Loading
follow | sami nawasreh

ادخل ايميلك لتصلك اخر مواضيعنا

اسمع القران الكريم
جديد المواضيع

العودة   منتديات النواصرة > الـواحـه إلاداريــه > أرشيـــف ومكتبـة المنتــدى
الرسائل الخاصه رسائل الزوار طلبات صداقه جديدة تعليقات على الصور
أرشيـــف ومكتبـة المنتــدى الارشيف -كل المواضيع و المشاركات القديمه و المكررة


المكمورة

مرحبا اليوم بدي اكتبلكم اكلة اردنية طيبة كثير كثير وان شاء الله رايحة تعجبكم بناء على طلب الاخ سامي وبعدوا بتهمنا بالتعدي على مطبخه ههههه (منقوله على لسان اخت

موضوع مغلق

قديم 05-20-07, 08:37 AM رقم المشاركة : 1
الملف الشخصي
مواضيع متعدده من الارشيف

البديــل :: اعضاء رحلوا ::

الصورة الرمزية إرشيفنا
إحصائية العضو







إرشيفنا est déconnecté

علم الدولة male_jordan

افتراضي المكمورة

مرحبا
اليوم بدي اكتبلكم اكلة اردنية طيبة كثير كثير وان شاء الله رايحة تعجبكم بناء على طلب الاخ سامي وبعدوا بتهمنا بالتعدي على مطبخه ههههه

(منقوله على لسان اخت اردنيه)
هل تعرف ما هي المكمورة؟
المكمورة هي الطبخة يلي قلائل الناس اللي بعرفوا يطبخوها مزبوط
أترككم مع الصور و الشرح بعد الفاصل

صحيح انسيت قولكم قبل ما بلش
تحت الخبز في جاج أو لحمة حسب الرغبة

Image117.jpg


Image118.jpg


المقادير:
1: جميع المواد لعمل العجين باستثناء الخميرة
(لانها الاكلة هاي عجينتها عويصة على راي جدتي )
2: كيلتين بصل من الكبير
3: دجاجتين من الكبير
4: زيت زيتون مقدار لتر ونصف (لانها هاي الاكلة بدها زيت كثير)
5: ملح حسب الرغبة+ بهارات

الطريقة:
اول شئ نعمل على عجن العجينة مثل العجين اللي بتعملوه كل مرة ولكن دون وضع
الخميرة بعد ذلك تترك على جنب
ثم تقومي بفرم البصل كله خشن وليس ناعم وعند الانتهاء من فرم البصل تقطعي الدجاج
الى قطع صغيرة ثم تضعيها فوق البصل وتضعي الزيت الزيتون عليها ولكن ليس كله يعني
مقدار كوب ونصف ثم تضعي الملح والبهارات بعدين اتركيه على النار حتى يذوب البصل
بعد الانتهاء من هذه الخلطة
تحضري العجين وتقطعيه الى قطع صغيرة والشئ الي بدك تحطي عليه العجين يفضل انك
ترشي قليل من الطحين مشان مايلزق
بعد الانتهاء من تقطيعها تحضري شئ منبسط مشان ترقي عليها قطع العجين وكمان يجب ان تحضري
المعجن والي هو وعاء كبير وعميق لكي تضعي فيها طبقات العجين وبس تحضريه المعجن ضعي فيه
وهو فارغ زيت الزيتون وان يكون كثير الزيت بالوعاء لانها بتشربه

المهم بس ترقي قطعة العجين مليح افرديها بالمعجن ورايح تنكمش من الزيت يعني عادي
بعد ماتضعيها بالمعجن صيري وزعي البصل والدجاج على هذه الطبقة وان يكون البصل كثير في كل طبقة
اما الدجاج يعني قطعتين بكل طبقة مشان تقدي (بمزح)
ثم اعملي الطبقة الثانية من العجين وافرديها فوق البصل والدجاج ثم ضعي فوق هذه الطبقة البصل والدجاج
وتبقي على هذه الطريقة الى ان تنتهي من كل العجين واخر طبقة خلوها عجينة لحالها
بس في ملاحظة وهي وانتم تحطوا بالعجين بتحسوا انها انكمشت وصار بالمعجن فرغات مشان يصير الوضع
طبيعي انكم تعملو على وضع الدجاج على اطراف العجينة مشان لما تحطوا الطبقة الثانية تمسك الطبقة بقطع الدجاج وماتصير تمشي معكم العجينة وهكذا...
بعدين ضعوها على درجة حرارة متوسطة ورايحة توخذ معكم حوالي ساعتين او ساعتين ونصف

انتهى...
عذرا ان كنت شرحت كثير بس لانها شويه بدها بلشة لانه عندنا بلاردن احيانا اللي بدها تعملها بتنادي اختها او حدا يساعدها بس انا بكندا عملتها لحالي وكنت اول مرة بجربها ماخذ من تجربة امي
على فكرة الشرح طويل ولكن سهلة كثير كثير بس بدها اواني كثير
وصحتين وفي العافية جربوها وخبروني


منقول



 




عرض البوم صور إرشيفنا

قديم 05-20-07, 08:50 AM رقم المشاركة : 2
الملف الشخصي
إحصائية العضو







سامي est déconnecté

علم الدولة male_jordan

افتراضي

قسما بالله قسما بالله يا وعد لو هيك طلعتاه مرتي الا الخمها هياها بوجها
ونازله تشرح حضرتها كانو صانعه صاروخ وشكلها حارقيتها ولاعنه سلافها
ولا بتحكليك انه في الاردن لما الوحده بدها تعملها بتجيب ناس يساعدها
الله يرحمك يما كانت تعملها لجيش ما شاء الله عدد افراد الاسره والضيوف كمان وما عمرني شفت وحده بتساعدها
و الله يطول عمر مرتي ام فبيان وهي المانيه بتعملها ولا احلى من هيك لانه تعلمتها على الاصول وما بتجيب ناس يساعدها
والله وعد جايبه وصفه من وحده ما عارفه الله وين حاطها

انا اعجبتني هاي الجمله

اقتباس :
صحيح انسيت قولكم قبل ما بلش
تحت الخبز في جاج أو لحمة حسب الرغبة

يلالالالالالالالالالا من مره يا وعد على الشعاشيل ههههه



 




عرض البوم صور سامي

قديم 05-20-07, 09:00 AM رقم المشاركة : 3
الملف الشخصي
مواضيع متعدده من الارشيف

البديــل :: اعضاء رحلوا ::

الصورة الرمزية إرشيفنا
إحصائية العضو







إرشيفنا est déconnecté

علم الدولة male_jordan

افتراضي

اطيب اكله عندي يسلمووووو

وهادي الاكله اربداويه



 




عرض البوم صور إرشيفنا

قديم 05-20-07, 09:06 AM رقم المشاركة : 4
الملف الشخصي
مواضيع متعدده من الارشيف

البديــل :: اعضاء رحلوا ::

الصورة الرمزية إرشيفنا
إحصائية العضو







إرشيفنا est déconnecté

علم الدولة male_jordan

افتراضي

ههههههههههههههههههه لك سامي وربي وجعني قلبي من الضحك
ايه انا كتبت من اولها انها على لسان اخت اردنيه من شان تعليقاتك
ههههههههه وكمان ما خلصت
انا صراحه مابعرفها ولا اكلتها ولا شايفتها
بس هيك حبت احطها
يلا سيدي مو مشكله يلي عندو وصفه وبيعرف فيها اكتر يلا يشاركني فيها

الله يسعد قلبك فرطت من الضحك والله



 




عرض البوم صور إرشيفنا

قديم 05-20-07, 09:17 AM رقم المشاركة : 5
الملف الشخصي
مواضيع متعدده من الارشيف

البديــل :: اعضاء رحلوا ::

الصورة الرمزية إرشيفنا
إحصائية العضو







إرشيفنا est déconnecté

علم الدولة male_jordan

افتراضي

الله يسعدك يا احلى هلالالالالا جبرتي بخاطري شوي ههههههه
تسلميلي قلبي على مرورك الرائع



 




عرض البوم صور إرشيفنا

قديم 05-20-07, 09:20 AM رقم المشاركة : 6
الملف الشخصي
إحصائية العضو







سامي est déconnecté

علم الدولة male_jordan

افتراضي

طيب يا وعد هيه مش بعيده عن وصفتها بس هيه زادتها وكانها اكله معقده

هيه طبعا من اكلات اربد الحبيبه

اول بالنسبه للعجينه
هناك ناس بخلط شويه طحين ابيض معالاسمر وناس بس الابيض حسب الرغبه


العجيه اعتقد الكل بعرف يعجن وخليها ابيض بكفي

بنجهز العجينه وبنحطها على جنب ترتاح
بنفرم البصل حسب الكميه وعدد الاشخاص وهاي ما بدها حساب بالنظر بكفي وحسب حجم الصينيه الي بدنا نطبق فيها الاكله

هناك طريقه اما بالدجاج او اللحمه والاكثر يستخدم الدجاج وهناك من يخلط الاثنين


وانا بحب الدجاج

بعد سلق الدجاج

نقوم بتذبيل البصل المفروم بزيت الزيتون وتبهريه مع اضافة الدجاج اليه وتقليه حتى يذبل

ناتي الان الى الصنيه
نفرد اول طبقه من العجينه على قدر الصنيه نمسحها بقليل من زيت الزيتون وحسب الرغبه ان اردتم طبعا ولا ننسى ان البصل واللحمه عليها زيت زيتوت
نفرد الكميه في الصنيه ثم نقوم بفرد الطبقه التاليه من العجين فوقها ونقوم بتغطيتها بورق القصدير وندخلها الفرن ما يقارب الساعه على نار هادئه

ملاحظه
يمكن جعل اكثر من طبقه بتكرار العمليه بحيث تكون طبقتين ومن ثم الغطاء الاخير
طبعا ما ننسى البهارت من ملح وفلفل اسود على البصل كما قلت بهارات حسب الذوق

تقديمها
اما ان تاكل من الصينيه مباشره عائليه يعني او تقطع الى مربعات كالتورتة وتوضع في صحن عند التقديم
يمكن تقديم اللبن والسلطه بجانبها ايظآ

وصحه وهناء

وجميلتها على حالهااااااااااااااااااااااااااا هديك هههه




 




عرض البوم صور سامي

قديم 05-20-07, 09:23 AM رقم المشاركة : 7
الملف الشخصي
إحصائية العضو







سامي est déconnecté

علم الدولة male_jordan

افتراضي

صحيحي نسيت احكي
هيه بتحكي زيت زيتون مقدار لتر ونصف
الله يخرب بيت شيطانها هي بتتحمم مش بتتطبخ بالزيت هههههههههههههه




 




عرض البوم صور سامي

قديم 05-20-07, 09:33 AM رقم المشاركة : 8
الملف الشخصي
مواضيع متعدده من الارشيف

البديــل :: اعضاء رحلوا ::

الصورة الرمزية إرشيفنا
إحصائية العضو







إرشيفنا est déconnecté

علم الدولة male_jordan

افتراضي

اقتباس :
وجميلتها على حالهااااااااااااااااااااااااااا هديك هههه

ههههههههههههههه ههههههههههه
يا حرام هل مسكينه شو نالها من هال شغله ههههههههه

والله صارت هي الاكله كانها حرب عالميه

والله باين عليها مو صعبه منوب بس سبحان الله كل شي مامنعرفو منقول عليه صعب

بس عن جد سامي بيضتها والله

وبدي جربها عن جد وشوف صحيح بدها غلبه ولاء

الف شكر يا سامي على المرور وعلى الردوعلى الاضافه الرائعه
الله يسعد قلبك يارب



 




عرض البوم صور إرشيفنا

قديم 05-20-07, 03:46 PM رقم المشاركة : 9
الملف الشخصي
مواضيع متعدده من الارشيف

البديــل :: اعضاء رحلوا ::

الصورة الرمزية إرشيفنا
إحصائية العضو







إرشيفنا est déconnecté

علم الدولة male_jordan

افتراضي

بصراحة أنا سامعة بالأكله هاي بس عمري ما دئتها

ولاعملهتا بس بصراحة فتحتولي نفسي عليها ولازم اعملها

اضغط على الصورة لرؤيتها بالحجم الطبيعي

بيني وبينك وعد لما قريت وصفتك تعئدت فكرتها صعبة
الله يسامحها اللي معطيتك إياها هههههه
بس سامي الله يوفئة إجا وشرحها بطريقة أبسط
وبانت سهلة عاللآخر
مش عارفة لاتضحكوا علي لإني ما بعرفها
بس أتصور طعمها بيشبه المسخن شوي بس هي من غير سماق !!

عكل حال يعطيكم العافية وعد & سامي
ما أصرتوا
تحيتي لكم
ميرامار



 




عرض البوم صور إرشيفنا

قديم 05-20-07, 04:16 PM رقم المشاركة : 10
الملف الشخصي
مواضيع متعدده من الارشيف

البديــل :: اعضاء رحلوا ::

الصورة الرمزية إرشيفنا
إحصائية العضو







إرشيفنا est déconnecté

علم الدولة male_jordan

افتراضي

وعوووووووووووووود يسلموووو ايديكي ع النقلة و باين انها اضغط على الصورة لرؤيتها بالحجم الطبيعي


ما دامها محشية

و سامي هههههههههههههههه قتلتني ضحك و الله تبارك الله عليك اضافة و شرح و لا احلى منه

يسلمووووووووووووووووو



 




عرض البوم صور إرشيفنا
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are متاحة



Powered by vBulletin® Copyright ©2006 - 2013
جميع الحقوق محفوظة لموقع النواصرة
Live threads provided by AJAX Threads v1.1.1 (Pro) - vBulletin Mods & Addons Copyright © 2014 DragonByte Technologies Ltd.

a.d - i.s.s.w


جميع الآراء والمشاركات المنشورة تمثل وجهة نظر كاتبتها فقط ولا تمثل بأي حال من الأحوال وجهة نظر موقع النواصرة

SEO by vBSEO