين ومعاهم عماله .. ما ادري ويش يبون ..
ابو بتال / ويش هالعرس اللي ماني عارف ويش فيها .. وشوفوا لي امر هالمهزله .. " يقصد الفرقة "
طلع ابو بتال وطلع معاه بتال ..
سند يطالع الفرقة وشاف نايف وماجد يتكلمون مع واحد من الفرقة .. وشكله المسؤول ..
سند بهدوء ويدينه بجيبه .. نادى نايف / نايف ..
التفت نايف عليه وجاه ../ هلا ..
سند / انت اللي جبت الفرقة ..
نايف / ايه .. انا اللي حجزتهم .. ابي افرح بزواج اخوي ..
سند ابتسم / راح اقول انا اللي طلبتها علشان تبعد عن المشاكل والله يتمم فرحك ..
نايف / بس
سند يقاطعه / انا اخوك الكبير ولازم تسمع الكلام ..
نايف ابتسم / على امرك .. يا اخوي .. " غصة الكلمة بحلق نايف .. اتمنى اقولها لأخواني صدق "

عند سلطان ..
سلطان شاف رجال بلبس محترم واقف عند سيارة وكانها لشركة او مؤسسة ..
سلطان / هلا اخوي عسى ماشر ..
الرجال / هلا بك .. ومبروك ما سويتوا ..
سلطان .. يصافحه باليد / يبارك فيك ..!
الرجال / احنا من بنك الطعام .. على حسب ما طلبتونا .. جاي اشوف الاكل .. والشباب يجمعون اللي فيه صالح ..
سلطان عقد حواجبه باستغراب / ما شاء الله تجون كذا .. يعني ..
قاطعه بنك الطعام / لا اخوي حنا جاءنا طلب وقال عندي عرس وابيكم .. ما نجي بدون علم ..
سلطان / ومن اللي طلبكم ...
بنك الطعام / راكان بن سطام الفارس ..
سلطان / حياكم الله .. الحين الضيوف يتعشون بعد العشاء سوو شغلكم .. جزاكم الله خير ..
بنك الطعام / وياك ان شاء الله ..
تركهم ابو بتال .. وبتال معاه كان شايف كل شي وساكت ..
ابو بتال بعد مابعد عن الرجال / والبوفيه من جابه ..؟
بتال بستغراب/ والله ما ادري يبه .. بس جدي معصب .. ومو بس الفرقة والبوفية يبه ..
فيه اشخاص ماعزمناهم وحضروا شخصيات معروفة .. وما ظنتي راكان يشتغل معاهم ..
ابو بتال طالع ولده بنظرة وتركه .. ان تابع كل شي زي كذا راح يعصب اكثر ..
وخاصة ان بعد العرس بيتم امساك سطام بالغصب لاستكمال علاجه ..


عند الحريم ..
شريفة تشرب القهوة والنار شابه بضلوعها ..
" ويش تقصد .. تعرف .. اكيد تعرف .. هي بنت شيخة وسطام .. اكيد جدتها الظبي قايله لها ..
ويش السواه يا شريفة .. لخبطة كل شي .. كنت ناويه اخرب العرس .. اااااه يالقهر .. بعد ما اتفقت ..
ودفعت الفلوس .. يقولون الغوا كل شي .. فيه احد يغير كل العرس قبل العرس باليلة .. اااه يالقهر ..
العنود .. هي ساس البلا .. " التفتت لها وشافتها حاضنه سارة وتضحك .." لو مو متاكده كان ما شفت هالقوة ..
هاا لالا ما معاها اللي يثبت.. لا تخافين يا .... زمان الخوف راح .. راح اتاكد بعدين .. خلي هالعرس ينتهي بس .."


ساره فرحانه / عنود فرحانه احس قلبي بيطير ..
العنود مبتسمه وهي حاضنتها من الجنب / بسم الله على قلبك يا روحي ..
ساره / منار اتصلت عليها وتقول ان عمها فاق من الغيبوبة الحمد لله بس لساته بمرحلة الخطر ..
العنود / الله يشافيه ..
ساره / منار تقول تصوروا علشان ابي اشوفها بعدين لمن تجي ...
العنود بحزم / قولي لها لا تجي هالفترة ابد .. الين انا اتصل عليها .. تمام ..
ساره تهز راسها / طيب .. بس ابي اقولك يعني .. مو حرام بعد هالكشخه مانتصور ..
العنود تمسك خدوده اختها وتقرصة / الا راح تتصورين .. وتسوين كل اللي بخاطرك ..
ساره بفرحة طفوليه / صدددق ..
العنود تهز راسها / اهااا .." ساره نطت وحضنت اختها "
العنود بضحكة / ههههههه فضحتيني يابنت .." بعدت سارة " ما ودك تروحين مع بنات عمي ..
ساره تطالعها وكانها قرت اللي بخاطرها .. التفتت لـ اماني وروان اللي يرقصون ..
ساره بخجل / عااادي
العنود تهز راسها / اهااا مو انتي قلتي انهم امس حابينك ويبونك تجلسين معاهم ..
"ساره تهز راسها بـ نعم " .. معناته خلاص روحي عندهم .. بس ها اياك واللقافة وانتبهي لكلامك ..
ساره تركتها وراحت تجري / ان شاء الله ..
العنود تتامل اختها .. لابسه فستان وردي لركبه طبقتين الطبقة الاولى ورديه واللي تحته بيضاء ..
كت بدون اكمام مع قصة صدر دائرية ... وحزام يتوسط الخصر ابيض وفلونكه وراء ..
وثلاث ورود صغيرة اخر الفستان من على جنب .. كان ضيق للخصر وبعدين ينتفخ ..
رافعه شعرها بيف ومنزله الباقي وحاطه فلونكه بيضاء من جنب في شعرها ..
تذكرت وشلون كانت مستحيه واختها تحط لها الكحل والقلوس الوردي ..
العنود " ربي يحميك ويحفظك "


غرام وشجون نازلين من المسرح ..
شجون / غرام ويش فيك .. ويش صار ..
غرام / قلبي شاب نار من ذي المغرورة .. شايفه وشلون تستقبل المعازيم وكانها هي اساس الزواج ..
شجون / ايه والا الضحكه من الاذن لـ الاذن الثانية .. وما كانها مسوية البهاذل في سمر قبل ..
غرام / اوووف .. اااه وجع .. " تعثرت بعكاز ام عِزيز "
ام عِزيز بحقد / يوجعك .. " ام عِزيز " بكسر العين " امراه عجوز ارمله فقيرة عزمتها ام سطام علشان ترضيها ..
في زواج طلال ما وصلتها عزيمة وارسلت لها مشاريه وعتاب "
غرام / انتي يالعجوز ويش جابك .. " الكل يكره ام عِزيز لسلوب كلامها وهنادمها وشكلها "
ام عِزيز / اهب يالسانها ويش طوله .. اللي جابني جاب المخاليق ذي كلها ..
غرام فرغت كل عصبيتها بهالعجوز / وعسى اللي جاب الخلق يشيلك .. اففف ناقصة انا ..
تركتهم غرام وراحت وشجون حاطة يدها على فمها متفاجأه ..
ام عِزيز بحقد وزعل / اهب يا العافية اهب يا وجها اهب يا السانه ..
" لمت عكازها وماعونها اللي جايبته حتى تحط فيه اكل لها وتشيله بيتها .. وتاكل الايتام اللي عندها ..
لبست عباتها وطلعت من الصالة بدون ما ينتبه لها احد اهم شي على الانسان كرامته "
شجون / غرام ويش سويتي انتي
غرام بعصبية / ماسويت شي ويش سويت ..
شجون / انتي مو طبيعية من لمن اخترب سحاب فستانك وانتي معصبها ..
غرام تجلس على احد الكراسي بالصالة الخارجية ../ شجون روحي عني مو فايقه لك ..
شجون تركتها وراحت .. غرام حطت يدها على راسها .. " شكلي معايه برد .. الله يعين بس "
جاتها مرام اللي لابسه فستان ذهبي فخم ..عروس من جد يعني .. توب مخصر على جسمها وله ذيل صغير من الخلف ..
مرام / غراموو ايش فيك حبيبتي شكلك تعبانه ..
غرام / شكلي اخذت برد .. وبعد كمل عليها الفستان ..
مرام / ايه قالت لي امي .. بس بعد هذا حلو ..
"كان الفستان قصير لحد الركبه .. بحماله سودا عريضه .. اسود مدموج بالرمادي .. وفيه شك على الخصر كانه حزام "
غرام بقهر / هذاك افخم ..
مرام تبتسم / يالله غرومه عاد فكيها .. قولي لي ويش رايك بتسريحتي ..
كانت عباره عن تسريحة فرنسيه ورود ملتفه بشكل غريب من الجنب ..
غرام بصوت متعب / حلوة ..
مرام عقدت حواجها / ايش فيه صوتك ..
غرام وقفت حتى تغير الحديث وتترك المكان ..


ــــــــ
الجوهرة تستشيط من الغضب ...
ام عزام / بنت اهدي ويش فيك ..
الجوهرة / يمه بعد كل اللي صار وتبيني اهدى
هيفاء / لو اللي صار ما يشرف كان معاك حق بس اللي يصير مره حلو واشياء جديدة ..
الجوهرة / بس المفروض يكون عندي علم بهالزفة اللي مسويتها ..
ام عزام / البنت تبي تفرح باعرس اخوها ويش صار ..
هيفاء / بس صدق الشوكولا مره لذيذه .. وريحة الدهن مره روعة وشكله من الغالي ..
ام عزام / وكتيب حصن المسلم وتغليفته روعة بعد وفكره حلوة ..
الجوهرة / احر ماعندي ابرد ما عندكم ..
هيفاء / والله انتي اللي مو حابه تنبسطين وتعكرين على نفسك ..



ام عبدالعزيز / تعالي اجلسي جنبي " تقصد العنود "
العنود / هلا يمه امري ..
ام عبدالعزيز / قولي لها الخبلة من وين جبتي هالشكليته وهالكتاب الزين خلها تسوية بعرس اخوها ..
العنود بابتسامه / بس يمه .. من عيوني انا راح اجيبه هديه لـ ابوعبدالعزيز ..
ام عبدالعزيز / بعرس طويرق ومتيعب .. اللي تعبوني معاهم ..
العنود / هههههه يمه متى ما الله راد جاب لهم النصيب ..
ام عبدالعزيز / والنعم بالله .. "وبنبرة مقصودة " وانتي متى بيجي نصيبك ..
العنود بنفس النبرة " / متى ما الله راد ..
مشيرة / بس صدق الزفه مره حلوه وخاصة انتي وساره .. ما شاء الله عليكم ..
العنود / تسلمين يا قلبي من ذوقك ..
ام عبد العزيز تفتح السلة اللي وزعوها خدم الضيافة اهداء من ام العريس وبناتها ..
... / ما شاء الله دهن عود ومسك وبخور وحنه وشكليته وكتاب الاذكار .. هو ويش مكتوب هنينا ..
العنود / مكتوب راكان وسمر .. " كان الكتيب مغلف من التجليد المخملي بالون الابيض و الاسم بالذهبي "





بغرفة العروس ..
واقفه بكامل زنتها .. فستان ابيض ناصع .. توب من الصدر .. بلمعه كرستاليه رائعه .. مخصر على جسمها ..
وبعده يتسع بهدوء .. رفعه شعرها والتاج من الالماس بنقشة ناعمه .. ومكياج ناعم ..
طفله بريئة لساته صغيرة استعجلت بزواجه .. كانت تجول هالكلمات بصدر ابو بتال ..
الجوهرة / سلطان .. وين رحت ..
ابو بتال .. انتبه لنفسه انه واقف عند باب الغرفة ويطالع بنته .. ابتسم بحنان ..
ابو بتال/ ما شاء الله .. ما عرفتها ..
الجوهرة بغيرة / بس اهي ...
ابو بتال / هههه اكفى الجرة على فمها تطلع البنت لامها ..
الجوهرة بفستانها الاحمر الفتان مع بياض جسمها وسواد شعرها المرفوع ..
والروج الاحمر الصارخ اللي سحر ابوبتال ..
العنود بهمس / ذبحتي اخوي بذا الروج .. خاطرة ياخذك ويهج ارحميه يامره ..
الجوهرة احمر وجهه / انتي متى تبطلين هالكلام
ابو بتال يقاطع نقاشهم / العريس الحين يجي .. ومعاه عمامه وابوه ..
الجوهرة طلعت بعد ما وصت العنود على سمر


العنود " / يمه موضي ..
وقفت ام سطام اللي كانت خارجة من الصالة متجهه لغرفة سمر .. / ها امي ..
العنود " / يمه نبي نسلم على راكان مع امي .. فـ ياليت تشوفين لنا الوضع ..
ام سطام / ابشري من عيوني .. " وتوجهت لغرفة سمر "


بداخل الصالة ..
مها / يمه مانتي رايحة تشوفين راكان مع خالاتي ..
شريفة تغلي من القهر / لا ..
مها / غريـ ..
شريفه بحده وعصبية / وجع ويش فيك انتي .. بالعه رادو ..
مها وحنان يطالعون بعض ومستغربين حال امهم لها الليلة ..



بغرفة العروس ..
بعد ما دخل راكان ..
واستقبلوا التهاني من الجد والاعمام ..
بتال / ها راكان لا اوصيك ..
راكان / من شهر وانا اسمع ما اوصيك ما اوصيك .. ولا سمعت لا اوصيك ..
سمر اللي ترجف من البرود ومن الخجل والخوف .. منزله راسها للسفل وساكته ..
وليد / انا اوصيها ..
راكان يبتسم / كفو والله بالنسيب .. سمعنا ..
وليد / وانا اخوك لا اوصيك .. جيبه شقية وراسه كسرية وعيونه اعمية و ...
راكان / بس بس .. هذي توصيات حرب مو زواج ..
الكل / هههههههههههههه
ابو طلال / والله كفو ياوليدن ..
رعد شاف برطمة وليد وزعلة / هذا وليد رجال مو وليدان
ابوطلال ينزل نفسه ويقبل خشم وليد / وسيد الرياجيل بعد ..


ام سطام دخلت / السلام عليكم ..
سلمت على العروسين وباركت لهم وقدمت هديتها ..
ام سطام / ها ياعيال خلاصتوا ..
التفتوا لها جميع .. رعد / امري يمه ..
ام سطام / بتدخل ام العريس واهلها ..
راكان اشتد وجه عصب ما اكان يبي يشوف احد من خالاته ..
طلع الجميع .. بتال رفع عينه لسمر / راح انتظركم برا .. " وغمز لسمر "


دخلت العنود بعد ما نادتها عمتها ...
العنود ماسكة يد امها ووراها ساره ومعاها صندوق مغلف بشريطة ومربوطه كاهدية ..
راكان استغرب ان العنود ماسكة يد امه وتمشيها شاف ابتسامة امه والدمع مالي عيونه ..
عورة قلبه اتجه لها وقبل راسها ويدها وضمها على صدرة .. وبهمس / عنود امي ايش فيها ..
العنود ماتبي تخوف اخوها وتشغل باله بليلة عرسة ..بهمس/ بس السكر متعبها لا تخاف بسيطة ..
راكان وكانه تذكر ان مره زياد قال ان امه معاها السكر .. / سلامتك يمه ما تشوفين شر ..
العنود جلست امها .. وراكان مازل مستغرب .. لكن برمجها بان امه ماتبيه ياخذ سمر فهي تجامل لبرستيجها ..
العنود تضم راكان وبما انها طويله وخاصة بالكعب زاد طولها فصارت طوله .. / مبروك يالغالي ..
راكان بهمس / يبارك فيك .. سويتها ..
العنود بهمس / ان شاء الله تكون قدها ..
راكان يبعدها عنه ويعطيها نظره .. والعنود ردة له النظره وتوجهت لسمر ../ مبروك يالعروس وربي يهنيكم ..
سمر ماردت عليها بشي .. العنود ابتسمت لها ../ اهتمي بزوجك ولا تهتمين لغيرة .." سمعت شهقة والتفتت "..
شافت سارة بحضن راكان وتبكي وهي ضامته .. / على فكرة زعلانه حيل عليك ..
راكان بضحكة / اوف اوف اوف .. وله الحق بمن يرضيها تامر بس شبيهتي ..
ساره ضحكت من بين شهقاتها وبهمس / بسم الله عليه انا احلا ..
راكان يضمها .../ واحلى من الحلى نفسها ..
هناك اللي واقفه .. استشاطت من الغيرة .. ورجفه استوطنت قلبها .. " يحبهم اكثر .. يعني ...!! " ..
العنود اخذت الصندوق وقدمته لراكان ../ ان شاء الله يعجبكم ..
راكان بهمس / اللي عطيتيني اياه .. متى اقدمه ..
العنود بتعقيدة حاجب/ انت ما ارسلت امس بعد الملكة ..
راكان بخوف / لا ..
العنود بابتسامه / طيب بكرة الصباح بعد ماتصحى اعطيها سمر .. ولمن تروح لهم بكرة اعطي امها هديتها وجدتي ..تمام
راكان يهز راسه بـ نعم / ان شاء الله ما انسى ..
العنود بابتسامه / اذا تبي تنجح وتكسب الكل لا تنسى مثل ذي الشغلات .. وروح لعروسك ..
راكان ومعاه الصندوق .. وبابتسامه / سمر ويش رايك عجبك ..
سمر خجلت من قرب راكان وطالعت بالصندق كان سجاده وجلال صلاه ومصحف ومسبحة كلها طقم ..
وفوق الصندوق صندوق مخملي فتحه راكان وكان عقد الماس اكثر من رائع ..
العنود تطالع جدتها موضي وهي تسولف مع امها وكانها تبي تجذبها للعالم اللي عايشين فيه ..
تذكرت كلام جدتها الظبي ونزلت راسها .. " يارب ساعدني .. "
ساره بهمس / سمر مره حلوه ..
العنود بهمس والابتسامة مرسومه على محياها الجميل / ربي يحلي جميع ايامهم ويبعد الشر عنهم ..
ساره بهمس / امين ..



عند الرجال ..
بعد العشاء خرج جميع المعازيم من الرجال الكبار ودخل الشباب صالة الحفل المغلقة ..
ابو سطام اخذ سطام مع سلطان و خالد .. وتوجهوا للمزرعة ..
راشد وفهد وعبد العزيز ... رجعوا لبيوتهم ..

الصالة الداخلية .. عند الشباب ..
صوت الاغاني والتصفيق والرقص ..

ما كان موجود كثير من الشباب الغرب ..
كم موظف من شركة الفارس .. ومن شركة السعد ..
وموجود صلاح صاحب شركة ...و متعب بن منصور .. وطارق وماجد ..
.. وتركي صديق راكان .. وغنام سكرتير راكان .. وعبدالله وصديقين له رامي وسامي ..
و شباب العائلة جميعنا ..


متعب وجالس جنبة رعد وصلاح .. بما انهم اصدقاء دراسة واعمارهم متقاربه ..
متعب يصااارخ وبيده فنجان شاهي ../ ابو راكان سمعنا صوتك ..
التفتوا الجميع لمن يقصد بابو راكان ..
نايف بابتسامة / ابشر يابو منصور من عيوني ..
ماجد بمزح / وانا ابي اغني معك ..
متعب يمسك عقاله بيده .. وياشر بها / هاااه هاااه .. يغني على ظهرك ...
اللي يعرفون متعب وماجد ونيتهم بيضاء / ههههههههه
بتال لسند / يا بياختهم .. يا اخي مضيق صدري هالمتعب ..
سند بهدوء وهو يشرب من الشاهي / بلعكس رجال خفيف على الروح ..
بتال / سند انت تعرفن ما اكره بها الدنيا كثره ..
سند يبتسم / كلها علشان خيل .. خلاص راحت وانت عندك خيل الحين تنحسد عليها ..
بتال / اذكر الله يا شيخ .. مشغل تفكيري هالكاسر .. سنه وازود وما قدرت عليه ..
سند بنبرة مقصودة / قول لمتعب يمكن يروضه ..
بتال عصب / هذا اللي باقي لو اخر واحد بالدنيا ما راح اطلب مساعدته ..

سكتوا وهم يسمعونها ينادي بابو راكان ..
بتال بستغراب / هذا ينادي من ؟
سند / نايف ولد خالي سطام .. يكنونه بابو راكان ..
بتال / يتشابهون بـ اكذابهم " يقصد متعب ونايف "
سند ما سمعه لان بدا صوت نايف بالغناء ..

من بـادي الوقـت هـذا طبع الايَّـامـي ...... عـذبات الايـام مـاتمدي ليـاليـها
حلو الَّليالي تـواري مثـل الأحـلامـي...... مخـطـور عـني عجاج الوقت يخفيـها
أسري مع الهاجس الَّلي مابعد نـامـي...... وأصـور المـاضـي لنفـسي وأسليـها

أخالف العمر أراجع سالف أعوامـي...... وأنـوخ ركـاب فكـري عند داعيـها
تدفى على جال ضوَّه بارد عظـامـي ...... والمـاء يسـوق بمعاليقي ويـرويــها
إلى صفالك زمـانـك عـلِّ ياظامـي ...... إشـرب قبل لايحـوس الطين صافيهـا

الوقت لو زان لك ياصـاح مـادامِ ....... ياسرع ماتعـترض دربـك بـلاويـها
حتَّـى وليفك ولـو هيَّم بكــ هيـامِ ...... سيـور الايــام تجنـح به عواديـها

من كلمات / خالد الفيصل


صوته .. ببحة الحزن ... والمقصد المرسول .. طلع من القلب .. وجذب كل الحضور ..
ماجد / عاش ابو راكان عااااش ..
بدر / يسلم هالصوت ياشيخ ..
مسوؤل الفرقة / تطربنا ثاني ..
الشباب / ثاني .. ثاني ..
نايف ابتسم .. ونزل راسه ..
ماجد / شكشكه ياهو .. شي يرقص كذا .." وهو يغمز "
نايف / ههههههههه طيب يا صاحبي ..
تكلم مع الفرقة وقالهم الاغنية ...

لابوك يالعين بدموعك فضحتيني
تبكين عند العرب والناس نقاده ..
تبكين يالعين لا همٍ ولا ديني
لا بوك يالعين خليتي البكى عاده ..
سلام يلي سلامٍ منه يبريني
والنفس مني عليه اليوم منقاده ..
والله والله لو بالحال تدريني
الا ان تقولين ما يستاهل زياده ..
العين تبكي على فرقى المحبيني
ياعل قلب المشقى يلحق مراده ..

وصلت الرسالة .. ابتسم بألم .. وهو منزل راسة .. همس " ما منها فكه يا نايف "..




 




عرض البوم صور سامي رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are متاحة



Powered by vBulletin® Copyright ©2006 - 2013
جميع الحقوق محفوظة لموقع النواصرة
Live threads provided by AJAX Threads v1.1.1 (Pro) - vBulletin Mods & Addons Copyright © 2014 DragonByte Technologies Ltd.

a.d - i.s.s.w


جميع الآراء والمشاركات المنشورة تمثل وجهة نظر كاتبتها فقط ولا تمثل بأي حال من الأحوال وجهة نظر موقع النواصرة

SEO by vBSEO